دخان ابيض من الفورد

اذا بداية تشغيل دخان ابيض وينقطع جلد بلوف 

كم قيمتة غالي  
قصدي تكلفته 

السيارات الامريكية كذا تنقط موية اذا حميت المكينة حتى لو هي مبوشة
تنقيط الموية مالها دخل بنظافة المكينة

طيب تتوقعون من تغيير البنزيين

انا عندي فورد 99فيها دخان عند التحريك وأذا دعست دعسه متواصله
يطلع بداية الدعسة بعده يختفي اول  كان خفيف الان زاد
ونزلت موضوع ابي اغير جلد البلوف وسألت عن افضل ورشه ببريده ولا احد رد 
التكلفه سألت الضحيان قطع الغيار جلد البلوف اصلي 380 والشغل من600-700
يعني التكلفه ماتتعدى1300 بس المشكله بالورشه المضمونه

الله يسعدك ياسيد المحترم

وياك يأخي الكريك لكن هذا السعر لموديل 99 
لكن الى الان ناس تقول بلوف وناس تقول شنبر لان الشنبر كذلك يطلع دخان بس متواصل 
اللي خلاني شبه متأكد انها جلد بلوف لان الموتر مع الدعسه يطلع ويختفي بعده وعزمه طيب ومكيف وسفريات 
والزيت ينقص لكن مو بشكل كبير ولو هو شنبر كان مات عزم السياره ولامكيف ولاشيء
ابغير جلد وأشوف هل تنقطع الدخان اولا   

لا الحمد لله موجود عزم ومكيف وسفرياات

يالغالي عندي اخوي نفس مشكلتك ونفس الموتر قراند ماركيز 97 ماشي ماشاء الله 460الف
وكل شيء فيه تمام 

وجلد البلوف تقريبا بـ 400ريال من الوكاله
والتركيب عند واحد خبره فورد بـ 800 ريال وماتتعدى 1200 بالكثير 

وفيه طريقة مختصرة بدون فك راس المكينه اللي هي بالزرقينه مدري كذا اسمها 
بس ماجربت صراحه 

اهم شيء ياخوي التركيب والله يوفقك

طيب 
مو من تغيير البنديين

وضح يالغالي ؟؟؟

قصدي مو 
ممكن يون السبب لاني غيرت البنزين من اخضر الى احمر

جلد البلوف أصليه قيمتها 400 ريال

تركيبها بدون فك راس المكينة يكلف حوالي 600 ريال...

لا التغيير مايضر لاكن مشكلتك جلد بلوف 

استفساري على ردودك

1- الموية مالها علاقة في نظافة المكينة

2- الدخان الابيض طالما انه يطلع ويختفي مرة ثانية هذي جلد بلوف

3- وش السبب اللي خلاك تحول ل 91 ؟؟؟ هل مقصدك انه ارخص ؟؟؟ لعلمك المواتر القديمة خصوصا 8 سلندر وامريكي لازم 95 لأن الواحد مايناسبه ابد


رجعه احمر وريح عمرك

تحياتي

السلام عليكم اخواني عندي مشكله ابي ابيع السياره ويقولون لي ادعس بنزين ادعس يطلع دخان كثير ابيض وش الحل ابي حل 

سيارتي فورد ماركيز 2000

انا عندي فورد ماركيز 2006 ما شاء نظيف بس طلعتلي هذي المشكله وهي خروج الدخان مع الدعسه