تجربتنا في تغيير بواجي الاكسبدشن ومشكلتنا مع سياره اخرا

17 8

لايمكنك التصويت حتى الحصول على 20 نقطة على الأقل
إضغط هنا للإخفاء

شويخ من أرض مكناس 2822
قبل 10 سنه و 2 شهر

السلام عليكم ورحمة الله وبركاته :
موضوعين في واحد 

قبل فتره خويي طلع سياره جديده وماكملت معاه الا اسبوع ويجي راعي جيب ينتفه من ورا ويهرب وتنقلب بس سلم 
نخش على المهم وهي شركة التاجير المنتهي بالتمليك لان السياره ايجار منتهي بالتمليك 
المهم السياره توقفت فتره طويله
وقالو له استاجر سياره هالفتره وسدد اقساط السياره طبعا ماقدر يسددها فقالوا خلاص نخصم السداد من قيمة ايجار السياره اللي بتستاجرها 
وبعدين جب فواتير السياره اللي استاجرتها عشان نخصمهامن قيمة اقساط السياره

دارت الايام وبعد ما استلم سيارته عطاهم الفواتير وسحبوا عليه قالوا مالنا علاقه عليك اقساط متاخره 
واحنا غير مكلفين بالسياره اللي اسئجرتها

هنا ظهرت الخيانه ووالحين ورط فاقساط السياره وقيمة ايجار السياره اللي رجعها بعد ماصلحوا سيارته
تراكمت عليه
طيب 
قلنا لو بنرجعها لازم شيخ المعارض يقيمها ويبيعونها وهو يدفع الفرق الباقي من قيمتها
السياره مابتجيب قيمه لانها مصدومه ملحوم
قيمتها  كاش ومع الاقساط والفوائد 
فلو باعوها كونها مقلوبه بتجيب مثلا 50 الف باقي 96 الف لازم يدفعها كاش

ومايقدر يتنازل عنها لان محد بياخذها ولايقدر يكل اقساطها دامها مقلوبه حرام يدفع 146 فسياره مقلوبه

الحل يابو شقوح طيب ؟
قلتله ماعندك تحرقها فدام لعبو عليك والشغله نصب فنصب هي قدها خاربه خاربه 
تم التخطيط لخطة الحرق حتى نبعد الشبهات وتجهيز تمثيليه منها حرق الثياب واظهار النفس الحزينه المنكسره اما هذه السياره المحروقه
وبالفعل تم حرق السياره اخر الليل
واخذنا تقرير من الدفاع المدني انه بسبب التماس كهربائي وتم اغلاق ملف هذه السياره شركة التامين دفعت قيمتها للوكاله وبكذا تخلصنا من هذي المشكله

الموضوع الثاني 
&&&&&

قبل فتره بعد مابعنا الفورشنر كنا ندور فكيتوريا او ماركيز الشفا والنسيم مالقينا فيها شي نظيف كلها مضروبه وشريطيه وحالتها حاله شي يرفع الضغط
بالصدفه لقينا اكسبدشن مع شايب خويي قال ابي اشوفه 
وكانت الفلوس على مع الدف والسلف توها تجيب سعره 

بصراحه ماقد جربت الاكسبدشن لكن اسمع عن مشاكل البواجي وكنت متخوف مابي خويي يورط فيه 
قلي لاتخاف جاري معاه واحد ويمدحه 
الممشى 145 مديل 2006 ايدي باو فل كامل بدون دبل

صاحبه يقول شاريه من واحد مطلعه وكاله كان ماشي 95 الف وجلس معي سنتين ماغيرته فيه الا زيت مكينه وفحمات وسير وهوبات وبطاريه بس
اقوله انتبه ترا وضعك المادي مايسمح انك تسوي له صيانته كنت ابيه ياخذ النترا او شي على قده
المهم اصر وتوكلنا على الله
فحصنا الموتر مشاءالله نظيف

اخذنا الموتر وشرينا 
زيوت وفلاتر وبواجي قير ومكينه وصفايه من والى 
جينا نغير بواجي قالوا الاكسبدشن ماعندك الا وكاله الواجي صعبه ومانقدر فيها وممكن تنكسر

رحنا لمحل ( كويك لاين ) التابع لفورد 
برقم الشاص شيكنا على السياره طلعت باسم واحد اجنبي سوري مدري لبناني وماعمره سوا صيانه فالوكاله
تغيير البواجي ب300 والله اشوفها رخيصه مع مشاكل انكسار البوجي وصعوبة تغييره وراح اذكر لكم ليه صعب
تغيير زيت قير ب180
تغيير فلتر ب115   !!!  قلت اقولك اتركهم نروح نغير برا زيت القير عند اي مركز او بنشري اعرفه
وغيرناه برا فلتر وزيت ب150 وكان فك الكارتير مثل الفكيوتريا والمركيز سهل مره
نجي لتغيير البواجي
قالو لي فالبدايه
( خلال سنه مره واحده انكسر علينا البوجي فلو صار وانكسر سيارتك توقفها عندنا ونجيب متخصص يفكها ) وغالبا ماراح نكسر الموظفين لهم خبرتهم
بس خل اسياره تبرد الان
عند الفك الموظفين تجمعوا حول السياره وكانت نظرات الخوف عليهم وانا امزح معاهم اقولهم خذو راحتك شكلهم خايفين بجد
مره واحد يركب على المكينه عشان يفك ومره يوقف ينادي الهندي ويجي الهندي يكمل
شوي يوقفون ويجلسون يتكلمون هههههههههههه يناظروني وخايفين

