رايكم في اكسبلورر 2004

هل عون نظيف وكم سعره ليتم الحكم عليه
والله يبارك لك اخي الكريم

على حسب كلام راعية نظيف ولو نفرض انه نظيف فعلا كم يستحق قيمة 

الاكسبلوور كذا شخص اشتراه و واجه مشاكل بالقير وتبي ارقامهم ابشرررررر ومديله اخو الجديد فما بالك بالقديم

بعدين التويوتا هو تووويوتا سيارات علميه ولافيها وسائل تقنيه وحساسات بالمديل هذا تطلب صيانه و ورشه

فما بالك بالاكسبلووووووووووور

نصيحه خذ شي نظيف ومعروف وعملي

خذ فورتشنر ان شاء الله ماتعرف الورشه ولاتعرف كهربائي ولاتعرف قطع غيااااااااااااااااااار وتكون ثقافتك بالورش صفررررررررررررررررررررررررررر

جلس معي الفورتشنر ثلاث سنوات تحفه مع ان ينقصه الراحه والرساوه ولاكن مواتر عمليه لاحراره ولاخرابيط ولا حساسات ابدااااااااااااااااااااااااع لايوصف
عندما يكون من تويوتا الجديده كليا

الحين بيجي كاااااااااااااابووش وبيزعل

اخوي سعره اذا نظيف ما بين 25 الى 30 هذا اللي اعرفه بشرط النظافة

أنا مع رأي ( أمير الأصيل ) ...
دور لك سيارة معروفة وحقت كرف ...

اشكرك اخوي ابووووخالد اسعدتني الله يسعدك ويوفقك وانا معك

جزاكم الله خير نورتوني الله ينور قلوبكم بالايمان

الاكسبلورر هالموديل عيبه ماله معيار لزيت القير من فوق هذا اللي سبب مشكله مع الناس بس ممكن تروح لأي محل زيوت تقوله فك صرة معيار زيت القير وخله يشيكلك عليها راح يعرف منها هل هي ناقصه وهل الزيت يحتاج تغيير اولا وصدقني لو تنتبه عليه يعيش معاك والافضل تروح لمنتدى محبي فورد اكسبلورر بمنتدى السيارات هم راح يفيدونك اكتب منتدى السيارات بقوقل وراح يطلعلك وسجل وعندي لك حل ثاني لو انت مهتم بالراحه والماكينه والمتانه ورخص قطع الغيار انصحك بالدوج دورانجو من 2005 إلى 2009 السياره جباره ومحركها جبار وتحصل ال2007 قيمته بالأربعينات بسبب انه مو مرغوب بس صدقني لو تطيح لك على واحد نظيف بتدعيلي 

لايوهقونك حقين التويوتا بالفورتشنر تراه غالي ويكسر الظهر وفوقها 4 سلندر يعني لو تركب فيه 5 وتطلع الهدا بيكح عليك وشكله مقرف يجيب الهم هو هايلكس بس جيب وحقين التويوتا يبالغون لمدح سياراتهم 

كان فيه مشاكل مصنعية في الدفرنس

نصيحتي لك تاخذ موديل 2007 وفوق

2005 - 2006 فيه مشاكل في القير وهذا كلام صاحبي الي شغال في الوكالة

اخي كااااااااابوووووووووووووم ماش

الفورتشنير 4 سرندل

للاسف معلومات غير جيده

يوجد ايضا سته سرندل

قير عادي تماتيك دبل بدون بدل

يعني 2014 سته سرندل دبل دفلووووووووك قيمته قرابة 120 الف

اما 4 سرندل قمته قرابة 90 الى 95 الف

والافضل سته سرندل وصدقت اربعه سرندل ماينفع ولايطلع الهدا

اما السته سرندل ممتاز انا مجربه ثلاث سنوووووووووووووات
موتررررررر قووووي جدا