صوت غريب عند بداية المشى

شيك علا طرنبه الزيت. يمكن يتاخر الزيت علا السبايك

 بالنسبة للزيت كاسترول 10/30 اما الطرنبة فكيف اعرف انها غير جيدة

هذا صوت التكايات مايجيها زيت
والسبب 
لزوجه الزيت ماهي مناسبه 
او طرمبه الزيت ضعيفه او متعطله
او وجه كرتير الزيت مودع

ياشباب لحد يفتي على راسه 
محب التراث

الصوت عند بداية التشغيل ولو تلاحظ لو زدت عن 1 ونص ار بي ام 
لاقل من دقيقه ويختفي 
بس لاحظت اشياء انك لو طولت فالتحمه مثلا 5 دقايق مايطلع الصوت 

^ 
هذا اللي تقصده ولا الصوت مستمر معك ع طول 

الصوت في حدود دقيقة او اقل ومرات ما يظهر

واذا طولت في التحمية ما يظهر 

بالنسبة للصوت صعب أحد يفتي لك فيه ممكن تكون أراء الشباب صحيحة لكن ما نقدر نجزم اولا ان حنا ماسمعنا الصوت وثانيا حتى لو بتسمع الصوت صعب تحدد مصدره من ايش بالظبط


بمعنى فيه اسباب كثيرررة ممكن يطلعها الصوت هاذا

1- وهاذا من أحد الاسباب ممكن ان الزيت يتأخر في طلوعه بسبب ضعف الطرمبة او انسداد الشخال حق الزيت وهاذا سبب من الاسباب الكثيرة اللي ممكن يكون مصدرها الصوت


انا عندنا يوكن 2001 طلعت عليه مشكلة قبل رمضان بأسبوع تقريبا اللي هو انه اول ما تشغله بعض المرات خصوصا اذا شغلت بسرعة يعني مافتحت السلف وانتظرت على طول شغلت ينزل ظغط الزيت للصفر ولما ادعس له يرتفع طبيعي للنص اللي قال لي السيفون مضروب واللي قال لي حساس واللي قال لي طرمبة وغيرررره وغيره من الحلول حتى رحت ورشة معروفة ومتخصصة في الامريكي قال مدري جبه لي لين نزل العداد حق الزيت كذا مقدر اسوي لك شي

غيرت سيفون اصلي وجلس ثلاث ايام ورجع شكيت في الشخال انه متسدد وبداية ضعف طرمبة وفعلن رحت لواحد كويس خويي باكستاني وقال هاذي طرمبة 100% بادية تضعف والشخال عندك متسدد يتأخر الزيت او انه في صعوبه وغيرت طرمبة ونظفت الشخال وطقيت له زيت من جديد وماشاء الله رجع مثل قياس الوكالة .... ف تعددت الاسباب والموت واحد


عشان كذا اذا انت متحمس توصل لمصدر الصوت مالك الا تشوف لك ميكانيكي كويس توقف عنده الموتر وتجيه الصباح وتشغله انت وياه وتحاول تعرف مصدر الصوت .... تقبل مروري

اخواني عندي مشكلة مجننتني جدا اتمنى اتمنى تشوف لها حل . عندي فورد اول ما اشغله الصباح يطلع صوت كان شي يتحرك مثل صوت الجنزير ويروح بعد ما اشغلها بربع ساعه يختفي الصوت ولا يطلع الى ثاني يوم او بعد ما اطفيها ب 6 ساعات . ولو شغلتها الصباح وطلع الصوت ودست اشوي بنزين يختفي الصوت تماما . القير احطه D وافك رجلي من البريك الموتر يمشي تمام . اول بكرة من فوق فيها هزه خفيفه جدا وهي طافية السيارة . الزيت زيت الوكالة . البواجي لها اقل من سنه . اتمنى احد يفيدني

مريت المهندس اليوم وقال لي ممكن شداد مريت مهندس ثانى في ورشة مشهورة في السيارات الامريكية وقال عشق السيارة في الدي وامسك فرملة برجل وادعس بالثانية وكذا مع الريوس ماطلع صوت قال ما اقدر احكم لين اسمع الصوت ولكن ما باين شئ اذا ظهر الصوت اكثر ارجع للورشة

والله يا اخوان وده الواحد يفيدكم باللي تبونه لكن صدقوني المشاكل هاذي صعبة الواحد يفتي فيها ممكن فيه احتمالات لكنه ضئيلة مثل سالفة محب التراث الان اغلب الميكانيكا اجزم انهم مايقدرون يفتون في الصوت لين يطلع او يقوى عشان كذا انا انصحكم تخلونها على فالها لين تتضاعف المشكلة


انا اليوم شغلت موتري الاوبريس طبعا من امس العصر واقفة رجعت من الدوام ولا طلعت مشاوير ويوم شغلتها اليوم الصبح دعسته دعسه وصل الظغط لين 2 ثمن ركد على الواحد ثمن يوم احتمت شوي نزل للمعدل الطبيعي لو تسمع الصوت اللي طلع اول ما اشتغلت بترتاع يعني بالعربي زللللب والله تتعب مع ذا المواتر اذا دققت وتروح للورش كل واحد يفتي لك ويقلب راسك ويقول شغل وادعس ويسوق ويدعس لموترك ويمكن يخربه الا خله على فاله لين تظهر المشكلة واضحة وبعدين وددده وبعدين خصوصا اللي موتره قديم لايدقق في الاصوات ممكن يطلع صوت احتكاك في بداية التشغيل صوت تكايات عايدي مشي اهم شي موترك وعارفه

اخوي مرت علي المشكله ذي وخليتاها لين مانكسرت التكايات وصارت تفتفه ورجه والموتر يرقص 
وصوت الشكمان يتغير وكله من الزيت ما يطلع على التكايات وانكسر
شوف موضوعي عن التفتفه

الصوت يطلع اذا السياره لها واقفه 4ساعات اما اذا تطفي وتشغل على طول ما راح تطلع