أضف سؤال أو موضوع جديد          

تجربتي في تغيير بواجي الإكسبديشن 2008

up 9 down 4
Abu Tariq 16 1086
قبل 6 سنه و 10 شهر



بسم الله الرحمن الرحيم
السلام عليكم ورحمة الله وبركاته
كيفكم أخواني إن شاء الله دوم بخير




اليوم ولله الحمد قمت بتغيير بواجي الإكسبديشن موتر الوالد الله يحفظه
السيارة إستيراد من إمريكا وأول صيانه لها هنا بالسعوديه ولله الحمد لم أواجه أي مشاكل
بالبدايه ترردت في التغيير والسبب الخوف من إنكسار البوجي داخل السلندر
ودورت في ورش كثير وشغل اليد يبدأ من 250 ريال إلى 1500 مع ضمان إستخراج البوجي في حالة إنكساره لا قدر الله 
رحت عند أكثر من واحد واستقريت على أبو 250 بضمان إستخراج البوجي في حالة إنكساره لا قدر الله
وتم شراء البواجي من محل قطع الغيار بسعر 270 ريال أصلي وكالة 
ووجدت البواجي نفسها بالضبط في توكيلات الجزيرة عندنا بالطايف بسعر 370 ريال أصلي طبعا
ولله الحمد تم تغييرها جميعا ولم أواجه أي مشكله 
وجرأ الحديث بيني وبين الفني ممتاز جدا من الجنسيه التركيه قال :
أن المشكله هذي وهي مشكله إنكسار البوجي داخل السلندر المشكله تم تلافيها في موديلات 2008-2014
المشكله موجوده إلى الآن في موديلات 2004-2007 بسبب تغيير المكينه لأن موديلات 98-2003 نفس مكينة الفورد الفكتوريا أو الماركيز أو التاون كار أو الموستنق مكينه 4.6 لتر
وأيضا شغل الفني الي بيشتغل على السيارة وخصوصا في إماله اليد وهي تؤدي إلى إنكسار البوجي على طول وأيضا الإستعجال في الفك من أسباب إنكسار البوجي
لازم عند فك البوجي وضع اليد يكون مستقيم وأيضا الفك بكل هدوء لضمان إستخراج البوجي سليم وقبل ذلك يجب أن يبرد المحرك قليلاً وإضافه بخاخ الصدأ قبل البدء بعمليه الفك ...




حبيت أنقل لكم تجربتي في تغيير البواجي وأي واحد متردد يطبق النقاط الي وضحتها وبإذن الله ينفك معاه سليم




تحياتي لكم وآسف على الإطاله 




دمتم في رعايه الله 




....ّ~







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


موضوع ممتاز خصوصا مشاكل البواجي كثيرة والي يبي يقوى عزم موتره يغير البواجي 


up 1 down 0
جيت بنتحر قالوا عوائل 27
قبل 6 سنه و 10 شهر



يعطيك العافيه +1


up 1 down 0
بو مدى 165
قبل 6 سنه و 10 شهر



الله يسلمكم شرفني مروركم

^__^


up 1 down 1
Abu Tariq 16 1086
قبل 6 سنه و 10 شهر



250 تغير بواجي 

  ويقولو الاكسبدشن   يكد   ومو حساس

انا الكامري 10 ريال  شغل يد تركيبهم


up 2 down 6
مستر12 900
قبل 6 سنه و 10 شهر



يعني إذا كان شغل يد تغيير البواجي 250 خلاص السيارة ماتكد وحساسه أول شئ شوف مكان البواجي بعدين تكلم
ودام تركيب بواجي الكامري ب 10 ريال ليه ماتركبها أنت وتحط الـ 10 بجيبك ... 


up 8 down 1
Abu Tariq 16 1086
قبل 6 سنه و 10 شهر



صادق يابو طارق

ومايحس بهذي المشكلة الا اللي غير بوجي اكسبيدشن لهذا الموديل

لا واعرف ميكانيكي اذا انكسر البوجي وهو يركبه ياخذ منك 300 عشان يطلعه

لكن اشوا ان شركة فورد تلافت هذي المشكلة في الموديلات الحديثة



up 1 down 0
أبو يزن ٩٩ 3182
قبل 6 سنه و 10 شهر



حياك أبو يزن
أي والله صادق وفعلاً حصلت ميكانيكي يأخذ 300 عند إنكسار البوجي
الحمد لله أنهم تلافوا هذه المشكله ومن حظي إلا كنت باخذ موديل أقدم شوي




شاكر لك مرورك ..



up 0 down 0
Abu Tariq 16 1086
قبل 6 سنه و 10 شهر



مشكور يا ابو طارق

كنت سابقاً ناوي اشتري اكسبيديشن ولما سألت حذرني واحد من مسألة البواجي في موديلات 2005 - 2007 وقال لي لو لقيت نظيف اعمل حسابك ما تغير بواجي إلا في الوكالة حتى يتحملوا هم المسؤولية


up 1 down 0
أبو عبادة 4852
قبل 6 سنه و 10 شهر



العفو يالغلآ ماسوينا إلا الواجب
ممتاز أنك أنتبهت لهذي النقطه عشان ماتتورط بعدين بس برضوا الطريقه الصحيحه للفك موضحها بالموضوع
شاكر لك مرورك ..


up 0 down 0
Abu Tariq 16 1086
قبل 6 سنه و 10 شهر






up 0 down 0
ابو فهد 1980
قبل 5 سنه و 8 شهر



ياليت تزودنا بعنوان الورشة لاني في امس الحاجة له تكفى والله يجزاك خير او تواصل معي ع الجوال لاني ما ادخل هنا 0552882976


up 0 down 0
ابو فهد 1980
قبل 5 سنه و 8 شهر



كيف في 2007 ينكسر و2008 لا؟!
من 2007 الى 2014 نفس المكينه ماتغيرت الا في 2015


up 0 down 0
ابو زهره 702__
قبل 3 سنه و 8 شهر



مشي حالك يابو زهره.. شعب ماله حل.. لو يبنشر الكفر مايعرف يفكه ويغيره.. قسما بالله يافيه عندنا ناس فيها جهل مطبق ولا يعرف ابسط ابجديات الميكانيكا المفترض ان اي رجل يقود سياره يكون ملم بحاجات كثيرة في المكيانيكا


up 0 down 0
ah632mad
قبل 3 سنه و 6 شهر