أضف سؤال أو موضوع جديد          

ياخوان ابي ابيع سيارتي تقسيط ويش السواة

up 1 down 1
ابو العنوود 421
قبل 5 سنه و 6 شهر



سلام عليكم ورحمة الله وبركاته
اخبارك ياخوان عساكم طيبين
انا عندي سيارة وعرضتها للبيع بنية الكاش او التقسيط
وفيه واحد كلمني وقالي انا ابي اخذها تقسيط لمدة سنه
الحين انا ابي اضمن حقي وانا ماني معسر على الرجال
ابي اسهلها عليه وخصوصا ماعنده سياره 
لاكن تعرفون الواحد يبي يضمن حقه وخصوصا الرجال ماعرفه ولايعرفني
الله يوفقكم ويجزاكم خير .....







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


و عليكم السلام...
عن طريق المعرض... بالكمبيالات ... بس على ما اظن انه المعرض ياخذ مبلغ معين على كل كمبيالة...
و بكذا ان شاء الله تكون ضمنت حقك باوراق رسمية من المعرض موضح فيها بكم بعت السيارة... و كل تاخذ من الرجال كل شهر..
و لمدة كم سنة يقسط...
و موفق ان شاء الله..
1+


up 2 down 0
the son of the kingdom 927
قبل 5 سنه و 6 شهر



شيكات اضمن لك وله انا سبق وتعاملت بالشيكات 
لان اي شيك بدون رصيد على طول سجن 


up 1 down 1
نادرالزهراني 434
قبل 5 سنه و 6 شهر



الله يوفقكم يارب ويجزاكم بالخير جميع
طيب كم ياخذ المعرض تقريبا على كل كمبياله
وبالنسبه للشيك الرجال الظاهر ماعنده


up 0 down 0
ابو العنوود 421
قبل 5 سنه و 6 شهر



كمبياله تضمن حقك


up 1 down 0
عميق الشمال 296
قبل 5 سنه و 6 شهر



طيب كم ياخذ المعرض على الكمبياله


up 0 down 0
ابو العنوود 421
قبل 5 سنه و 6 شهر



هلا وانا عندي مبلغ وابي استثمره بي شرء سياره وتقصيدها بس ما اعرف الطريقه وكيف اضمن حقي 


up 0 down 0
نايف مجول القحطاني 371
قبل 5 سنه و 6 شهر



١ تبقى السيارة باسمك

٢ تضيف اسم الرجال  بالاستمارة بخانة المستخدم الفعلي

٣ يدفع هو عليها تأمين شااااامل 

٤ تكب بينك وبينه عقد بيع بالتقسيط وتذكر فيه كللللل التفاصيل ولو نزلت ع شركة تقسيط وتاخذ منهم العقد وتغير فيه بما يتماشى مع مصلحتك انت كبايع

٥ اذا موديلها يسمح قبولها بالتقسيط دفها لشركة التقيسط وهو يكمل معهم 
وانت تاخذ الملبغ ، طبعا لازم ورقة عرض سعر من معرض

٦ من حقك تزيد ع قيمتها ، حق الاجل بالاقساط ولا يطمعك هذا الامر اذا بتفقد الزبون ، طبعا ذكرة هذا الامر لان الشركات تاخذ زيادة والعالم طوابير ،ومن هذا المنطلق انت بعد اولى بزيادة معقوووووله

٧ هذي النقطة ركز فيها شوي وهي غير الزيادة الفائدة هذي تقدر تسميها اتعاب او احتياط او تأديب ههههه
اذا لعب معك وماطلك بالسداد مثل قيمة السيارة ٥٠ قله انا ببيعك بالاوراق ب ٦٠ عشااااااان لو فيها مماطله تكون اخذت حق التعب وراه
واذا التزم تخصم له مبلغ الفرق وتوثق هذا الشي بالعقد بان اذا التزمت ، لك خصم قسطين او اربع حسب مبلغ الزيادة الي بترزخها بظهر

٨ كل قسط بورقة كمبيالة لحاله تحفظ عندك وتسلمه في حال سلمك قيمة القسط

٩ تكتب المبلغ كامل بورقة اسمها ( سند لامر ) وحدة تستخدمها اذا تاخر عليك مثلا ثلاث شهور 
تقدمها وتطالب بكل الدين 

