نصايحكم للستخدام الفورد ورايكم في الزيت 2011 الموتر سعودي

وعليكم السلام 
مبروك الموتر والله يعطيك خيره ويكفيك شره
زيت بترومين كويس لاتنسي يكون لزوجته خفيفة بما ان السيارة جديدة 30/10
او زيت موبيل 30/10
بالتوفيق

ممتاز جداً 
لزوجة 5w30 ممتازه وبعطيك ٣ زيوت ممتازه بهالزوجه
ايسديلكو الذهبي
بترومين A1
وذي كلها تخليقيه 
وموتوركرافت ذا نصف تخليقي 

موفق

موتري ماركيز 2010 اغيرله كاسترول 10W30 وما شفت منه الا كل خير 

انا معي فكتوريا 2007 سعودي توكيلات الجزيره
بصراحه حمارر مكده وقطع غيار رخيصه 

عندك حدا ذي الزيتين



كاسترول جتي اكس 10w30 وهذا تاخذ الكرتون ب 310 فيه 12 حبه يمشي معك حتى 3 الى 4 الاف

الزيت الثاني كاسترول مجناتيك ويجي بنفس اللزوجه اللي انت ذكرتها 5w30 وسعر العلبه بالبناشر ب 45 الى 40 الكرتون منه فيه 12 حبه سعر الكرتون ب 260 الزيت تخليقي بالكامل ويمشي معك حتى 10 الاف بالراحه

المصنع وصي بزيت لزوجة 5W-20 إذا مالقيت هاللزوجة خذ 5W-30 إذا مالقيت خذ 10W-30
حسب ماهو مكتوب بالصورة ومحدد بالأصفر..ماخذها من كتالوج فورد 2011 امريكي من النت
http://im62.gulfup.com/Svcv09.jpg

وفي أنواع من الزيوت هم ثلاثة: 

1-تخليقي بالكامل: يعني مصنوع الزيت من مواد كيميائية وهو الأفضل لكن غالي شويتين وتلقى مكتوب بالعلبة full synthetic 
2-نصف تخليقي:هذا مزيج بين زيت معاد التصنيع وزيت التخليقي وهو ممتاز يمشي الحال وتلقى مكتوب عالعلبة synthetic blend
3-معاد التصنيع:هذا نصيحة انحاش منها بالمرة...ما تلقى مكتوب شيء عالعلبة
طبعا لابد تاخذ الزيت تصنيفه SN لأنه أحدث وأفضل من تصنيف SJ-SL-SM


اللي أنصحك كمجرب وارتحت بعدها موتركرافت 10w30 يتغير كل 8000 كيلو -لو المادية تسمح أخذ تخليقي بالكامل-

وأفضل لك تاخذ تخليقي بالكامل يمشيك الين 20 الف بس غالي شوي
عندك موبيل ون الأصلي وتوتال الفرنسي وكاسترول....بشرط أنهم أصليين موب اللي عند البناشر

يا رجال اقرب زيت
اصلا كلها مغشوشة بس لا تتوسوس

اخوي وش لك وش لبترومين وربي ماغير لهط فلوس ع الفاضي 
نصيحتي لك وبحكم تجربتي وامتلاكي وعشقي للفوردات غير زيت موتر كرافت لا تركب بتاتاً إذا كنت بتحافظ على مكينه السيارة
الزيت هذا مخصص لها وافتح الكتلوج واقرأ بنفسك وبرضوا شوف المواقع الامريكيه وأيضاً مكتوب على غطاء زيت المكينه واللزوجه الأفضل
هي 5w-20 واشتريه من التقوى لانه ارخص واحد ب 16 ريال العلبه وسيفون ب 16 ريال طبعا كلها أصلي نفس الي بالوكاله 
وشفلك بنشري ممتاز وتعامل معاه وغير الزيت ع 10 الاف إذا كنت بتكد الموتر اما اذا بتكون حنين عليه زي انا اغيره كل 7000 أو 8000 الاف
هو يمشيك 10 الاف وزياده بس يعني من باب الاهتمام غيره قبل وسلامتك 

اخوي خذ عن تجربه مو كلام 

انا معاي ماركيز 2010 وماشي 105 الاف واعبيه 30w10 كاسترول وماشي تمام التمام ولا شفت منه ظرر