وانيت جديد من شركة فورد هل ينجح وش رايكم

شويخ من أرض مكناس 2822
قبل 10 سنه و 5 شهر

السلام عليكم
نقاش اليوم عن هذا الونيت الجديد من فورد
بعد مقارنه وتجربه لي مع الدي ماكس
ترددت في شراء الدي ماكس لاسباب كثيره
منها القومه ثقيله جدا
العزم فالطعوس قوي جدا وشايل حيله
بس فالخطوط العزم طايح وهذا طبيعي من الديزل لان عدد التورك فيه اعلى من الاحصنه >>> مدري ليه ايسوزو متمكسه بالمكينه القديمه رغم ان الشكل متغير
الدي ماكس عن تجربه ينقصه زيادة حجم المكينه لان 3.0 ماتنفع لواحد حق خطوط
للاسف لا فيه اي بي اس ولا اير باق للفل كامل سياره 2014 ب95 وهذي مواصفاتها !!!
مكينته 3.0 لتر على 138 حصان

الان فورد بتنزل وانيت ديزل وبصراحه ابداع في القمه
المكينه
5 سلندر 3.2 لتر و 200 حصان فررررررق كبير عن الدي ماكس
من ضمن المواصفات
دفلوك
انظمة تحكم بالجر
السياره مجهزه بغطاء على الصندوق ينفك بالسحب ويتقفل
حساسات وكميرا اير باقات اماميه اي بي اس
القير 6 نمر
نظام الدبل على كيفك تقدر تشغله على اي سرعه بدون لاتوقف
المقاعد اللي ورا مساحتها كبيره مقارنه باي سيراه بنفس فئتها
فلتر الهواء مرتفع بحيث يعطيك مجال تخش فالمويه بدون لايطفئ

رحت للوكيل لقيته واقف برا
سئلت عنه طلع الموظف مايدري عنه ولا عن مواصفاته يقولي 4 سنلدر ؟
قلتله تراه 5 سلندر
قال اصلا مو للبيع الشركه جايبه واحد فقط والناس دائما يسئلون عنه ولاعندنا عنه اي معلومه حتى الاسعار محد يدري عنها
وقفته على الطبيعه كئنه جمس شكله ضخم
الشكل الخارجي سبورت رياضي
احتمال ينزل في 2015
الاستاندر موجود قيمته 82 الف

فيه نوع ثاني مكينته 2.2 ديزل و150
الدي ماكس مكينته 3.0 ديزل و 138 !!!

https://www.youtube.com/watch?v=UlAcycaw6Wg

https://www.youtube.com/watch?v=w1cRLbk0xV8

https://www.youtube.com/watch?v=Pvp09saPcng