استغفر الله

على البركه الموتر

وش نوع البواجي اللي ركبتها
تختلف البواجي ولها ارقام حسب المديلات والاستخدام السعودي يفرق عن الامريكي

نظف الثروتل كمان

"وثاني يوم اخذ السيارة شغلتها كانت باردة ومن تعدت الحرارة حرف C مشيت بعدها بدقايق الا اشوف الحرارة حول النص والمكيف شغال طفيت المكيف نفس الشي وانا اوقف واطفيها وافتح الكبووت
متعوود ع الكابرس حرارتها عالربع "

^
قصه لايفهمها الا راعين الفوردات الحراره للنص
ههههههههههههههههههههههههههه
انا مثلك والله

^
اقصد طبيعي الحراره للنص لاتخاف مثل الهمر h3

صاادق ي شاقح بس انا ركبت نفس مقااس اللي عليها اول 
وكانت تقطع والثروتل وراح والسيارة صافية وللحين العزم مااش 

ونظفت الثروتل :)

ترا حتى التاهو واليوكون وبعض السيارات
حرارتها على النص.. 

والله مدري عنها ي بعـدي عندنا جمس موديل 96 حرارته ماتتعدا الربع 
والموديلات الجديدة مادري عنها :)

اجل لو تشوف البنز وش تسوي حرام لا تنهبل هههههههه
هذي صورة لموتري والحرارة فيه طبيعيه 100% 
http://www14.0zz0.com/2012/05/23/21/908254022.jpg

كل السيارات على النص طبيعي

بالنسبة لأختلاف الحرارة بين الفورد والكابرسهذا هو السبب:
http://www.mekshat.com/vb/showthread.php?t=432189
يعني الفورد يقيس درجة الحرارة بالمئوي...

الله يعطيك خيرها ويكفيك شرها لي قصة شبيهه بقصتك كان معي كابرس 89 عام 2001 وصار علي حادث فيه وراح تشليح واللحمد لله سلمت بأعجوبة وبعدها طبعاً على قولة اخوانا المصرين كانت الاحوال المادية بعافيه شوي واخذت كيا كلاريوس 2000 وكان عداد الحرارة تبع الكابرس اقل من الربع وهي على النص ها انا انلحست واحسب ان الحرارة مرتفعة وعلى الصناعية وادخل عند ميكانيكي هندي الله يذكره بالخير كان عميلي قام يضحك علي يقول هذا مروحة كهربائي وطرمبة موية يعني حرارة طبيعي الكابرس كان مروحة في المكينة بسير وطبيعي تكون حرارته تحت الربع عشان المروحة شغالة على طول وتبرد على طول للمكينة بس الفرق بيني وبينك اني اقتنعت على طول ههههههه موفق حبيبي ويالبيه يالكابرس القديم مايتكرر ابد ابد ..

مبروك الموتر ، الحين اغلب السيارات الجديدة حرارتها على النصف سواء شتاء صيف مكيف بدون مكيف 

 منها اليوكن والتاهو والسييرا الجموس من 2007 وفوق 

هههههههههههههههههههههههه

والله فيه ناس كثير مثلك , راسه حجره , نكلمه ونحاول نقنعه لكن راسه متحجر ههههههههه

ولا تزعل علينا خذها بروح رياضيه :)

والف مبروك الفورد

الله يبارك فيييكم جميع ويسعدكم يارب 
^ من ناحية متحجر صدقت متحجر اذا تعودت على سييارة خلاص 
ابي كل السيارات نفسها ههههههههههه وهاليومين احس اني تأقلمت 
مع الفورد مع انيي متأكد بس ييخلص الكابرس ان شاء الله بسحب عليه 
واخليه واقف بالحوش :)

يا رجال انا موتري ماركيز 2001  
بهذلني المكينه كاتمه  حتى لو ادعس الدعسه كامله  مايتعديى 100

نفس مشكلتي انت جرب افصل اصبع البطارية الموجب وجرب 
شف الفرق > تروح الكتمه ليش مادري وبعد ماتطفيها ترجع جننتني 

الحين اغلب السيارات الجديدة نسبة 80% الى 90% كلها على النص وهاذا طبيعي مايدل ان الموتر مرتفعة حرارته اهم شي تكون مستقرة مايكون فيه تفاوت اذا توقفت او مشت بسرعات عالية .... عموما الفورد معروف ان حرارته على النص طبيعية جدا