أضف سؤال أو موضوع جديد          

استفسار بخصوص الفحص الدوري

up 1 down 2
الوافي الساخر 614
قبل 4 سنه و 8 شهر



السلام عليكم

انا ابفحص سيارة لكن فيها عيوب ولا ادري تعدي والا لا اتمنى تفيديوني وجزاكم الله خير

الاول : البويه حقت الكبوت والشنطه مبهت شوي

الثاني:  التنجيد مقطع 

الثالث : الكفرات ماسحه شوي

وماادري تعدي والا لا 

والا اعدلها قبل اوديها

واللي عنده معلومه يقولها والله يعطيه العافيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


التجربه خير برهان روح لهم وافحص يعطونك العيوب بالنسبه للبوية لورسبوك عشانها حاججهم ودور للسعودين هناك يمشونها التنجيد ماله دخل الكفرات شي مهم بس اذا كلها مقاس واحد ومافيها رقع جانبيه تمشي اهم شي اختر وقت مناسب للدخول قبل الظهر بشوي والاقبل نهاية الدوام يسير التدقيق اخف يبغون يمشون العالم ودعواتنا لك بالتيسير


up 1 down 0
المدردب 47
قبل 4 سنه و 8 شهر



الكفرات ماتعدي

بس في جنب الفحص محلات قولهم ابي كفرات فحص

تدفع لهم وبعد الفحص ترجع لكفراتك


وانصحك تغيرهن بأقرب فرصه ..


up 0 down 0
هااجد 335
قبل 4 سنه و 8 شهر



الكفرات اذا رايحه فيها ماتعدي انا من رايي تطق لها ياكفرات صينية ولا مستعملة المهم تمشيك في الفحص بالنسبة للبوية انا اقترح عليك تروح بالموتر وهو شوي وسخ عشان ما يدققون في البوية انا سويتها يوم موتري كان عندي تبهيت ولا غسلت الموتر ورحت لهم


بالنسبة للتنجيد مالهم علاقة فيه اهم شي شيك على التالي :


المساحات ، البوري ، اضاءات السيارة الخارجية كلها ، الكربون ، تفتفه ، عضلات السيارة وزن اذرعة الخ .... مساعدات ... وتأكد الموتر مافيه تهاريب وان شاء الله ينجح


up 0 down 1
a.ibrahem 3241
قبل 4 سنه و 8 شهر



الله يجزاكم خير ورحم الله والديكم وأسأل الله العظيم ان يوفقكم في الدنيا والاخرة

واشكركم على هاذي الاجابات الكافية الشافية




up 0 down 1
الوافي الساخر 614
قبل 4 سنه و 8 شهر



الكفرات أذا كان عمرهن 60% تعدي

اما البويه راح تعدي الى اذا كانت البويه متقشعه ما تعدي

واما بخصوص المراتب متقطعه اذا كانت حقت السواق متقطعه مراح تعدي المراتب الثانيه ملهم دخل فيها

عندي لك كم معلومه انتبه لها 1 / صوميل الكفرات لزم يكونن كاملات 2 / عدم التضليل / الأنوار لا يكون فيها أغبار او يكونن
بهتات 3 / تأكد ان موترك ما فيه تهريب زيت تحد 


up 0 down 1
الرايق 506 265
قبل 4 سنه و 8 شهر



جزاك الله خير يالحاضر2000 ورحم الله والديك

وان شاء الله اعطيكم العلوم بعد الفحص


up 1 down 0
الوافي الساخر 614
قبل 4 سنه و 8 شهر



انا فحصت في نص شهر رمضان كانت الانوار عندي مشهبه وماقالوا لي شيء , وكنت مضلل السيارة وماقالوا لي شيء والكفرات نص عمر وماقالوا لي شيء لكن اهم شيء نقشتهم موحده 



ومفرغ الرصاص اللي بدبات التلوث ومشوها لي .. 


up 0 down 1
ابو سعود629 4657
قبل 4 سنه و 8 شهر