أضف سؤال أو موضوع جديد          

صدمني واحد الحمد لله على كل حال القصه بالداخل

up 21 down 16
Abu Tariq 16 1086
قبل 7 سنه و 4 شهر



السلام عليكم
اسعد الله اوقاتكم بكل خير
كل عام وانتم بخير وتقبل الله صيامكم وقيامكم
القصه كالتالي:-
صدمني واحد امس وانا طالع من دخله في الصناعيه بالطائف طبعا الاخ عاكس الطريق ومعاه جمس 2001
يادوب التفت يسار بشوف الطريق الا والقشعه 
المهم نزلت ع طول طالعت بسيارتي والحمد لله جت بسيطه لاكن وربي اني مقهور عليها السيارة على يد الوالد 
واول صدمه لها وان شاء الله الاخيره والسياره هذي عشق ماينوصف والحمد لله انها بسيطه
سياره الرجال ماجاها اي شئ نهائيا 
الرجال طلع اخو جارنا بالعماره الي جنبنا المهم دقينا على المرور الرجال مسافر الرياض ومستعجل قالي الي 
تبغاه ابشر به وانا ماشي الرياض وعيالي مقفل عليهم في شقه الي تبغاه خذه من اخوي وانت تعرفه
انا والله ماعرفه عز المعرفه جار فقط سلام وبس المهم شوي ونط لي ولده قال خذ رقم الجوال
واي شئ تبغاه اتصل علي
قلت الكلام هذا ماينفع الجوال بسيطه تقفله وينتهي الموضوع اقعد بها انا ولا بروح اطلب حقي من عند جاري
ولا ادور عليك بالرياض 
انت الي صدمتني وتتحمل نتيجه غلطك مو تقلي تفاهم معا اخوي عشانه جاري المهم وشفت سيارتي وشوي جالي
مره ثانيه قال يابن الحلال بعطيك الي تبغاه بس قلي كم تبغا قلت له والله مابحط في جيبي شئ وانا
مدري عنه يجي المرور ونروح القسم ونقدر شوي وجا المرور بعد انتظار حول الساعه وسط الشموس ومعروف
شمس الطايف ماترحم طبعا جا المرور ولاتكلم باين كل شئ الرجال عاكس وانا طالع من دخله قال الغلط عليه 
100% المهم خلص كتابه تخطيط الحادث قال الاثبات يبقى معنا اثبات صاحب الجمس قاله ليه قال العسكري
فيه توقيف وحجز سيارة ومخالفه محجوبه بعد ماتطلع من التوقيف تسددها والله يستر عليك
طبعا انا قلت مالها داعي كل هالمواصيل عطاني العسكري الاثبات قال خله معاك الى ماتوصل القسم
وقلتله تدري عطه الاثبات وماحن مختلفين قال اكيد قلت ماعليك ان شاء الله خير
المهم وصلنا عند القسم كان معاي ولد عمي وشاورته قال الرجال بيتضرر ومسافر وحالته حاله وعنده دوام
المهم واتفقنا على انه يعطيني مبلغ قيمه الصدام وسعرته قبل فتره سعره حول الـ 1500 ريال طبعا اكسسورات 
النكون معروفه بسعرها الخيالي ولاتوجد باي محل فقط بالوكاله الا بالمحلات كلها تجاري المهم رحنا الوكاله لقيناها
مقفله مابتفتح الا بعد 15 يوم مدري وش عندهم محلات القطع مقفله والورش مقفله وحاله ماندري وش نسوي
بعدين رحت عند واحد سمكري اعرفه قلت بشوف الاضرار وممكن يقدرها لي الاضرار هي الصدام الامامي 
والزيق والشمعه والفيبر الداخلي قالي ممكن تكلف من 2000 الى 2500 المهم شافها الرجال قلت له وش رايك
قال الي تشوفه انا والله اشفقت على الرجال ومسافر والله اعلم بحاله قلت له انت كم تقدر تدفع قالي الي تبغاه انت
قلت والله بكيفك انت كم تقدر تدفع ولا نروح نقدر قالي لا بدفع لك المهم اتصلت على الوالد واعطيته السالفه
وقلت له عن التكلفه قال شوف كم يدفع والباقي من عندي مالك شغل ورجعت للرجال وقالي بعطيك 1500 
قلت دقيقه اشاور الوالد بحكم علاقتي الشديده بالوالد كأننا اصدقاء قالي خلاص خذها وانا بعطيك 1500 
وارجعها لك وكاله قلت له شورك وهدايه الله اخذت من الرجال 1500 وتسهل ولا رجعت القسم 
والسيارة ان شاء الله بدخلها الورشه يوم الاحد والله يسهلها ان شاء الله السيارة تاون كار 2001
والله لايريكم مكروه لافي احبابكم ولافياموالكم ولافي انفسكم هذي قصتي باختصار شديد
دمتم في رعايه الله









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الامور هذي وانا اخوك ماتعلم بها حد ابد سويت بالرجال خير لاتذكره لاحد يعني وش مقصدك يوم انك منزل القصه هنا تبي احد يثني عليك ولا طبعك كذا لكن بيض الله وجهك ولاعاد تذكر جميلك لاحد 


up 1 down 1
المعاوي١٩٩١ 426
قبل 7 سنه و 4 شهر



اخوي الباحث الله يسلمك ولا يريك مكروه 
اخوي المعاوي مو قصه ثناء او جميل بس حبيت اذكر القصه لا اقل ولا اكثر شاكر لك مرورك وتعليقك
+1


up 0 down 0
Abu Tariq 16 1086
قبل 7 سنه و 4 شهر