١٠ اذا مريت شركة تقسيط او معرض سيارات او معرض تقسبط مكيفات
اسال واستفسر وناقش وتنور وخذ منهم بحكم الخبرة كيف الآليه بمثل هذي التعاملات

١١ الله يسهل امرك مثل ماسهلت ع غيرك ويبارك لك ويبعد عنك كل شر



up 2 down 0
aziz..747.. 2424
قبل 5 سنه و 6 شهر



اخيرا خلي العاطفة والحنيه بالبيت وقفل عليها البشر مو سوا


up 2 down 1
aziz..747.. 2424
قبل 5 سنه و 6 شهر



لا تنسى بعد خله يجيب لك كفييل 


او اذا كان موظف حكومي وراتبه على الراجحي تقدر تخليه يسوي استقطاع شهري بمدة الاقساط ولعلمك بالراجحي مايقدر يلغي الاستقطاع حسب مافهمت من اصحاب تقسيط بطاقات السوى 


up 0 down 0
أبو ناصر 61
قبل 5 سنه و 6 شهر



والله كل حلولكم صعبه ولو الرجال عنده شروطكم كان طلع موتر من اي شركة

شوف ياخوي في الاول و الاخير نظرتك للرجال تهم كثير في الموضوع تشوفه قد المسؤليه و ما عنده لف و دوران
اعطيه
تشوفه ماهو قدها او تحس ان عنده لف و دوران او بيتأخر عليك لا تعطيه و ريح نفسك لاكن نقول انشاء الله انه رجال
قد كلامه

اخر شي طريقة البيع

مثل ما ذكرت لك اول شي الرجال لو عنده كفيل او انه موظف حكومي و يقدر يسوي استقطاع و يكتب شيكات
كان اتجه لأي شركة مثل اليسر و الوطنيه و غيرها و اخذ موتر لاكن ما اظن عنده كل الشروط ذي

الحل انك تطلبه كمبيالات لان هاذي كل الشعب يقدر يطلعها من البنك
ثاني شي تاخذ منه 12 شيك تكون فيها مجمل مبلغ السيارة ( 12 شيك على 12 شهر = سنه او 24 شيك على 24 شهر = سنتين)

كل شيك يكون عليه تاريخ الصرف مثلا الاول هذا الشهر يوم 28 الشيك اللي بعده تروح تصرفه يوم 28 الشهر اللي بعده
و على كذا مايحتاج انه يعطيك المبلغ كل شهر و يماطل و يقولك انه مسافر مثلا
طبعا الشيك لو رحت صرفته في موعده و ماكان في رصيد في حسابه رح يعطيك البنك خطاب بشي ذا
و تقدر تروح تشتكي عليه رح يوقفون خدماته على طول و يجيبوه لان في الفتره ذي مشددين على موضوع الشيكات
و طبعا تسوي ورقة مبايعه بكل الشروط في اي معرض تحتوي تبصيمكم انتم الاثنين و الشهود عشان تضمن حقك
و هو يضمن حقه
انا اشوف ان هاذي انسب طريقة والله يكتب لك اللي فيه الخير ..


up 0 down 1
shadowz33 1097
قبل 5 سنه و 6 شهر



سلام عليكم 
ابشركم ياخوان بعت السياره على الرجال ولله الحمد والرجال باين عليه ابن حلال
وماعنده لف ودوران وسهلتها عليه بس سويت كمبيلات وكفيل وبس



up 1 down 0
ابو العنوود 421
قبل 5 سنه و 6 شهر



ولايك للجميع وبيض الله وجيهكم
الله يوفقكم دنيا واخره ويسعدكم ان شاء الله


up 0 down 0
ابو العنوود 421
قبل 5 سنه و 6 شهر



بشر ؟
نجحت الفكرة خلال 3 سنوات الماضية وسددك الرجال والا جحدك ؟
انا مثلك عندي سيارة بقسطها واحترت


up 0 down 0
3zyiz 256
قبل 2 سنه و 4 شهر