مشورتكم ياخوان-تورس

وعليكم السلام
سيارة ماشاء الله من تجربتي لها ناسبتني وجدا ممتازة
راسية والعزل ممتاز وقطع الغيار مناسبة من الوكالة طبعاا ومواصفات رائعه
اللى عندي 2010 فل كامل امريكي وعارضها للبيع وباذن الله فترة بسيطه وبرجع اشتري وحده ثانية 
بالتوفيق

مشكور اخوي ماقصرت بس من خلا تجربتك لها هل هي عملية لاني طالب جامعي وماني ناقص خرابات 

اذا انت طالب جامعي صراحه ماتنفع لك قطعها نااار
اي طالب جامعي اشوف ماينفع له الا كامري والا سوناتا او النترا من هاذي السيارات قطعها معقوله وعمليه حقت كرف

يعطيك العافية اخوي محمد

اذى طالب انصحك تاخذ بسعرها سياره وكاله افضل من مديل10كم له سنه 

إذا كنت طالب ما أنصحك فيها ...بقيمتها خذ سيارة يابانية أصفار حجم متوسط أو صغير ...تكد معك واقتصاد وقطعها طيبة ..

المعذرة ع التاخير بالرد
لها تقريبا سنتبن معي الحمدلله فضل من ربي ماغيرت الا قطع استهلاكية ونظافة السيارة لها دور ماشاء الله لانها من صاله
المساعد الخلفي 280 ريال
المساعد الامامي 330 ريال
سير 50 ريال
الاقمشة 240 ريال
هوبات 220 ريال
فلنجة كفر حدود 300 ريال
القطع كاملة من توكيلات الجزيرة
لكن القطع الخارجية غالية مثل الشمعات الشبك الصدام قطع البودي
واستخدامها مثل الماركيز مافيها تعقيد لكن دركسونها خفيف وحساس يمكن عشان جربت الاكورد قبلها
استخير والله يوفقك
تورس اكورد كامري تأدي الغرض مادام استخدام عاقل 

مشكورين ماقصرتو و بيض الله وجيهكم

انا معي تورس 2011 وماشاء الله مرتاح معها عزمها حلو وصرفيه البنزين معقوله واسعار القطع الاستهلاكيه مناسبه جدا اما قطع البدي غاليه للاسف مثلا انا غيرت الشبك الامامي اصلي بـ 1300 ! غير ذلك السيارة ممتازة واعتماديه وانصح فيها

الله يخلي الماركيز اشترت شبك امامي ب 80 ريال فقط لاغير هههههههههه