مشكله في التكيف

وعليكم السلام ورحمة الله

روح للي قالك الفريون ناقص و اكسر راسه
هذا كذاب .. الكومبريسر عندك ضعيف و يحتاج تغير

حسبي الله عليهم يقولون انهم فنيين تبريد و هم الاساس سباكين

يااخي وده للحق المكيفات واسئله شوف شنو مشكلته ويعطيك الخبر 
وقول اذا ماطلع تتحمل مسئوليته مو يتطبب بسيارتك ويلهط فلوسك 
مشكلتنى الواحد ماادري كيف مايعرف الي له والي عليه 
احنى شعب طيب هذا مشكلتنى 
لا تكن لين فتعصر وشكلنا انعصرنا حيل 

الله يعطيكم العافيه 

اخوي اهم شي لا تاخذ راي واحد فقط بالذات بالتكييف مر على 2 او 3 او اكثر لحد يثبتوا على راي وتقتنع فيه

قبل يومين خرب مكيف فوردي كان بارد وقلب حار طفيته رجع بارد ثم قلب حار .. اخرتها ما عاد يبرد المهم الكمبروسر ما يشتغل ابدا
رحت لاول واحد فحص وقلي لازم تغير الشاشة كاملة ب2000 ريال !!(مكيف الكتروني)
ايش دخل الكمبروسر ما يشتغل بالشاشة ..
رحت للي بعده وانا واقف عنده شغله ب10 د طلع كتاوت خربان ...ب40 ريال وصلى الله وبارك ...

يعني انتبه منهم كلهم ما عندهم سالفه يتعلم بالسيارة اشرط عليه انه يتحمل المسؤولية اذا رفض فغالبا ما عنده سالفه

إذا المكيف عندك لمس 
ولع السويتش وروح افصل الاصبع الموجب 
وخليها حوالي 10 دقائق وارجع اشبكها وإن شاء الله يضبط معك

اذا المكيف لمس عندك والسيارة امريكية شف لك حق تكييف مضبوط وخله يشيك على فتحات التهوية في الطبلون فيها بلاستيكات تتكسر مع الوقت ب 30 ريال تغير وتضبط والواضح لي انها تفتح ويحتر الهوى ويقفل ويبرد اذا تكسرت بالمرة يحتر المكيف ويحسسك ان الفريون ناقص او فاضي

معلومة للجميع أي واحد يعبي لك فريون لازم يخلي مساحة هوى عشان ماتتفجر الليات والمواصير مع المطبات وكل السباكين يقولك فريون ناقص ويصفط 100 ريال عالفاضي

الله يعطيكم العافيه ولا قصرتو 
وبشوف الكتاوت يمكن منه ما طرى ع بالي 
المكيف عندي مو لمس والسياره سعوديه

شوف ياغالي شغل المكيف وافتح الكبوت اذا بردت المواصير الي جايه من الكمبرس وصارت بارده وداخل السياره حار افصل اهواز الحار او دور كهرباي يفصل فيش قسام الحار لنه البوابه معلقه عندك المكيف مافيه شي