أضف سؤال أو موضوع جديد          

رايكم بالتورس 2013 وعيوبها وجراند ماركيز2011

up 3 down 7
فيصل طلال... 151
قبل 6 سنه و 8 شهر



السلام عليكم ورحمة الله وبركاته كيف حالكم اخواني انا متحير صراحة بين فورد تورس 2013 او جراند ماركيز 2011 مع العلم ان عمري 18 وابي موتر يصبر معي وفي نفس الوقت يكون حلو ومافيه خرابات ومشاكل... وانا اللي خوفني من التورس بسبب قطع البودي حقتها غاليه واحتمالية ظهور مشاكل فيها وتضاربت الاقوال بين مؤيد وناصح ورافض...فياليت الله يعطيكم العافية اللي جرب التورس الشكل الجديد 2013-2014 ويعرف عيوبها او يعرف احد جربها يفيدنا بكل مايعلم ... والله يجزاكم خير ويكتب اللي فيه الخير والخيره ماركيز 11 ولا تورس .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله الفورد موتر

انا معي 2001 ماشي 400 الف ولله الحمد ماشي عليه في سنتين 80 الف ماغيرت غير الاشياء الاستهلاكيه

فمابالك انت بتاخذ 2011 اعتماديه وصبر وقطع معقوله الفورد

التورس شكل جديد لان الفورد يعيبه شكله من 98 حتى الان



up 3 down 2
ibrahime 1196
قبل 6 سنه و 8 شهر



حياك الله اخوي انا معك في كلامك ان الفورد موتر ماشاء الله ويتحمل ... وزي ماقلت انت التورس شكل جديد عشان كذا تحيرت اني اخذه لان الفورد فكتوريا وماركيز نفس الشكل من زمان.


up 0 down 1
فيصل طلال... 151
قبل 6 سنه و 8 شهر



الفيكتوريا والماركيز ميزتها شكلها من زمان ما تغير يعني بسهولة تحصل قطع و بارخص الاسعار بينما التورس توها جديدة فالسوق (السعودي)
وقطعها غاليه والسياره فيها تعقيدات يعني موب اي ورشه تنفع

انصحك بالفيكتوريا والماركيز طالما 2011 خذها نظيفة لك وللزمن وصدقني اذا سقتها ما بتفكر تغيرها ابد مريحة + واسعة + عزمها قوي + ما تطلب ورش ووجع راس


up 1 down 1
معالم التقنية 144
قبل 6 سنه و 8 شهر



والله ياخوي التورس يمكن تشتري 2014 وبعد سنة يطلع الشكل الجديد وتنقهر اكثر 

اما لو تاخذ لك ماركيز 2008 ليمتيد وربي اللي يعجبك الموتر ترا 2008 ماركيز احسن من 2010 و2011 بكثيررررر 

مواصفات 2008 ليمتيد 

فتحة سقف 
مقاعد كهربا 
تسخين مقاعد 
جنوط كروم 17 
تحكم بمانع الانزلاق بزر 
تحكم بالدواسات بزر 
مراية تعتيم 
كشافات 
عداد الكتروني وشوكه وشاشة معلومات بالطبلون 

يعني لو تدور 2008 ليمتيد ماشي اقل من 110 الاف كيلو ياللبيه ذا هو المطلوب وربي نصيحه اذا بتاخذ ماركيز لاتاخذ 2011 ولا 2010 
مواصافتهم ناقصه واجد 



up 2 down 1
do8sh 208
قبل 6 سنه و 8 شهر



عمر 18 و تبي تسوق ماركيز و الا فكتوريا
لا تشيب بنفسك توك بداية شبابك ههههه
حاول توسع خياراتك من خارج شركة فورد
فئة السيدان سواء 4 او 6 سلندر
شف الكيا ، المازدا ، هوندا ، هونداي ، تويوتا ، نيسان


up 4 down 6
أبو نجوى 2442
قبل 6 سنه و 8 شهر



مشكورين اخوان على الردود وشكلها ان شاء الله ماركيز
واما بالنسبة لخوي ابو نجوى عادي كثير شباب تسوقها والسيارات هذي اللي ذكرتها لي مشكلتها تتفكك بسرعه والبودي حقها خرابيط كرتون وضعيف جداً .


up 2 down 2
فيصل طلال... 151
قبل 6 سنه و 8 شهر



رغم ان معي ماركيز لكن القلب يميل للتورس لانها عصرية 
الماركيز صبور وقطعه رخيص والكل يعرفله وناعم 
التورس جميلة و مواصفاتها ممتازه ولكن فيها غلاء بعض القطع
،
، 
وشوري لك بما انك شباب خذ التورس 


up 2 down 2
root liner 42
قبل 6 سنه و 8 شهر



صحيح والله عمرك 18 خذ سياره شبابيه
التورس حلوه قطع البودي اخر شي تشيل همه انت طلع تأمين شامل باسم اخوك او ابوك فوق 21 سنة وتكون السياره باسمه وانتهينا



up 1 down 2
al_orainy 56
قبل 6 سنه و 8 شهر



يارجال من قال ان المركيز موب شبابي يكفيك 8 سلندر ودفع خلفي 

انصحك بالمركيز او الفكتوريا ودور موديلات اقل من 11 لانهم مغلينه

لانه اخر موديل دور لوو موديل قديم اهم شيء النضيف


up 4 down 2
abomesal 1038
قبل 6 سنه و 8 شهر



أنصحك بالماركيزبحكم أني استخدمتها 7 سنين لأنها:

