تجربتي لمركز فحص استاذ الصيانه الفاشل
6
6
إضغط هنا للإخفاء
السلام عليكم ورحمة الله وبركاته
كيفكم جميعا
بنقل لكم تجربتي مع هذا المركز الفاشل الداج
احد الشباب عندي معاه فورد 98 وكان عنده فيه مشاكل فالمهم جته رساله دعايه فحص شامل ب99 ريال
رحنا فحصنا عنده مكان على طريق خريص امام محطة نفط
بعد الفحص ماطلعت الا مشاكل بسيطه وتصفية مكينه وبواجي
جيت قلتله طيب المكينه تنقص زيت وتنقص مويه اذا مسك خط طويل وترتفع الحراره وبعض الاوقات يطلع دخان ابيض !
جى قال هذي جلد بلوف لازم تغيرها وثلاجة المكينه تهرب
طيب ليه ماسجلتها ؟
راح رجع كتبها !!! قلت وشرايك اعلمك بعيوب السياره وتسجلها مو احسن
المهم بعد استلام الاوراق قلي موظف الاستقبال خلاص وجلس يتكلم عن قطع الغيار والاصلاحات وقالي عندك ذراع دركسون لازم تغيره مدري هو ايمن او ايسر ههههههههههه
رجعت للثاني قلت وش سالفة ذراع الدركسون هو فيه اثنين ولا واحد
قلي واحد
قلت طيب ليه خويك يقول تاكد هل هو الايمن ولا الايسر ورجع راح تكلم معاه هههههه
اقسم بالله العظيم ان تصرفاتهم وفحص تدل انه كمخ ومايدرون عن شي
حتى تجربه السياره ماجربوها
طلعت من عنده وتوجهنا لا احد مراكز الفحص اللي احب اروحلها دايما ومابي اذكر اسمه عشان محد يقول اسوي دعايه له
المهم بعد فحصهم طلعت بلاوي الدنيا كلها
راس المكينه ملحم وصاحب السياره مايدري عنه لانه شاري بدون فحص مستعمل >>> نهاية الثقه الزايده
السياره فيها شنبر
صوفة المكينه لازم تتغير
وجهه المكينه يهرب زيت لازم يتغير
المكيف رياح فخرايطها وتحتاج فريون وصيانه من اول وجديد وتنظيف مروحته الداخليه
الكوع يحتاج تغيير وجهه
المساعد الايسر متغير ومركبين له مسمامير طويله ماهي حقته
وقلي السياره فيها مشكلة حراره احتمال يمشيك فتره وتوصل للتوضيب
فيه شغله والله مو مفتكرها زين بس اعتقد شرخ فالمكينه يدخل المويه للمكينه وبسببها يصير النقص
الاديتر يقول متغير وتجاري لازم يتركب اصلي
وغيره من المشاكل الثانيه اللي طلعت ومن الاخير السياره ماتتصلح ضاربه الدنيا فيها
المهم هذا انا حبيت انبهكم من هذا المركز الغبي وعندي اوراق الفحص بتواريخ امس
وفيها تبين نتائج الفحص بين المركزين
الشي الثاني وش رايم فواحد يسوق سيارته وجالس يصور بجواله وقاطع اشاره عيني عينك !!
والمشكله يكشح للخلق يبيهم يوخرون ؟؟
الشي الثاني ويقولك الصدفه عجيبه
هذا امس قدام مركز الفحص واقف قبال الشارع الرئيسي الا اشوف ددسن منفلت نفس الددسن حق غريبه وكانت فيه لمبه بيضاء اتوقع لمبة جوال
قطع الاشاره ومشى
قلت ان ماخاب ضني هذا الدقسونه حق غريبه نفس الشطرطونات وكفرات ابو خط
كملت غريبه وعطيته الوصف والرجال يقول ايه انا هههههههههههه شلون عرفت
قلت ابد شفت السياره قدامي وافتكرك ساكن فهذي المنطقه فقلت خلني اسئلك
إبلاغ
الردود
0
0
قبل 9 سنه