ابي استشيركم ومن شاور ماخاب

رحمة الله على والدك
وجعلك بار بوالدتك

تقدر تعيد اختبارات التحصيلي والقدرات والله يوفقك ان شاء الله

ومعلومة ممكن تجهلها
قدم على الكلية التقنية طبعا شهادتهم دبلوم (دراسة سنتين)
وبعد الدبلوم تقدر تكمل بكالوريس
يعني ان شاء الله تقدر تتخرج حتى مهندس

اولاً : الله يرحم والدك ويغفر له ويسكنه فسيح جناته 

ثانياً بخصوص التخرج مبروكك و الله يوفقكك ، 

ثالثاً : بخصوص معدلك كويس غريبة ما انقبلت ومهوب شرط التحصيلي الا اذا انت نكبت نفسك بتحديد تخصصات صحية و سحبت على الباقي اقل شيء يقبلونك تحضيرية انسانية 

رابعاً : بخصوص ارامكو حلوة اذا انت عادي عندك الشغل و التعب ولا تنسى انها بدون شهادة يعني متى ما بغيت تتركهم تطلع بس بشهادة ثانوية 
 و كذلك زميلي دخلها و كان تخصصه بفترة دراسته متعلق بالالكترونيات 
بعدما خلص من الدراسة وظفوه عامل شحن و تفريغ في غير تخصصه تريلات يعبونها و تريلات يفرغونها 
المهم انه قرر يتركها قالوا ادفع ٤٠ ألف ريال زي الشرط الجزائي كذا المهم ما ادري عنه بعدها 

خامساً : ابتعد عن الدخان و ألحق على عمرك انا كنت قبلك دخنت سنتين تقريباً 
لدرجة صرت اشتري البكت الصباح ورب الكعبة يخلص ما جاء العصر يوم شفت وضعي كذا و صدري اندمر و صوتي تغير و وجهي صار اسود و اهلي شكوا بالوضع 
قال لي انسان الله يوفقه وين ما راح اترك الدخان ولا وريتك وجهي الثاني و تركتك قلت الحين بين امرين اترك الدخان او يتركني 

قلت لابو الدخان على ابو من صنعه و الحمدلله من ترك شيئاً لله عوضه الله خير منه 
ومن تركته حالي احسن لكن مازال صدري مندمر بلغم اعزكم الله ؤ كحه و ضيقة 

و الله يعين 

تبي نصيحتي قدم على الجامعات مرة ثانية فيه قبول للترم الثاني ولا تطلع برا المملكة مثل ما تقول انت وحيد امكك ما راح تصبر بدونك 
اجلس و ادرس هنا أفضل قدم على الامام او اي جامعة 

بس ما حددت انت وين تعيش ؟! 

اذا انت في الشرقية تعال ادرس في البحرين احسن من الغربة وتسير بعيد عن اهلك الا اذا كنت مرتب على شي ثاني نصيحتي لك تسلح بالعلم انا اشتغلت بدون شهادة وتورطت ادرس واشتغل افضل لك وربنا معاك 

السلام عليكم يخوي قدم على الجامعات اذ فتح التقديم و دورك اي وظيفه قريبه من منطقتك  وبعدين كيف تطلع تدرس برا وامك ماله الا الله ثم انت صدقني منت متوفق اذ طلعت تدرس وخليته انا نفس حالتك الحين في معهد مساعد اداري واخذ مكافه 2500 واكثر وقدمت على وضفيه وبقدم بس مافيه امل اطلع بر الرياض لو الراتب كم لائني اكبر اخواني الذكور وانا ولي امرهم 

انصحك من خبره بالتقديم على الجامعات والكليات .... لاتيأس عندك جامعات كثيره وتخصصات اكثر لكن انت محدد تخصص صحي شكلك علشان كذا ماقبلوك جرب الهندسة جرب كليات العلوم جرب ايضا اكاديمية هيئة الطيران ومعهد سابك ومعهد شركة الكهرباء ومعهد التحلية

بسم الله الرحمن الرحيم 
الأولة الله يرحم والدك وجميع موتى المسلمين .
الثانية الدخان ما به خير وحاول إنك تتركه بدري ﻷن أوله 
دلع وأخره ولع ولاتنسى إنه محرم ولو دخلنا في مشاكله
الصحيه يبيلنا مجلدات وما نخلص.
الثالثة باقي قدامك باب من أبواب الجنة وهو أمك وأنت العائل
الوحيد لها أنصحك لاتفرط في رضا أمك وطاعتها وثق إن أبواب 
الرزق بعد الله بسبب طاعتك لأمك .
الرابعة نصيحة لوجه الله الجامعات إذا تبيها كمل منتسب وحاول تشوف
لك وظيفة أو تجارة لان الجامعات ما صار لها مستقبل مثل اول 
والواسطة تلعب دور .
الخامسة إذا تبي تنزل وزنك إسال مجرب ولا تسأل طبيب عليك 
بالمشي بعد كل صلاه فجر لمدة لاتقل عن 40 دقيقه وحاول تكثر من 
شرب الماء واكل الفواكة والخضروات وتجنب الاكلات الدسمة او على 
الاقل التقليل منها وكذلك المشئ قبل غروب الشمس وبعد اسبوعين الى 
ثلاثة اسابيع يتعود جسمك على المشئ إقلبها هرولة وحاول تزود المدة 
ساعة صباح وساعة مساء ولك مني ما يأتي شهرين الى ثلاثىة أشهر
إلا وأنت نازل فوق 30 كيلو وكل ذلك طبيعي وما فيه أي عارض صحي
وأنا أكلمك من تجربه وحاول تنظم نومك يعني تنام في الليل .
وفي الأخير أسأل الله التوفيق والسداد لك .
ال

يعطيكم الف عافيه يالغالين، و +1 للجميع