أضف سؤال أو موضوع جديد          

وش الافضل بيع السيارة مصدومه ولا اصلحها

up 4 down 3
moooon11 17
قبل 6 سنه و 6 شهر



السلام عليكم ورحمة الله ،،،


شباب ابي رايكم جاتني صدمه من الخلف بسيارتي اكسبدشن 12 وناوي ابيع بس هل ابيع الموتر بشكلة كذا ولا اصلحه افضل ؟ سؤال ثاني اللي صدمني كان يفحط واتضح ان لديه تأمين بعد ما صورنا لوحة سيارته السؤال هل يغطي التأمين الحادث







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا اذا كان مفحط ما يغطيه التأمين يدفعها كااااش الله لا يهينه اهم شي لا تتنزال عن ريال واحد شف موترك كم بيقدرونه وخله ينقها ريال ريال تكفى عشان يعرف ان الله حق ويكون درس له ولغيره في المستقبل





up 14 down 0
a.ibrahem 3164
قبل 6 سنه و 6 شهر



التأمين ما يشمله لانه يفحط 
و من ناحيه تصلح او تبيع بحالته شي راجع لك لازم تشوف وش الافضل من ناحيه الخساره كم خسارتك اذا صلحت و كم خسارتك اذا بعت بحالته 
انت اللي تقرر بالاخير 

و الله يعوضك و جعلها اخر المصايب و الاحزان 


up 3 down 0
a.a.77 2843
قبل 6 سنه و 6 شهر



الله يعوض عليك
البيع بدون اصلاح ، بيخسرك كثييييير ، وبتكون عرضه للستغلال 
افضل شي خلك صادق مع الشاري وخله يشوف الموتر قبلللل وبعددد الاصلاح " صور
لان النفس ماتقبله وهو مصدوم 
اما اذا تصلح وشافه ع الطبيعة ،، تتغير القناعات
الله يعينك ....


up 9 down 0
aziz..747.. 2420
قبل 6 سنه و 6 شهر



التامين مايشمله 

شوف السوق اولا ياعزيزي كم يجيب لك بحالته الراهنه
وقيم القطع والاصلاح كم تكلف 
ولا تنسى تسعرها بعد التصليح 
والتقييم يقيمها لك شيخ المعارض يعطيك قيمتها قبل وبعد 

واذا جابت لك سعر طيب بيعها 
واما اذا ناوي تستخدم بعد التصليح عندي لك ورشه
شغله خطييييير جدا وروعه عن تجررررربه 
بس اهم شي عنده تخليه يشتغل على راحته وهو يحدد لك المده

اقسم بالله قص شنطه كابرس كامله وركب اللي جبناها له
حتى الفحص ماكشفها بس قال رش تجميلي بالشنطه 

شغل محترف جدا ماشاءالله عليه 
وسعره رخيص لو تقارنه بالورش ام بهرجه ودعايه 

لاتنسيم 
وزنيات وكاله 

ووفوق هذا لقيناها بعدين بالحراج سألنا اللي كان معه
قلنا وش فيه من صدوم قال رفرف امامي ( منه ) 

قلنا الشنطه مقصوصه قال انا مشتري ع الفحص مابين شي

قلنا احنا اهله وقاصين الشنطه كامله بس شغل 100%

واتحدى اطلق شريطي ومركز فحص يكشفها 


اذا تبي ادلك على الورشه ابشر خبرني وابشر





up 3 down 3
xpoldx 1432
قبل 6 سنه و 6 شهر



اكسبولدكس  الله يهديكم  شكلكم  خميتو الناس بسيارات مضروبه         والله انها ماهي شطاره 


up 0 down 3
quartz 2010
قبل 6 سنه و 6 شهر



وين الورشة في الرياض ولا جدة


up 0 down 1
منتدى ظل الجزيرة 36
قبل 6 سنه و 6 شهر



xpoldx لايكون صاحب الكابرس بالعناية المركزة من بعد كلامك معه ... 
سبحان الله ع البشر.... الله يستر عليكم وانت رايح الين عند الرجال بوجهة هههههههه حنا قاصين 
ياخي شوية مشاعر . 


up 4 down 0
aziz..747.. 2420
قبل 6 سنه و 6 شهر



السلام عليكم اخى موضوع بيع السيارة بحالتها او اصلاحها له عدة نقاط :
- قوة الصدمة
- التفرع لعمل الاصلاحات والدوران على الورش ومحلات قطع الغيار وفى الاخر اما ظبط الاصلاح او لا يظبط ويطلع عوب كتنسيم هواء او لعب بالخط اذا كانت الصدمة قوية
اذا صلحتها بغرض البيع من الممكن ان تلعب عليك الورشة ويقومون بتلفيق الاصلاح على اساس انك لن تستخدم وهنا قد ابلش فى السيارة ولا تستطيع بيعها بسهولة

وفى الاخير قد تقع فى الحرام بحث لا كون الاصلاح واضح للمشترى - الافضل بيعها على حالتها اذا كنت ستبيعها بعد الاصلاح

صلحها فقط اذا كنت ستستخدمها غير ذلك احسب الوقت والمجهود وفى الاخر تظبط ولا متظبط ستجد ان الافضل بيعها على حالتها وتتجنب اى شبهة وتعب


up 0 down 1
raouf1 335
قبل 6 سنه و 6 شهر



مدام الصدمه م ورى ونويت تصلح ،قبل لاتصلح اكشف ع الدنفرنس
صاحبي معاه جمس وصدمه واحد مسرع من ورى بعد مااخذ التعويض وصلح الموتر  لقي الدنفرنس متأثر من  الصدمه وانواع الاصوات


up 1 down 0
ayman-a 328
قبل 6 سنه و 6 شهر



تصلحه افضل لانك لو تعرضه و هو مصدوم المستخدم ما يرغبه و بيكون زبونك شريطي 100% وانت تعرف استغلالهم  لكن اشتري قطع تشليح ما راح يكلفك كثير  


up 0 down 0
bkry 66
قبل 6 سنه و 6 شهر



اكسبولدكس ممكن تتواصل معي


up 0 down 0
moooon11 17
قبل 6 سنه و 6 شهر



ههههههههه الله يسامحكم 

صحيح صلحناها وبعناها بس علمنا اللي اشتراها مننا وهو باعها عقبنا لان اتضح لنا اللي شراها 
شريطي 

ومادري كم واحد قد مرت عليه السياره 

بس الضرر كان البودي ماوصل للمحركات ولا الوزنيه في شي 

بعدبن الله يرحم والديكم 
لحنا بدلنا الشنطه 
واكلتوني بقشوري 

وينكم عن السالفج و الغرقانه الغير صالحه للاستهلاك الادمي 


واللي طلب يتواصل معي ابشر هذا تلفوني 0555082221




up 2 down 0
xpoldx 1432
قبل 6 سنه و 6 شهر



اعتذر منك xpoldx      على سوء الظن   والله لايبارك في الشريطيه 


up 0 down 0
quartz 2010
قبل 6 سنه و 6 شهر



دام الصدمة من الخلف (صلحها) الخوف من صدمات (المقدمة) .. موفق 


up 1 down 1
محمد عبدالله عمر 614
قبل 6 سنه و 6 شهر