حرارة الماركيز

عليكم السلام ورحمة الله 
ي خوي اذا السيارة ماشاء الله عليها مافيها حرارة ولا تشكي من شي 
لاا تتعبث بها خلها على ماهي عليه احسن (:

والله مدري وانا اخوك 
بس كيف اركب المروحه ولا لا

عوافي 
دام كل شي اصبح تمام وفكيت البلف مايحتاج تركب مروحة اضافية 
وتكفي مروحة الفورد 97 الميكانيكية الا اذا بتركب مروحة قدام مبرد القير ورا الشبك وهاذي يركبونها لاجل تخفيض حرارة القير
بالتوفيق

السيارة مابها حرارة تركب مروحة ليش ؟
> مثل ماقال لك متميز جدا مروحة سيارتك الميكانيكية تكفي 
الا اذا تبي تركب مورحة قدام مبرد القير. 

وش فايدتها ذي مبرد القير 
يعني تخفض الحراره للسيارة

اخوي ما دامك نظفت اللديتر والثلاجة والطرمبة نظيفة فرجع البلف افضل وانت شكلك وانت طالع من الهدا ما نزلت القير وخليت الموتر يطلع براحته وهذا يتعب المكينة فنصيحة اذا مل شي عندك تمام فرجع البلف 

كيف انزل القير انا طالع الهدا

يقصد تنزله 2 او 1 
ماتخليه فالدي 
عندي سؤال 
هل إذا شغلت المكيف ومشيت تنزل الحرارة عن النصف؟
بحكم ان البلف مفتوح دايم تنزل الحرارة مع المكيف فالفوردات عن النصف

البلف اذا مازال ملغي ،
لازم ترجعه واذا في احجام وارقام للفورد ما اعرف تكون يفتح
البلف ع درجة معينة اقل من حق الوكالة 
لكن لازم يكون البلف موجود ،، بكل الاحوال الغاءه حل مسكن للحرارة ،
 بس له ظررع اداء المكينة
وممكن توصل الي حد ان العامود الي مثبت فيه البستم من الضغط الزايد علية
ينعوج او ينكسر داخل المكينة وهذي تعتمد ع برودة المكينة الزايدة ، 
والضغط المستمر منك بان الاستجاب فقدت والعزم يطيح

رجع كل شي... وموترك مافيه الا العافية وطبيعي بالهدى ،
تزيد الحرارة ، لانك ما حطيت القير بالثالث...

اضافة مروحة بشرط اذا من باب زااااايد ، مو تعتمد عليها انها الحل
لان الفورد من يومة مايشكي من الحرارة

 الا اذا في خللل في نظام تبريد المحرك .... هنا تعالج الاصل بعدين
تشوف الاضافات اذا لزم الامر...
بالتوفيق
اللرديتر وملحقاته 

شبك المروحة ، غلط لانك بتستهلكها بدري وتخرب عليك قبل اوانها
صدقني موترك  سليم مشاء الله 

تنزل القير ع الثالث ووتثبت التغييرات  ماتزيد عن ثلاثة تغييرات
بدل اربع اذا كان ع الدي
لان كثرت التغييرات بطلوع تزيد من حرارة الموتر مكينة وقير

بشرط تحافظ ع الدعسة بحيث انك تستخدم قوة الثالث بدون ان تجهد المكينة ، 
تدعس الين توصل المكينة حدها 
اذا اضطريت تهدي بملف تغير للثاني وبعدها تغيرةع الثالث وتثبت 
لكن حاشر القير بثلاث نمر فقط ، اتمنى وصلت الفكرة 
ادري لخبطةةشوي

هههههه الله يسعدكم ويوفقك
يعني اركب مروحه ولا لا
لاني حسيتها تريح الموتر

لاتركب مروحة
والغاء بلف الحرارة بالفورد القديم من 97 وتحت مايضر
بعكس موديلات 98 وفوق يضرها ازالة البلف

يا الغالي كل السيارات اذا طلعت الهدا ترتفع حرارتها شي بسيط هاذا طبيعي والسبة انك أكيد ماشديت عليه بالنمرة يعني على حسب اللي عرفته منك انه ارتفعت معك فقط وانت في طلعة الهدا وباقيه الموتر سليم


يعني ليش رحت تشيل البلف ؟؟؟

ارجع للمواضيع اللي الاسبوع الماضي وفيها وشف ناس واجد كاتبين انا معي ماركيز 2008 مدري كم واللي يقول معي تاهو 2011 وارتفعت بنسبة شي بسيط لما طلعت الهدا والسبة انه البعض يتعب الموتر معه في الطلعة وطبيعي ترتفع


لكن انك تشيل البلف اكبر خطا انا انصحك ترجعه وترى عمر البرودة الزايدة للمحرك ما تتطول عمره بالعكس ممكن تدمره خصوصا في الشتاء يصير مايحتمي زين والموية تنقص بشكل سريع



دام حرارة الموتر طبيعية لا تتعبث ورجع البلف وكويس انك نظفت الاديتر وزبطت كل شي لكن انصحك رجع البلف والراي لك

الله يوفقكم ويسعدكم وجزاكم الله خير 
ماقصرتم البلف رجعته 
الله يحفظكم