أضف سؤال أو موضوع جديد          

تجربتي البسيطه لفورد فيوجن 2012

up 15 down 1
فكوك 1679
قبل 4 سنه و 9 شهر





السلام عليكم ورحمة الله




أعرض لكم تجربتي المتواضعه لفورد فيوجن ٢٠١٢ نص فل




وأعتذر عن عدم وجود صوره حقيقيه لها




استخدمتها كم شهر وطلعت بإنطباع بسيط








المميزات :




١- عزل ممتاز مقارنه بالياباني ، ولاتنسون ان سعرها ٦٧ الى ٧٢ الف
يعني بالمختصر ماأتوقع تلقى سياره بهالقيمة المنخفضة وعزلها مرضي بنفس الوقت ! 
زي الفيوجن 
الموتر يخليك لاإراديا توصل ١٥٠ بدون ماتحس بأصوات الوشوشه وخلافه



٢- صرفية البنزين اقتصاديه علما ان المكينه ٢.٥ اربع سلندر وفيها حقها من النشاط 




٣- سعرها منافس 




٤- شكلها كشخه بصراحه ، خصوصا لاصار اللون غامق




٥- ميزة mykey من فورد ، باختصار بعطيكم ميزة وحده فخمه
السيارة معها مفتاحين 
الأول معك ، وتبرمج السياره كل شيء مفتوح فيها زي السرعه مثلا
المفتاح الثاني عطه اخوك او ابنك المراهق الله يحفظة
وبرمج له السرعه على ١٥٠ فقط
وبرمج له صوت المسجل مايتعدى النص عشان مايزعج العالم !!




هذي الميزه اول ماشفتها كانت بالبورش
لدرجه تبرمج المسجل على اي قصيده تبي وزنية المراتب حقتك اللي هي غير وزنية الوالد مثلا !




ماعلينا       كنت شطحت شوي ههههههه




٦- السيارة واسعة خصوصا بالخلف ، أشوفها اوسع من الماليبو وربما الكادينزا
والمازدا ٦ ، لكن ليست اوسع من الكامري     بس لاننسى فرق السعر والمواصفات ( :








العيوب :




١- ماأدري هي عيب حقيقي ولالا ، لكن اللي متعود على الياباني من زمان ، راح تزعجه انذارات
السياره نوعا ما ، لكن حسب ماسمعت أنك تقدر تلغي الانذارات بالاعدادات




٢- فتحة البنزين لها مفتاح صغير ، قد ضاع المفتاح وكان البنزين قليل وتوهقت ، رحت لمحل مفاتيح وولف لي مفتاح ، وقال لاعاد تقربني هههههه
بصراحه هالحركة أشوفها نوع من التعقيد من فورد ، المفترض يبيعون الفيوجن بدون هالميزة
ووقتها وكالة فورد يبيعون الغطاء كميزة اضافيه




٣- المراتب وسط لاهي قاسية ولالينه ، المشكلة ليست هنا ، المشكلة أن نوعية القماش تنرفز
لأنها من نوعية تخلي اي غرض تحطه فيها يزحللللللق على طول




٤- المكيف مخيب للآمال بصراحه ، أنا مازلت أشوف ملوك التكييف بال ٤ سلندر هم اليابانيين
طبعا مو معناته كل الامريكي خايس تكييفه ، عندك التاهو ٢٠٠٨ عندنا مكيفه رائع
المهم ان التكييف بالليل للفيوجن ممتاز ، بس البلاء بالنهاااار فاشل













بالمختصر : سيارة حلوة ورايقه ومميزة ، أنصح فيها بحالات معينه :
أنك تاخذها وكالة أو شبة وكالة وبتسفيد من سعرها الطايح
واكرفها ٤ سنوات بالكثير ولاتطول معاك بعها




وفي حالة أنك متمسك فيها ، تقدر تمدد الضمان من الوكالة وريح راسك
صح التمديد بياخذون عليك مبلغ كبير ربما
بس لاتنسى انك تريح بالك مع سيارة حضورها بالشارع قليل والناس يتخوفون منها !



