أضف سؤال أو موضوع جديد          

قصة مع توضيب والحرارة

up 21 down 10
صوت العزاوي 523
قبل 7 سنه و 4 شهر



السلام عليكم ورحمه  الله وبركاته 
ان شاء الله انكم بتمام الصحهة والعافية جميعا 
 للاسف نظام كل  ثلاث ايام موضوع شيء مزعج صراحة 
كل ماادخل يقولي انتظر انتظر وانتظر 
والحاجة الثاني قبل كم يوم اخوي شاقح كتب موضوع عن جوال وما جوال 
نصيحة ياخوان الي محتاج اي شيء يكتب سعر كفر سيارة تجديد تامين ويكتب مشكلته 
كذذا ما يحذف لا موضوعك ولا نقاطك وحبيت اسئل شاقح قريت ردودي او لا لاخر موضوع لك عن الجوال!!
لاحد ينسى يزورنا بالمنتدى الجديد ولاحد يتشره يقول ليه ما بلغتوني وكذا الدعوة عامة 
دعوة كل واحد يدخل المنتدى سواء كان مسيحي يهودي مسلم بوذي  ملحد الجميع عربي اعجمي افريقي

هذه قصة صارت مع  خويي يتيم وخلنا نقول اسمه مبارك 
صارت معه وانا كنت اروح وامره واوديه  فترة من الوقت  
المهم الرجال اشترى اكسنت موديل 2005    ما شاء الله زجاج توماتيك  ونضيفة ومن احسن مايكون
ياكان عليها اذكر مكيف عجيب صراحة ولا مكيف كرسيدا يا شيخ  
المهم بعد ما اشتراها  قاله راعيها توني موضب المكينة و و و و ومن الكلام الزين وهو صادق 
ونصيحة يخوان لاحد ينخدع احيانا التوضيب يفشل او ما يضبط 
المهم ااشتراها وقعدت شهر معه  وضربت الحرارة معه  وعلى الورشة وداها 
وضبها توضيب كامل وقالة المكانيكي مسح راس قال زين ومسح الراس دبل الوجه 
وبعدها قعدت معه اسبوع  الى عشر ايام وررجع وضربت المكينة ثاني مره 
وراح للمكانيكي خوينا كان ما عطيتك ضمان و و و ماادري كيف وطلعت سليمة مع عندي 
طبعا كلفة اكثر من 1000 ريال مع شغل اليد 
وبعد ما خبطت وداها لابو شكيت وقاله نزلها ولا تجي الورشة  وعطني 1200 ريال واصلحها لك 
والله هذا الي قاله ياخوان على لسانه ورفض خوينا ووداها للواحد وصلح ونفس الكلام شهر وضربت معه المكينة
وبعدها خواله بسوريا هو دق عليه قاله قال ارسلي 5000 ريال محتاج مستلزمات طبية ضروري 
طبعا مشت معه شهر وخبطت للمرة الثالثة  لاحضو    ورحت انا  وشفت السيارة وللاسف هو كان يروح من 
وراي  وماادري عنه ولا شاورني  وجاء اخوي وشافها و واشتراها  منه 6000 ريال تقريبا 
واخوي وداها للمكانيكي يعرفه  ووضبها  ونفس الكلام يومين كذا وارتفعت الحرارة  ضربت 
رحت انا وفتحت غطاء الرديتر  وهي السيارة بوضع التشغيل   ولاحضت ان الماء ساكن ولا يتحرك 
وهي السيارة موضبه المفروض يجري الماء  مايكون ساكن  وشفت اللرديتر حقها ما فيه لا تهريب ولاشيء
يعني سبحان الله مرت على اكثر من 3 مكانيكيين او مهندسين على قولتهم هههههه
وماانتبهو طلع الرديتر منضرب وخربان وما يعمل بنسبة 100%   وريته واحد حق رديترات 
 قديم وقالي رح جب رديتر جبته واحد اردني ممتاز بـ220 ريال ورخيص 
والله ياخوان من ركبت الرديتر والموية الخضراء  والماء بدا بالجريان ويتحرك وواضح جدا 
طلع الرديترر منتهي ومقفل وملعن خيره الخير 
طبعا بعد مااكتشفت المشكلة من الرديتر الا المكينة هلكت واتعبتها الحرارة والتوضيب  وقعدت شهر 
المكيف شغال وبعز الحر اروح عليها وما فيها اي مشكلة وحتى بلغت خوينا و تندم لانه حاط عليها فوق 5000ريال
صيانة فقط 

وفيه صاحبي ثاني بعد زي كذذا اخوي ساكن بالدماما ومعه لكزس 97 موديل حجم 400 نفس شكل 
2005 حجم 430  د
المهم اخوي اشترى لكزس  قبل نظام  منع التصدير اشتراها  امريكية هي   وكل شوي تضرب الحرارة معه
وانجن  وتركها سنة واققفة عند البيت او سنة ونص تقرريبا (موظف بارامكو على مااذكر)
اشتراها طبعا 30 الف ريال ولا تهنى فيها  اخذها خويي وفك بلف الحرارة  ومشت معه شوي 
وضربت المكينة  بعد ووضبها  والمكانيكي يعرفه  شاف الرديتر وقاله غير هذا صغير جدا رصه 
تخيل مكينة 8 سلندر وقوة المكينة اكثر من 5000 سي سي وسعة الرديتر 2 لتر ماء تقريبا  رصتين الظاهر
راح وغير الرديتر وجاب اربع رصات  تقريبا واخذت اكثر من 6 لتر ماء ولله الحمد نسى الحرارة وكل شيء
طبعا مااعلم اخوه خاف يقولة رجعها ومستانس عليها هو ههههههه


