أضف سؤال أو موضوع جديد          

وش الحل مع الحكات البسيطه

up 3 down 3
do8sh 208
قبل 7 سنه و 4 شهر



السلام عليكم 

يااخوان سيارتي لها تقريبا شهر مشتريها فورد 2010 ومشاء كان مافيها ولا حكه 
الا حكه ومتقشره البويه بالصدام الامامي وتوكلت واشتريت السياره قسم بالله كرهت الفورد
من طوله قسم بالله ماتشوف الصدام الامامي ولاتعرف وزنيته تقريبا لي شهر وحكيت 3 مرات 

المشكله الحكات كلها البويه تروح يعني يطلع اللون الاسود وتكون متجرحه تجريح خفيف
يعني مدري وش اسوي فيها اظن تلميع ماتروح الا وحده بس 
وناس قالوا لي روح محلات البوية واشتري ونقط بس انا ابي اعرف رقم بويت سيارتي دخلت موقع
وحطيت سيارتي وطلع لي 3 اللوان سماويه ونفس سيارتي ماعرفت افرق 
واخرها توها وحده بعد صلاة الجمعه بس اظن انها تروح مع التلميع قسم بالله قلبي عورني 

تكفون ابي حل اخلي السياره سنة وبعدين ارش الصدامات وبكم رش الصدامات ?
ولا اروح واشتري بويه وانقط ?? 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يارجال والله الحمدلله مبسوط معاها ومرتاح 

وترا كنت اسوق جمس xl موديل 1997 والله استخدمته سنه ونص قسم بالله ولا حكه لاني اشوف 
الصدام الامامي مظبوط

اما الفورد اعوذ بالله رفع ظغطي ويارب اتعود عليه


up 1 down 0
do8sh 208
قبل 7 سنه و 4 شهر



بتتعود عليه ياخوي اانا الحمدلله ادخلها ف المواقف بين السيارات اوزنها زين

انت احتياطا ﻻتقرب من الجدار او السيارات وش بيكلفك لو رجعت شوي ورى وتقدمت


بالنسبه للصدام تقدر تروح لورشه يصنفر الصدام عشان تروح الحكات وترشه افضل شغل يكلف حوالي 400

إذا ماعندك امكانيه روح وعطه الغطاء حق التانكي يطلع لك نفس اللون وتنقط بنفسكك

وببارك االله فيك


up 0 down 0
ahmad alhodali 400
قبل 7 سنه و 4 شهر



بالزبط يا ابراهيم كلامك صحيح لكن كل دقه بتعليمه وراح يوزنها والرجال م كمل شهر وبيتعود




up 0 down 2
ahmad alhodali 400
قبل 7 سنه و 4 شهر



+1                      


up 0 down 0
ahmad alhodali 400
قبل 7 سنه و 4 شهر



ايه وربي صادق زوايا الصدامات شوف كيف بكل فورد لازم تلقاها محكوكه


up 0 down 2
do8sh 208
قبل 7 سنه و 4 شهر



الفورد وربي اكرهه كرة العمى 
ما ادانيةة 
قبل مدة واقف بالمواقف وموقفي صحح 
الا ويجي راعي فورد بيوقف جنبي ويدخل الزاويةة قدام ببيباني الاثنين 
شفف حد الغشامةة وربي ارتفع ضغطي بغيت اطق من القهر 
وسيارتي ما صار لي ٣ ايام مطلعها من الوكالة


up 1 down 1
fahd6677 25
قبل 7 سنه و 4 شهر



الى الجحيم انتم وسياراتكم 


up 0 down 10
fahd6677 25
قبل 7 سنه و 4 شهر



ههههههههههههههههه مطلع اكسنت مَحد شافك يالخو

ألله يهديك 


up 1 down 0
ahmad alhodali 400
قبل 7 سنه و 4 شهر



من اللي قال مو كبير ؟؟ طوله 5.3 متر وطول الجمس سوبربان الطويل 5.6 مافرق شي !! يعني كبير الفورد
احس سواقته اصعب من الجمس انا تعلمت على جمس وما كنت اسوق الا هو ويوم اخذت الفورد حست فيه شوي
اولا الزوايا مو واضحه مره + لفته مره واسعه مدري اشبه اذا شارع ما يدخل الا سيارة وحده مستحيل اخذ يوتيرن بدون ما ارجع ريوس واكمل اللفة
اما الجمس بسهولة الفها .. 

اما بالنسبة لمشكلتك اتركها وخلاص الين تتعود على سواقته وبعدين رش الصدامات وصلى الله وبارك
التنقيط من وجهة نظري مو مره يطلع تمام


up 1 down 1
الباحث1 135
قبل 7 سنه و 4 شهر



لا ترش الصدام حتى تضبط زوايا الفورد صح 
فتضمن انك ما راح تحك بالمستقبل الا ما كتب ربك

الحين خله كذا لا ترشه حتى تتأقلم مع الفورد


up 1 down 0
أبــوســالــم 775
قبل 7 سنه و 4 شهر



من جد انا اكرره الفورد اكثرهم مهايطين يشطفك وهو صك الطبلون ولا يعلق البوري يحسب سيارته كشخه من زينها واكثر السيارات خراب هي الفورد.......


up 1 down 6
العلم نت 125
قبل 7 سنه و 4 شهر



 تعال تعال لايكون انت اللي تحكحك سياراتنا وتنحاش !!! ههههههههههههههههه 



مالك الا تروح ترش صداماتك وتركب برقع اذا على كذا كل يومين بترش صدامك ركب برقع واذا تشقق من الحكات غيره 


up 3 down 0
ابو سعود629 4708
قبل 7 سنه و 4 شهر



ابو سعود هههههه 

والله ياابن الحلال مدري وش السالفه والله قبل اسوق جيب اخوي وجمس xl واسوق تسعاوي ولاعمري حكيت ولاقبعت 

لكن مدري وش السالفه مع الفورد هذا ياولد وزنيته ماتنعرف والزوايا ترفع الظغط قسم بالله ان شاء الله اخر حكه اليوم :) 
بصير هادي وعلى مهلي وبصير من حقين الفوردات الغشم ويارب مانحك 


up 1 down 0
do8sh 208
قبل 7 سنه و 4 شهر



بالنسبة لي جلس معي فترة ودقه وحدة بالصدام اليمين لف على واحد وكسر الاصطب اما الوزتية بتتعود عليها 


up 1 down 0
kingksa2015 489
قبل 7 سنه و 4 شهر



لو مريت محلات البوية بيطلعون لك درجة اللون وانت استخدم فرشاة صغيرة

ولكن الافضل انك تستخدم الملمع قبل علشان ممكن تروح بدون تبقيع


up 1 down 0
amh2222 417
قبل 7 سنه و 4 شهر



فيه احسن من الفرشاة الصغيرة 
اول شي تروح محل البويه وقت الظهر عشان تركيب اللون في الشمس يكون واضح وتشتري ربع كيلو او اقل كمية تقدر تاخذها منه وتطلب منه قطن حق التلميع قطعه صغيرة وتاخذمنها قد الاصبع وبتكون مثل الشعره تمررها على البويه ثم على مكان الحكوك بتطلع لك نتيجة ممتازة ولا راح يبين مكان الحكة الا اذا دققت فيها 
وهذا عن تجربه ، خدمني فيها دهان الله يجزاه خير .


up 1 down 0
ahm5656 101
قبل 7 سنه و 4 شهر