ايش رايكم ب ماركيز 97

اذ نظيف وسعره طيب خذه وتوكل على الله

يعطيك العافية على مررورك .. وبالنسبة للسعرر مرره ( كويس ومناسب.. 
بسس الى انا خايف منه ان الحرارة في الليل توصل الى "النص... وصاحبه يقول انها طبيعية ... طبعاً الى الان ما بعد اجربه في النهاار او في الظهرية... 
والشيء الثاني ... "لمبة .... الزيت...' اذا مسكت بريك تولع واذا فكيته تطفي ." طبعاً انا اقصد البريك اللى تحت عند دواست البنزين.... 
وبسس والبااقي ما عليه اي كلام... 
طبعاً الموترر تااو .. مفحوص من الفحص الدوري وكل شيء طلع اووكي...! 

ياخوي اتوكل على الله وخذه والامريكي هذي حراته الطبيعية 

^^^^^^^^^^^^ حرارته

الحرارة طبيعية اذا وصلت للنص اكثر من النص فية مشكلة واما لمبة الزيت مع البريكر ماعرف لكن موديل97 عملي وحلو وقطعه غيارة رخيصة وموتر رهيب سوا بالمدينه او بالخط بس اهم شي النظافة

الفورد حرارته ثابته على النص

انت لازم تختبره قبل ماتشتري وعشان تتاكد انه حرارته كويسه !!!

ابيك تطلع وقت الظهريه فالزحمه وتاخذ لك ساعه كامله او نص ساعه ومشغل المكيف

وخل عينك على الحراره  اذا شفت انه الحراره ثابته فاتكد انه مافيه اي مشكله فالحراره 

وذا الحراره ارتفعت ابعد عنه 

يعطيكم العافية يا اخوان ... 
ومشكوؤرين على مروركم..!
:)

إذا كانت نظيفة وممشاها قليل توكل على الله السيارة ممتازة وقطع غيارها متوفرة ورخيصة جداً.

خذها نصيحه مني اذا السيارة من اكثر من مستخدم لا تشتري راح تتعبك الفورد اذا اهملته بالبداية راح يتعبك من كثر الطلبات تخلص من شغله تجيك شغلتين وهكذا

في خدمة اشعار

تعطيك معلومات عن السيارة


هي خدمة استعلام توفر إمكانية التحقق من ملكية المركبة و معلوماتها عن طريق الرسائل القصيرة، حيث يرسل المستفيد رسالة قصيرة تحتوي على الرمز 53 ثم الرمز نجمة (*) ثم رقم هوية مالك المركبة ثم الرمز نجمة (*) ثم رقم لوحة المركبة المراد التحقق من ملكيتها.

بعد ذلك يصل رد برسالة قصيرة بمطابقة الملكية أو عدمها، في حين المطابقة يزود المستفيد بمعلومات المركبة للتأكيد فيكون الرد كالآتي:
نوع لوحة المركبة، تاريخ انتهاء استمارتها، عدد ملاكها السابقين، سنة الصنع، رقم هيكل المركبة و رقم المركبة التسلسلي. ويمكن أن يستخدم هذا الرقم (الرقم التسلسلي) لدفع رسوم نقل الملكية أو تجديد استمارة المركبة من خلال أجهزة الصراف الآلي أو من خلال مواقع الانترنت الخاصة بالبنوك المقدمة للخدمة.


المعلومات التي سوف تحصل عليها في حال كنت تملك المركبة:

- تأكيد بأن صاحب الهوية هو المالك للمركبة
- نوع لوحة المركبة
- تاريخ انتهاء الاستمارة
- عدد ملاكها السابقين
- رقم هيكل المركبة
- الرقم التسلسلي للمركبة

المشكلة في قطع الغيار صعب تحصل له

Momez كم ياخذون على هذه الخدمه

كم الرقم الي ترسل اليه 
حقت الخدمة

تسمع كلامي  انا عندي ماركيز ٩٦  اقسم بالله  قوي بودي مكينه راحه  اقتصادي في البنلزين بالصلاه عالنبي ماشا الله لقوه الا بالله العلي العظيم  روعه توكل على الله وقطعه متوفره وببلاش  ولاتشاور