أنوار الماركيز

وعليكم السلام

يا غالي كثير قبلك جربوا .. غيروا الكتاوت لنوع اقوى و غيروا الشمعات و الظفيرة ما راح يقوى الا شيء بسيط 

العلة في انوار الفورد ( ضعفها + انتشارها ) .. حتى لو تشتري انوار وكالة برضو فترة و ترجع لنفس العلة القديمة 

صدقني لو تلف و تدور ما تلاقي حل يريحك مثل العدسات ( مو العدسات التجارية اللي اي كلام ) 

النور الاصفر على قولتك زي الوكلاء انسى تلاقي حل يرضيك غير انوار وكالة اصلية وغالية و  ماتوصل لمثل حل العدسات  .. لكنها  مرضية


*** الانوار التجارية انسى انها تنور لك الخط  ***

أضم صوتي لصوت الكثيري 

أفضل حل تركيب عدسات أصلية والان كثرت العدسات مو مثل أول كان منفرد فيها البي أم دبليو 

ياخوان والله العدسات ماعجبتني احب السيارة على وكلاتها ماحب اضيف عليها شي

هيوش كم كلفتك هذي كلها ؟؟

اخوي كم كلفتك كامله ومن وين اذا بالرياض..؟ امري لله :(

بما انكم بالرياض و تبون شيء زين و بأقل تكلفة .. انا بقولكم الخلطة 

فيه عضو بحراج من الرياض اسمه :abd688

يبيع عدسات اصلية والشهادة لله  ... و الافضل للماركيز والفيكتوريا ... 
عدسة لكزس rx350   لكنها شوي غالية بالقزاز الصافي 750 تقريبا و فيه يبيعونها بأغلى
و عدسة e-55  و هذي سعرها حوالي 550 
و عدسة fx-r  (الجيل الثالث ) وسعرها حوالي 450 

ادخل على اعلاناته وشوفها و يشهد الله علي اني ما اعرف الرجال لكن بضاعته ممتازه واصلية ويميزها اللي يشوفها 

هذي طبعا افضل عدسات للفورد وكلها ممتازات  

و التركيب معروف بالرياض لا تركب الا عند محل التمران اذا ماخاب ظني .. معلم اسمه برنس  
هذا شغله مضمون في التركيب 

و الاجهزة رخيصه صارت .. خذ لك اجهزة زينون دينسو حقت اللكزس والتويوتا مستعملة من 500 ريال 

صح انك بتشوف التكلفة شوي غالية بس بذمتي انك لو سويت اللي قلته انك تدعي لي سنين كل ماتركب السيارة وتمسك خط مظلم 

و ارجع و اقول والله ما اعرف الاخ اللي كتبت عنه فوق .. و فيه كمان غيره   العايد و كم شخص معروفين من نفس موقع حراج وبضاعتهم ممتازة و اصلية 

عشان مايجي شخص ضعيف نفس يقول لي اني اسوق لهم 

يعطيك العافية .ان شاء الله بروح للغرابي

اهم شي يا سلطان لا تنسى ان يكون الكتاوت اصلي

فيه نوع تايواني لونه اصفر ممتاز جدا

وتأكد ان يكون معه فيوز.

ولا يهينون الشباب 




انا معاي جراند مركيز 2007 وعانيت بالانوار والمشكلة في بعض المحلات يستغلون هالمشكله 
ويلعبون على الناس 




مثلا يقولك عندي شمعات الماني قوتها ١٠٠ واط مدري ٧٥ وشمعة الوكالة ٥٠ 
ويقول انها تعطي إنارة افضل وهو يكذب 




لان قوة النور من الكمبيوتر نفسه مايعطي قوة اكثر فـ مالك الا تركب عدسات




مع اني مثلك احب الموتر وكاااالة بس النور تعبان بالحيل




والحمدلله ركبت عدسات كملت معاي سنه تقريبا والحمدلله مبسوط 




انصحك ركب عدسات fxr هذي اللي عندي بصراحه ممتازه جدا وتفرش لك الخط 




وماتحتاج العالي الا اذا قابلك راعي لاندكروزر ههههههه < رافعين ضغطي 




وانتبه من التقليييد .




وبالتوفيق للجميع

مشكورين اخواني على التفاعل

راعي فورد وماركيز خذ الحل من الاخييير ..  ركب عدسات fxr وزنون 55 وات اي نوع مو مهم 
الفرق في التحميه اهم شي تكون اللمبات اصليه 

بالنسبه لسعر التركيب لحد يضحك عليك الي يركب ب 200 ريال نفسه ابو 500 ريال شوف لك واحد فاضي ويخلصك بسرعه وتوكل على الله 

يا اخوان وين الاقي عدسات fxr