أضف سؤال أو موضوع جديد          

لاهنتوا يالغالين ادخلوا وساعدوني بخبرتكم

up 5 down 3
yasser alyasser 593
قبل 6 سنه و 7 شهر



اسأل الله لي ولكل من دخل موضوعي وجميع الاعضاء بالفردوس الأعلى من الجنة و العفو والمغفرة من رب العالمين..

 استفساري هذا هو اول مشاركة لي معكم والله يجعلكم ذخر للجميع.


قدر الله علي اليوم بعطال مفاجئ بسيارتي والحمد لله على كل حال
طبعاً اليوم صليت الفجر بالطائف وافطرت وشغلت موتري وانطلقت لمكة المكرمة وعبيت بنزين من المحطة اللي بطريق الهدا ونزلت مع العقبة  وكانت امور السيارة ممتازة المهم دخلت مكة وعند اول سوبر ماركت وقفت وطفيت السيارة ومافيها اي ملاحظة ودخلت قضيت بعض الاغراض ورجعت ركبت السيارة ودقيت سلفها واشتغلت بس كانت فيها تفتفة غريبة مثل تشريقة البنزين بالبداية وفتحت كبوتها واشوف المكينة تنتفض . ورجعت ادوس الابنص بخفة قلت يمكن مشرقه بس ارتفع شوي انبير Rpm  او انبير الضغط شويات وبالغصب بعد وبعدها بدأ ينزل شوي شوي لين طفت السيارة شغلت مرة ثانية واشتغلت نفس الشي وكانت مرة ضعيييفة وطفيت مرة ثانية وارجع اشغلها اكثر من مرة ما اشتغلت ابداً وخليتها ١٠ دقايق قلت يمكن البخاخات مشرقه ورجعت اشغلها ورفضت تشتغل نهائياً ولكن لاحظتها مع تكرار التشغيل مرة تشتغل ٥ ثواني او اقل وتقطع  ومرة ادق سلف ومافي امل تشتغل. مع العلم ان السيارة لها معاي سنة تقريباً ومالاحظت منها اي شي ولله الحمد ومحافظ على تشييكاتها وأمورها وتوهقت بعطالها المفاجئ لاني جاي من منطقه بعيدة والوالدة وام العيال معاي لكن هذا يمكن لطف من الله ومنعنا من حدوث مكروه ولله الحمد على كل حال.

أعذروني ع الاطالة ولكن حبيت اذكر تفاصيل المشكلة حتى تعطوني رأيكم بدقة  ياأهل الخبرة خاصة للي مرت عليه نفس المشكلة.
وبشوركم يكون عندي خلفية قبل ما أسحبها لسباكين الصناعية.

ومالي غنى عنكم اخواني الكرام لان خبرتي في الامريكي ضعيفة. ويارب كل من شارك باستفساري أن تحرم وجهه ووالديه وذريته من نار جهنم. 
ومشكورين جميعاً...

السيارة: قراند ماركيز 2011







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


تأكد ثم تأكد ثم تأكد 

لأن اغلب الورش اذا ماعرف يحدد العطل بالضبط بيقولك طرمبة بنزين 

اشرط عليه اذا مو من الطرمبه بدفع لك حقها ولا تعطيه هلله

والتشييك عليها ولا اسهل واحد يشغل والثاني عن الكبوت وفتح ابرة البنزين اذا دفع بنزين معناه الطرمبه في السليم

فالك التوفيق ان شاء الله


up 2 down 0
phantom101 3
قبل 6 سنه و 7 شهر



والله يا الغالي الاسباب كثيرة ممكن تكون من طرمبة البنزين انها تخسن ويطفى الموتر وممكن شي ثاني


خوينا معه كابرس وكانوا العيال رايحين لعفيف اكثر من سيارة وهو معهم بالكابرس كانوا ماشين الظهر تقريبا المهم في نص الطريق كذا وهو على سرعة طفى الموتر وجلس تقريبا 10 دقايق او 15 دقيقة وعود يشغله واشتغل هو عاد ماشاء الله عليه عارف الموتر وخبير في الميكانيكا عرف انه من الطرمبة تحتمي ويطفى الموتر صار يمشي عليه بس ما يكرش له عشان ما يحتمي وتطفى السيارة لين وصلوا

انا من رايي توديه لاقرب ورشة حولك وتخليه يشيك وان شاء الله بيفيدك




up 1 down 0
a.ibrahem 3165
قبل 6 سنه و 7 شهر