وشكرا لكم جميعا واقولكم ومحبكم محمد العنزي 
جبت صور دينالي   ذكرى لابو يزيد ههههههههه

















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلا الميكانيكين والكهربائيين كثير منهم مايحلون المشكله المطلوبه او المشكله بشكل صحيح . عشان ترجع له مره ثانيه

لكن الواحد لازم يتخذ الحيطه والحذر وينتبه ويسئل عن المشكله مره مرتين ثلاث اربع خمس لين يتأكد من المشكله ويصلحها
الله ييسر اموركم في يوم الجمعه


up 2 down 0
trokky1 38
قبل 7 سنه و 4 شهر



افا ليه الديسلايك !!
ياخي تعبت على الموضوع  ومنزل صور كبسة واكلات  او الظاهر ما تغديت وشفت الصور وزعلت تراني جايبها من النت 
للحين ماافطرت حتى ههههههههه



up 8 down 6
صوت العزاوي 523
قبل 7 سنه و 4 شهر



حنا للأسف شعب مغلوب على امره لا وضيفه مثل الناس ولا سياره الـخ

لاكن الشكوى مالنا ألا الصبر ..☺


up 3 down 2
.. بـدر الـحـمـد .. 249
قبل 7 سنه و 4 شهر



للاسف اول لا وضبت عليها قدام خمس سنين ما عاد تشوف وجه المكانيكي 
الحين  كل اسبوع وانت محضر عنده 
اذكر مره وضبنا  دسسن رجعنا عليه اكثر من 3 مرات ددسن ياخي  السيارة تنقص  زيت وتشرب شرب
ورجعنا عليه  ولا نفع الى ان طابت نفسونا واستسلمنا الى الواقع انه ما راح يضبطها 


up 3 down 1
صوت العزاوي 523
قبل 7 سنه و 4 شهر



ركزت مع الموضوع بس ضيعتني الصور هههههههههههههههه

 خذوها كلمه مني حنا ضايعين بسبب حاجه وحده اللي هي سوء التشخيص 

حتى مستشفياتنا يجننوك فحوص وتحاليل ولا يعرفوا العله :(


up 3 down 0
نجم سهيل9090 61
قبل 7 سنه و 4 شهر



ههههههههههههههههههههههههه اجل جبت صورة الدينالي عشاني ههههههه لبى قلبك والله


up 1 down 0
ابو يزيد 000 8712
قبل 7 سنه و 4 شهر



يا لبيه يا المرقوق حركت احاسيس بطني الدافئه 


up 1 down 0
أبو صلوح 911 131
قبل 7 سنه و 4 شهر



مشكلة الورش عندنا لوتجيب لهم رولز رايز قال دخلها الورشه وهو مايفهم شيء عن الشغل اللي راح يسويه اهم شيء يشتغل ويلعب بسيارتك وشيء احزني امس وضيق صدري كنت اصلح فحمات سيارتي واشوف جنب الورشه اللي اشتغل فيها ورشه سواريه وعيالهم والله العظيم يكبون مويه بالارض وبسيارات السعوديين اللي حاطينها يرجع ريوس بسرعه داخل الورشه ثمن يعطيها دي ويفحط الكابرس ويا لومينا يلعبون بسيارات الناس ويحرقون الكفرات وكابرس يتفتفو فيه ويضحكون حتى دخن شكمانه وصكرو الكبوت وجلسو عند بوابة الورشه يضحكون على تخريبهم لسيارات السعوديين والله اني راجع البيت وانا مغبون من اللي شفته يلعبون بسيارات الناس وهي امانه عندهم شيء يقهر للاسف 


up 2 down 1
amear 1347
قبل 7 سنه و 4 شهر



صوره المرقوق + الدينالي كلام كبير وكلام ثاني




up 1 down 0
aazz1989 -22
قبل 7 سنه و 4 شهر



وش اسم المنتدى الجديد


up 0 down 0
مستريح البال 1 1780
قبل 7 سنه و 4 شهر



 ابو يزيد هلا بك وتشووف  
1989 الظاهر عطتني لايك  علشان المرقوق 
مستريح الباال 
http://worldscar.net/forumdisplay.php?f=2


up 0 down 0
صوت العزاوي 523
قبل 7 سنه و 4 شهر



لا والله ما اعطيتك لايك
بس الآن بعطيك ... لعلمك


up 1 down 0
aazz1989 -22
قبل 7 سنه و 4 شهر



اقول
تعطيني البانميرا واعطيك الالنترا 3 ايام بس

ابي اروح الديره اكشخ فيها قدامهم فيه ناس ابي اقهرهم 
بقولهم هذي حقت اميره فالرياض عطتني السياره سنه لانها سافرت وبتخليها معاي استخدمها


هههههههههههههههههه


up 0 down 1
شويخ من أرض مكناس 2823
قبل 7 سنه و 4 شهر



للتوضيح فقط 
لكزس 400 سعة المحرك 4000 CC
لكزس 430 سعه المحرك 4300 CC
لكزس 460 سعه المحرك 4600 CC

وهكذا


up 0 down 0
majed112345 855
قبل 7 سنه و 4 شهر



مرقوق وجريش وتوضيب مكينه ودنالي ؟؟

العلوم طيب ي الغزاوي أنا اللي مخي يبيله توضيب ههههههههه


up 1 down 0
دحينا 16
قبل 5 سنه و 6 شهر