وشكرا جزيلا على تشريفكم لموضوعي








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معليش ياشباب ماتوقعت الفواصل بين السطور بتصير هالكبر ههههههههه

أتمنى المنتدى يصير فيه ميزة مشاهدة الموضوع بشكله الحقيقي قبل تنزيله


up 4 down 1
فكوك 1679
قبل 4 سنه و 9 شهر



انا جربت وحده مصدومه صدمه خفيفه كبوت ورفرف وصدام وشمعه يسار

وخذتها بتكسب فيها لاني خذتها برخيص

الموتر حلوو وماعليه بس عيبه الوحيد قطع الغيار

قطع الغيار ماتحصل الا يابالوكاله او بالصناعيه القديمه ببعض المحلات

لان محلات القطع الغيار اللي متعود اشتري فيها لسيارات اللي اتكسب فيها

ماحصلت عندهم الافحمات للموتر بس

فااكبر عيب للموتر لاصدمة سعر قطع غياره غالي والموتر مايستاهل هل قيمة قطع الغيار الغاليه والمبالغ فيها

قطع الغيار اكبر سبب وعدم توفر بعض القطع الا بالتشليح

طبعا هذا انطباعي من واقع تجربتي لهل الموتر والله لايعوده من موتر

الموتر اللي مايريحني بقطع الغيار ولااحصل له بسهوله مااسميه موتر


up 2 down 2
amear 1335
قبل 4 سنه و 9 شهر



ماتنفع طالما انها قطعها تبهذل راعيها...



up 1 down 1
أبو خالد 333 297
قبل 4 سنه و 9 شهر



والله ياخوي هي مع عمي موديل 2009

والا الان ما شاء الله عليها

وانا سألته عن العيوب

يقول قطع البودي هي اللي غاليه حيل
واما قطع الميكانيكا اشوفها متوسطه السعر
والمكيف لك عليه بالذات في الظهر لأنه في جده


up 2 down 0
mgnonk_702 597
قبل 4 سنه و 9 شهر



^^^ تعديل
والا ## والى


up 0 down 0
mgnonk_702 597
قبل 4 سنه و 9 شهر



أمير كلامك واقعي

بس أحب أقولك شغله 

اللي بيستخدم ممتازة وحط أفضل تأمين والحمدلله الحافظ الله

هي حسب ماقرأت بالمنتديات قطع البدي غالية ، والقطع الاستهلاكية متوسطة


up 1 down 0
فكوك 1679
قبل 4 سنه و 9 شهر



^^^

المشكله يالغالي ماهي زي التويوتا والهونداي تحصل قطعها بسهوله

بس محلات قطع الغيار تحصل بس فحمات واقمشه وزيوت قير ومكينه بس

الرفارف والصدامات والاشياء الداخليه بالسياره ماراح تحصلها بسهوله

تعبت جدا بترقيع الموتر من تشليح حاير الى محلات الصناعيات حتى قدرت ابيعه سليم

يعني لو قلنا من تنافس من فئات هل السياره

مثل الكامري والسوناتا تحصل قطعهم بكل مكان هونداي وسهله جدا

لاكن الدنيا ناخذ منها دروس

انا اقول الموتر مافيه عيب الا قطعه فقط تتعب فيهم جدا لو قطعه تحصلها بااي محل قطع غيار كان نقول

الموتر ماعليه كلام وغلا قطعه النقطه الثانيه الصدام الامامي يوصل لفوق 1500 ريال ليه ؟؟


up 1 down 0
amear 1335
قبل 4 سنه و 9 شهر



القطع الخارجية شيء متوقع تكون غالية 

ويبقى صعوبة وجود القطعه هي اكبر مشكلة




up 0 down 0
فكوك 1679
قبل 4 سنه و 9 شهر



اش رايكم في الجديده 


up 0 down 0
الله ييسر كل معسر 79
قبل 4 سنه و 9 شهر



صراحه انا ركبت مع واحد من اخوياي من جيزان لجده على فيوجن السياره رهيبه جدا عزلها كفوو مكيفها شبه ممتاز بس الي لاحظته نورها تعبان الواطي والعالي ضعيفه نوعا ما بس صراحه تستاهل سعرها .. وانا اتوقع معظم سيارات الفورد مشكلتها النور من الفورد والتورس والاكسبلور والاكسبدشن .... الخ


up 2 down 1
mosfer alyami 771
قبل 4 سنه و 9 شهر



معليش فيه امور ما اوافقتك فيها انا معي فيوجن 2012 مشت معي اكثر من 37000 

ومراتبها سيئة جدا بالذات في الصيف ومع حرارة الشمس في اوقات القايلة وسواقتها بصراحة متعبة بالنسبة لي


up 0 down 0
وليد202 103
قبل 4 سنه و 9 شهر



المازدا 6 اوسع من الخلف


up 0 down 0
mdfusion
قبل 3 سنه و 4 شهر



كل شرحك على سيارة صحيح
المشكله.الوحيده قطع غيار خارجي لي سنه ادور على صدام امامي

اللي يعرف فين احصله بسعر رخيص يتواصل معي تكفون 0557987587


up 0 down 0
أحمد ابو ريفان
قبل سنه و 6 شهر