حكم الإيجار المنتهي بالتمليك

بارك الله فيك 
انا ما اقرب البنوك ابدا قدر المستطاع

طفران ولا عندك كاش وش تسوي

ولا احد يسلفك مالك إلا إيجار منتهي بالتمليك

مالك إلا هالحل

تقول دبر فلوس مافيه وش تسوي

يارجال بس
خل هالشيخ يطفر ويعيش براتب 6000 الف
وايجار شقه ومعاه سياره مقربعه مايقدر حتى يسافر فيها

اكد راح ياخذ قرض او ايجار منتهي بالتمليك
طيب وش حكم المليارات اللي تروح سنويا من ميزانية الدوله للبنان والمغرب

وبعض من الشعب ساكنين تحت هناقر  !!!!
وذالينهم ابوهم على حافز ومجتهدين في ساهر تدبيل المخالفات ؟؟

احس الشيوخ حاطين فتاويهم على الشعب
اما الكبار محد يقدر يقربهم 

ابسط مثال ماحكم موالاة الكفار ؟

ابسط مثال ماحكم من يصلي بلباس رياضي ويحمل عى ظهره اسم لاعب شهير يهودي او مسيحي او صهيوني ويفتخر باسمه ؟

ليش ما يحرمون ساهر ! ليش ما يحرمون تشبيك الاراضي ! ليش ما يحرمون الراسمالية والتي الدولة قائمة عليها واول اركانها الاحتكار !
الشيخ المنيع والمصلح اعضاء الهيئة الشرعية بالبنك الاهلي يفولون البنك جميع تعاملاته اسلامية ! 
من 2005 والبنك الاهلي يحاول يتحول اسلامي وجاب عشرات المشايخ والمحاميين اخر شي اتفق المحامين على اعادة تاسيسة من جديد او كما فال احد المحاميين اسالوا بن محفوظ في قبره من وين جاب فلوسه ! 
طيب القرض او التمويل الشخصي لما يكون رز او حديد ماهو حرام ! كيف تشتري ثم تبيع اللي ماشافته عينك !
بطاقات الاهلي عندهم نوعين هي نفس النوع والتعامل تيسير الاهلي منها اسلامي وتقليدي يعني ربوي بحت  كيف تقول جميع تعاملاته اسلامية !

والله يا اخوان
كما قال المصطفى عليه افضل الصلاة والسلام
الحلال بين والحرام بين

والمسئله واضحه
لكن حنا اذا عكستنا الظروف نتغاظى ونصلح فيها مو فاهمين

اللي اعرفه يكون جائز بشرطين . 

1- في حال التاخر لا يتم اخذ ضريبه على التاخير ..

يعني تاخرت عن دفع قسطين م يقولك علشانك تاخرت ناخذ 200 ريال مثلا 

لان هذا من ربا ... 

2- ان يكون اسمه برنامج الإيجار المنتهي مع الوعد بالتمليك . 

وهذا جائز ويطبقونه البنك الاهلب وتلقى باول صفحه الفتوى وتاريخها 

واسم البرنامج .. 

هذا والله اعلم لا افتي انما انقل تجربه زميلي مع الاقساط وكلامه . 

وحاول انك تاخذ قرض وتشري كاش اوفر وأفضل لك .. 

ان لم تستطع فالشكوى لله 

مايحد على المر الا اللي امر منه والضرورات تبيح المحظورات
من يروح للهم برجله ويدخل مع بنوك النصب الي تاخذه لحم وترميه عظم
الا واحد حادته الظروف حد يبي يريح عمره من الليموزينات او سيارة خردة تقاسمه مصروف اكل عياله
اتمنى المشايخ يراعون ظروف الناس ويحترمون مشاعرهم واوضاعهم
عمر رضي الله عنه عطل حد السرقة يوم انتشر الفقر بين الناس ..
مراعاة للضروف اللي تحد الناس للخطا والحرام حد ..

الايجار المنتهي بالتمليك 


بأختصاار 
ربا

ليتهم يجبرون الشركات على العوده لنظام التقسيط القديم