ماهو سبب تفتفه الفورد ؟؟

شيك على الكويلات عادة هالتفتفه تكون منها 

سياره تجيب طبلون ولا ماتتعدا 90 ؟

ياخوك رح اكشف عليها كمبيوتر ب 50 ريال يطلعلك العطل بدال ماتخسر نفسك

غير بواجي وشيك على الكويلات اسحب الفيش اللي بالكويل اذا تغير صوت المكينه وصار فيه رجفه
اعرف انه شغال واذا العكس ياخربان الكويل والا يبي تنظيف تفك الكويل وفيه سسته وتنظفها
ببخاخ واذا مانفع مالك الا الفحص افضل واضمن 

بوابه الثروتل وفلتر الهواء 

غير الفلتر ونظف الثروتل ببخاخ اي سي ديلكو تحتاج علبه او علبتين 

بما انها تحدث على سرعة معينه فالمشكله كهربائية بالكويلات
ولكن بما ان السياره زي العسل عند الوقوف فاعتقد بوابة الثروتل والفلتر وبلف الهواء حول الثروتل سليمات
ولكن حتى لو فحصت كمبيوتر فممكن ان الكمبيوتر يعطيك المشكله وممكن لا ... لانها تصير في حالة معينه
اشتر كويل وجرب على كل وحده حتى تعرف الكويل الضعيف

سيارة الوالد تقطع بين 70 الى 100 ومن 120 وفوق يختفي التقطيع والله يجزاك الف خير اذا حليت المشكلة ارجع خبرنا بالحل هي بواجي او الكويلات

al-king4040 انا فصحت كمبيوتر لسيارة الوالد سليمة واساسا السيارة تقطع بين 70 الى 100

بواجي
سست كويلات
جلد كويلات متقطعه وتهرب شرار
الكويل نفسه خربان

شيك على هالامور

اجل شف الكويلات ي ipiwrtusol        

تصفية مكينة وبترتاح من التفتفة 

تشمل البواجي والاسلاك والفلتر للبنزين وباذن الله تمام

يواجي + اسلاك بواجي + وتأكد من فلتر (الزيت) كلامي من تجربه 

تاكد من الكهرباء والبواجي

غالبا منها

متى غيرت البواحي

هذي المشكلة من الكويلات دايم تصير في الفرد

الله يعطيكم العافيه وانا اشهد انكم رجال تساعدون وينشد فيكم الظهر . بخصوص الاخ شقردي2014 البواجي لها تقريبا سنه ونص مغيره وماعرف العمر المعين لتغيرها وبخصوص الكويلات ماكشفت عليها من شريت السيارة قبل 3 سنوات ومادري كمان العمر المعين لها سالت مهندس تركي فاهم بالسيارات قالي سوي تصفية للمكينه وتروح بس انا منظف البخاخ ومغير البواجي ومغير فلاتر السيارة بس الكويل ماغيرت والاخ( سكودر ) السياره تجيب للفصله بس في السرعات اللي ذكرتها تتفتف وبعد 90 كيلو تروح التفتفه .. بس سؤالي الاخير جزاكم الله خير فحص الكمبيوتر مظمون اذا كشفت ؟؟ ولا لازم مثل ماقال الاخ اكشف عليها يدوي ؟ جزاكم الله خير

هذا حساس إسمه EGR هو اللي يسبب التفتفة في تسارع معين ...قيمته من 220 ريال الى 250.