استفسار عن رأيكم شراء سيارة فورد قراند ماركيز

سيارة كلاسيكية غنية عن التعريف يكفيك ان الحكومه يستخدمونها
وموتر كفو بس احرص على النظيف واهم شيء تفحص السيارة من والى

ومالك الأ المستعمل ﻷن وقف انتاجها الأ اذا تقصد تاخذ اصفار بتكون غالية بالحيييل

اذا بتأخذ خذ من 2006 و فوق 
و احرص على الداخلية الهلوز كل شيء مقاعد و طبلون

و يفضل السمني

فيه جديد اصفار 2012 ب 120 الف ستاندارد

دور بطاقة جمركية اهم تىخذ تقرير الاوتوتشيك و الكارفاكس فيه شباب يطلعونه لك ب 30 ريال يطلع لك تاريخها في امريكا من الى

اخوي انا بقولك تجربتي انا كان معي ماركيز فل كامل 2008 جلس معي قرابة 5 سنين الموتر ماشاء الله 

اخذت الموتر وهو ماشي 20 الف وبعته وهو ماشي 184 طول فترة الاستخدام اللي غيرته بس الفحمات

والزيوت القير والمكينه اول بااول طبعا بقولك شغله اذا اشتريت الموتر ان شاء الله لاتغير الا زيت كاسترول 10-30 

ابو غطاء احمر ويتغير كل 8 الف كم مع السيفون وزيت القير تاخذها من الوكاله ضروري نوعه موتر كرافات لأن اللي عند
البناشر تجاري وبيلعب في القير حقك وزيت القير يتغير كل 48 الف كم بالضبط لايزيد عن  كذا عشان ماينقص
عمر القير

نصيحه:- الفل كامل ممتاز وراحه بس فيه مشكله فيه المكيف الالكتروني مشكلته اذا خربت الربلات حقته يتلخبط توزيع
الهواء ولايتصلح حتى تغير الربالات ويالله يالله تحصل احد فاهم فيها لان المحلات الورش يقولون نقفل عليك الهوايه 
وتنتهي المشكله لكن في الحقيقه ماتتقفل بشكل كامل لكن انا انصحك تاخذ استاندر المكيف حقه عااادي ولا يخرب 





ادري اني طولت عليك وانا اخووووك لكن حبيت افيدك بخبرتي في هالسياره ولا ابي منك الا الدعاء لي بتيسر الحال نسأل
الله العلي القدير لنا ولكم ذاك.

اخوك ناصر

 

مايبي لها شف الشوارع وتعرف الجواب

الفكتوريا والماركيز وجه واحد لعملتان 
الفكتوريا لا مواصفات ولا شيء 
الماركيز يختلف بالنيكل وبعض الاجزاء الداخليه تسخين مقاعد وما الى ذلك 
طبعاً كلها نفس الاعتماديه

واذا حصلت واحد نظيف ماراح يطلب الا :
زيت مكينه 5w20 او 5w30 او 10w30موتوركرافت او احد الزيوت التخليقيه 
والتغير كل 10 الاف كيلو 
وزيت القير كل 30 الى 48 على حسب استخدامك وصفاية البنزين 
والباقي كفرات وبنزين وبيوفي معك فتره طويله

اسف على الاطاله 

تخيلو لو يعيدو انتاجها والله اول سياره تطلع لي☺

تخيلو لو يعيدو انتاجها والله اول سياره تطلع لي☺

سيارة ممتازة بس لا تشتري اللا شي نظيف 
انا استخدمتها خمس سنوات بنزين وزيت 

ما شاء الله افادوك الشباب اهم شي افحص ثم افحص ثم افحص ولو لقيت سمني من داخل هلوز ممتاز جداً او رصاصي من داخل هلوز 
والهلوز اللي يجي بيج فاتح كامل الطبلون والمراتب 
مثل هذا رقم الاعلان 4857915

كلهن اذان فرس بس اهم شي انه يكون الوكاله

احد زملائي يمتلك السيارة ويمدحها. لذلك اقولك توكل على الله

الشباب كفو ووفو في الردود واضم صوتي لصوتهم سيارة اعتماديه ومريحة للاستخدام اليومي والخطوط الطويله ولكن اهم شي تاخذ نظيف وموديل حديث

الله يعطيكم العافية ي شباب

كلام الاخوان صحيح وعندي اضافة خليها على بالك ترى الماركيز ثقيل وعريض داخل البلد زي زحمة جدة ومكة والرياض