وجهية السياره راحت من العج

قطع الفورد رخيصة لو غيرتها بجديد ما تكلف مبلغ وقدره
مانزلت صور لذلك ماحد بفيدك تلميع او رش

لمع الشمعات   و غير الشبك  ورش الصدام ... ما بتكلف واجد

قطع رخيصه للتجاري..
زي عندك شبك قراند ماركيز 2010 تجاري ب80 ريال

الكشافات اظن كانت ب150 الطقم تجاري ..

الازياق الامامية ب50 ريال للاثنين..

ورش الصدام ما يتعدى 400 عند افضل الورش وعلى حسب اللون تزيد او تنقص..

وترى التلميع ما بيفيدك في شيء..

انا انصحك تركب انوار تجاري مركبها لها سنه وما شاء الله حتى النور ممتاز ولا فيها اختلاف بالنسبة للشبك فما انصحك بالتجاري لانه يجي بدون علامة الماركيز 

الله يعطيكم العافية وشكلي ببدا بغير الشبك والشمعات والكشافات والازياق والصدام بخليه وبشوف الشكل 

وكمان ترا اللوحه رايحه فيها اروح المرور اقلهم بدل تالف ؟ ولا وش ؟ 

الانوار والكشافات تتلمع ب بخاخ لكر حق التلميع و ترجع جديييييييده
عند الزينه يسونها لك ب 30 ريال

مسويها على ماركيز 2008 اقسم بالله يا الاضاءه انها احسن من اول بكثيييير

التلميع ما راح يفيدك ابدا ... الشبك يا تشتري واحد او ترشه و الرش للشبك من 100 الى 150

الاسطبات دايم لاتركب الا الاصلي لان نورها يفرق عن التجاري
,
و الكشافات لك حرية الاختيار بين الاصلي والتجاري , و الازياق ماعندي علم عنها .. و اللوحة خلها على حالها يمكن يصير ما يصورك ساهر ماتدررري .. ونصيحه احتياطا قبل السفر بمناطق فيها غبار حاول تغبر الواجهه + ظلل القزاز الامامي من برا درجة شفافة عشان ماينعدم عليك القزاز + حط لصقة على الانوار وبس توصل مدينتك شيلها

ما يبي لها واحد ثنين الشبك طق جديد وكالة ولا دور في التشليح واحد نظيف عشان يرجع وجه الموتر مثل اول شد بلد ولا تركب تجاري ولا درجة ثانية ثمن تتحسف يتقشع ولا شي


الشمعات حبة تلميع عند افضل محل وتطلع وردة

الصدام لازم رش واشتر مع الازياق وخل الورشة اللي بترش تركب لك الازياق

وصلى الله وبارك انتهت السالفة

اللوحة تقدر تستبدلها من المرور او من مكتب الخدمات العامة تعطيه صورة من استمارتك وتدفع له 200 ريال ويومين ولا 3 وهي عندك

وانا افضل دامك مغيرها مغيرها كان لوحتك مربعة طق له اللوحة الملكية الطويلة

تراها رسمية على وجهية الفورد مع السيفين والنخلة اللي في النص بيطلع وجه الموتر كلااااام

هاذا رايي والراي لك اهم شي اللوحة تراها مهمة لأنك لو بتعدل كل الوجهيه واللوحة مشهبه بيطلع وجه الموتر ماش

فيه بخاخ انا استعمله من ساكو جدا ممتاز لحقين الخطوط لاياثر بالبدي ولاشيء

اسمه رش وامش كان اول سعره 45 ريال لاكن الحين ب60 ريال

بس بخاخ جدا جميله تبخه على الصدام وتجيب اسفننجه وتفرك يمين ويسار على المناطق اللي تبيها

وماعليك الا العافيه بس ياثر فيه المطر لاكان بالخط لانه جل

وجدا ممتاز تحصلونه بساكو

حبيت افيدكم بالمعلومه

ونصيحتي لصاحب السياره

روح تشليح وركب اللي تبيه والشمعات

روح محل تلميع يلمعها لك بالصاروخ

بس راح ترجع مره ثانيه بعد 6 شهور تقريبا

او تغييرها بااصلي افضل من التجاري

لك وللزمن وانت ورايك

موفق يالغالي

ي رجال عادي موتري اكسنت 2015 وراحت الوجهيه

يعطيكم العافية 

والله باشتري شبك اصلي او من التشاليح وبلمع الشمعات وبرش الصدام وفكرة الاخ اللوحه الملكية بسويها ان شاء لله