1- مكينة 8 سلندر 

2- دفع خلفي وقليل الحين تحصل دفع خلفي أغلب الشركات حولت على الأمامي

3- مراتبها مريحة وتعليقها ناعم

4- الأمان فيها عالي نسيباً من ناحية البدي والشاصية مقارنة بسيارات أخرى

5- اعتمادية لأبعد الحدود من خلال تجربة شخصية

6- رخص قطع غيارها + توفرها بكل مكان وبدرجات متعددة (أصلي وأمريكي وتجاري)

7- مرغوبة عند البيع 


up 5 down 2
بسكوت اوريو 230
قبل 6 سنه و 8 شهر



صادقين اخوان في كلامكم وان شاء الله باخذ ماركيز والله يبارك لي فيه ويعطيني خيره ويكفيني شره.
اما التورس موتر جديد وينزل وكلن لاحق عليه ..وانا ماني فاضي ادفع ابوي بعد زيادة تامين شامل... هذا غير ان الماركيز من اهم مميزاته اكثر تماسك ودفع خلفي واوسع.. بس انا تحيرت لاني شباب والتورس جديد بس وسالفة شباب وشياب الموتر كل واحد ياخذه الحكومه تاخذه والشباب والسواويق وكل الفئات....


up 0 down 0
فيصل طلال... 151
قبل 6 سنه و 8 شهر



الله يوفقك هذا الكلام السليم الحين شباب اخر زمن يمشون ورا الشكل موب مواصفات الامان


واذا قلت لهم وش مواصفات الامان قالوا لك الايرباق ياخوي طالما السياره ضعيفه لو في 100 ايرباق ما يسوون شي


up 0 down 0
معالم التقنية 144
قبل 6 سنه و 8 شهر



صحيح والله كلامك اخوي وماقصرتوا جميع


up 0 down 1
فيصل طلال... 151
قبل 6 سنه و 8 شهر



وش دخل 8 سلندر 
ياحبيبي 8 سلندر صرفيه بنزين على الفاضي والي يسمع ان الموتر له عزم 
8 سلندر كلام 240 حصان ماشوف انها ميزه عشان تذكروها 

والشي الثاني الي يقول دفع خلفي 
يعني يدرفت فيه ؟ 
بالله هذي ميزة اذكرها لواحد في عمر 18 سنة 
والفورد عموما شكلها مستهلك 20 سنة نفس التصميم و10 سنين نفس الشكل 
يتحمل مايتحمل راس ماله 5 سنين وتجيك مشاكل الحراره والكهرب 
كل الفوردات كذا 
بعدين التورس شكل عصري وداخليه فخمه واذا على القوة فهي اقوى يا 8 سلندر يا الكورفت ياكنق المطارحات انت وياه 



up 1 down 1
al_orainy 56
قبل 6 سنه و 8 شهر



1- ال8 سلندر كمحرك بشكل عام يتحمل الكرف أكثر من ال6 أوال 4 سلندر وعادي جدا تلقى مواتر 

صاكة 500 الف بغض النظر عن السيارة أو الشركة

2- ال8 سلندرمريح في الخط ودائما يكون عداد ال rpm نازل على عكس ال6 أوال 4 سلندر

واستهلاكها للوقود أقل والي استخدم أمريكي 8 سلندر بيفهم كلامي

3- ال8 سلندر في الفورد تجي 16 صمام مثل مكاين ال 4 سلندر وبالتالي صرفيتها مقاربة لها والي

استخدم الفورد بيعرف كلامي

4- الدفع الخلفي يجي دفرنس والدفرنس معروف أنه أقوى من العكوس و يتحمل وخرابه قليلة  

5- الرجل يهمه بالدرجة الأولى ان الموتر يصبر والفورد من أكثر المواتر الأمريكية الي تصبر بشهادة كثير

من مستخدمينها وأنا من ضمنهم وموتري ممشيه 450 الف والحمد لله ما واجهت أي مشكلة لا في الميكانيكا ولا في الكهرباء

فقط الاستهلاكيات مع أن الموتر راح مني يدي لأخوي الثاني ثم لأخوي الثالث 

6- أي موتر تحطه في يد مهمل او مستهتر حتى لو كان شكله عصري وداخليه فخمة مهب عايش

معك ولا 3 سنين


up 2 down 0
بسكوت اوريو 230
قبل 6 سنه و 8 شهر



حياك الله اخوي بسكوت اوريو وماقصرت على الاجابة وكفيت ووفيت
ويبقى الفورد تاج راس الحساد ومن سبوه كذب ودجل... اما التورس من اسباب ابتعادي عنها ايضاً كثرة المشاكل اللي تصير لمن يطلعها تو من الوكالة وهي مامشت الا 3500 وفورد العربية يشهد بذلك من مشاكل عزل الهواء بعد تعدي ال100 او الطقطقه في الديكور والصوت في باب السايق والخ ...


up 1 down 2
فيصل طلال... 151
قبل 6 سنه و 7 شهر