رحت جبت مويه وبايسون ووزعت عليهم ابي الخوف يروح منهم وياخذون راحتهم المهم الاخوان شدو حيلهم فالشغل وكانو حذرين
فكو اثنين من البواجي وركبو البواجي الجديده
وشغلو السياره دقيقه وطفوها وفكو الاثنين اللي بعدها وكذا
مع رش البوجي ببخاخ هذي الجهه اليمن 

الجهه اليسرى اضطرو يفكون الظفيره كامله عشان يوصلون لا اخر بوجي
بحكم المكينه راجعه ورا مررره وبعدها عن الصدام يمكن 50 سانتين فيه مساحه كبيره بتلاحظون يد المهندس داخله جوا خلف المكينه

بعد ما انتهو من فكها بدون انكسار جيت سئلتهم عن سبب الانكسار
قالوا البواجي تجي طويله ونحيفه والمكينه راجعه ورا فلو جيت تفك والمفتاح كان مايل بشكل بسيط راح ينكسر البوجي
والمشكله المكينه داخله ورا ولازم تميل المفتاح فاحنا نحاول نخلي المفتاح بشكل مستقيم وقت الفك

الشي الثاني البواجي اذا طولت مع الحراره والكلس والتكدسات تسبب التصاق البوجي فاحتمال كبير يتعرض للكسر لانه نحيف
(( لذلك ينصح بتغيير البواجي كل 50 الف كيلو ))  او اذا حاب تحللها تمشي 150 الف فلاتغيرها الا عند الوكاله لانهم صار لهم خبره بعد ماتعلموا فغيرهم وصار لهم خبره فالموضوع

الشي الاخر وللاسف نسيت اصور البواجي
البوجي طويل وفيه فالنص منطقه نحيييفه مره هذي لقيتها رايحه سوداء وعليها كلس 
فقالي هذي الترسبات تسبب ضعف للبوجي نفسه وينكسر
اللي قبلك شكله ماعمره غيره البواجي 
المشكله من مديل 2003 الى 2008 في نوع البواجي
من 2009 انحلت المشكله خلاص

المهم انطباعي عن تجربة الاكسبدشن 
قبل الصيانه وتغيير البواجي كانت تبلع بنزين بشكل جنوني فل التانكي يمكن ياخذ 51 ريال
بعد تغيير البواجي وتنظيف البخاخات والصفايه والفلاتر و و و  قلنا نبي نسافر ونجرب

فللنا فالرياض مع تشغيل المكيف ومشي 125 وصلنا المجمعه تعشينا ورجعنا على نفس الممشى
وصلنا الرياض على نص التانكي بالضبط تقريبا 315 كيلو شي حلو
السياره فالمدينه مره ثانيه صرفيتها عاليه بس مو مثل اول قبل مانغير البواجي كانت تاخذ بنزين كثير
خفت الصرفيه بس داخل المدينه بصراحه يصرف
على الخطوط اقتصادي مرررره

العيوب
ديكورات الابواب اصوتها طالعه اصوات هربده وديكور باب السائق فيه كسر بسيط بلاستك ضعيف بصراحه بس ديكور الطبلون ماسك ماله اصوات

المراتب بصراحه ماتوقعتها كذا ماهي مثل الفيكتوريا والماركيز اشفنج وولينه 
فيها شوية قساوة بس السياره بشكل عام لينه 
عزلها الارضي تمام والهوا تمام
مشيت عليها لل180 ماتحس بالموتر ماشءالله عليه الارتفاع طيب اعجبتني السيارات المرتفعه

ازرار القزاز فيها مشكله مدري وش فيها
التكييف وبصراحه اعجبني 
الفيكتوريا والماركيز داخل المدينه غالبا يبرد ويخف التبريد واذا مسكت خط يثلج المكيف

الاكسبدشن تبريده قوييي سواء فقط ولا داخل مدينه 
الابواب ثقيله ومتعبه 
الكبوت تفتحه بصراحه ماتشوف الا راس المكينه صغير والباقي داخل ورا
وباين من شكلها انها معقده لذلك ماينفع انك تسوي لها صيانه الا فالوكاله مثل البواجي والكهرب

اما الامور الميكانيكيه وغيرها عادي
الشي الممتاز واللي وفر علينا
فلتر الزيت نفس حق الفيكتوريا والماركز والاكسبلورر
يعني مافيه شي اسمه فلتر اكسبدشن او اكسبلوور كلها مقاس واحد رغم اختلاف المحركات وقوتها وحجمها

اللي يفكر في الاكسبدشن انصحه لاياخذ الانظيف او جديد وشرط انه يلتزم بالصيانه فالوكاله السياره اعتبرها حساسه من ناحية الصيانه فقط يعني مو اي واحد يسويها له

إبلاغ

الردود