بعض قصصي وتراها ذي المره طويله
13
7
إضغط هنا للإخفاء
بسم الله الرحمن الرحيم ....
اخبار الشباب عساكم بخير > ادري انكم نايمين ..... ^ _ *
والله يا حبايبي اليوم مدري وش فيني مني راضي ارقد قلت دامها سهاري مالنا الا موقعنا وحبايبنا .
المهم بقولكم كم قصه صارتلي يمكن بعضها يضحككم وبعضها يمكن تقولون اني مستلج بس عوافي
الدنيا دروس > فيس يسلك لنفسه
القصه الاولى :
في رمضان السنه الماضيه طلعت مع الشباب وبعد ما سهرنا وجاء وقت السحور المهم مشيت انا واخذتلي
من مطعم محترم شوي يعني مو محترم بالعربي حق ( مطفرين ) بس محترم هاذي مافيها كلام ، المهم
بعد ما اخذنا الطلب الا خويكم ماشي في مخطط فيه اراضي فاضيه وكبيره ومسوين حولينها ارصفه
فهمتو علي يعني ارض فاضيه المفروض انها مقفله من جميع الجهات بس الشعب الايطالي مسوينها
على انها مخرج او اختصار للطلوع على الطريق العام المهم خويكم جالس يتسحر باقي على الفجر يمكن
نص ساعه المهم وانا جالس اكل وقفت وسط الارض هاذي ( الطريق المختصر ) مدري وش طب الفكره في
راسي اني انقز الرصيف واطلع على الشارع العام كان يمديني ارجع ريوس بس ذاك اليوم عابطت نفسي
وقلت يمديني انقز الرصيف المهم والله يا شباب اني يوم قربت اطلع من فوق الرصيف شفت الازفلت مررره
قريب ويوم طلعت الكفرين مدري وش خلاني انطلع السياره بالعرض يعني ( تنزل الكفرات الثنتين الي قدام اول )
المفروض تنزل الكفرين اليمين اول يعني ( الكفر اليمين الخلفي والكفر اليمين الامامي ) بس خويكم مندمج مع
السحور المهم نزلت السياره واسمع صقعه قويه تحت المقعد اول شيء خطر في بالي اني ( تعلققتتت )
وطبعا يوم نزلت اول شيء قعدت اضحك على غبائي بس انا ذكي هاذي مافيها كلام .
المهم وارجع السياره كملت سحوري وقمت احط السياره مره بالريوس مره بالD مافي فايده
المهم ويجونا ناس الله يجزاهم خير حاولو معي ما رضيت تطلع طبعا اكثر الي وقفولي
بعد السلام والتحمد على السلامه ( اول سوال (( وش علق هنا )) ) طبعا انا اعطيها وضعيه اني كنت مني منتبه
وصار الي صار والحمدالله المهم وبعد محاولات عديده ما رضيت تطلع شبر واغلب الي وقفولي معهم سيارات صغيره
وانا سيارتي كبيره ما تقدر الصغيره تسحبها .
المهم وادق على خويي واكلمه واقوله كذا كذا وقالي يتسحر ويجيني قلتله يبن الحلال باقي على الفجر ربع ساعه
وانا عطشان جبلي ماء معك لان مافي بقاله قريبه مني قلي طيب ، المهم وانا استناه جاتني دوريه * - *
قالي وشبك معلق هنا المهم انا سكت لاني متفشل من ذكائي المهم بعد ما انقلع قصدي روح ، خوينا
جاء لخويكم بعد ما اذن والي يقهر اكثر من كذا انه ما جاب ماء نظرت فيه قلت كويس انك جيت ما سحبت علي
قلي وش معلقق هنا طبعا نظرت فيه وقلتله اشغلني الجوال قالي اما عاد الجوال خلاك تتعلق برصيف
قلتله عاد ولا ثمود طبعا يوم قلتله اياها كان بيفك الشنطه حقت الجمس حقه وينزل الحبل ناظر فيني
وقفل باب الشنطه وقالي اصلا انا ( @*%$ ) > كلام مشفر ) اني جيتك قلتله امزح معك يا خي المهم بعد ترضيات
واقناع رضى يساعدني المهم ونزل خويي تعرفون العفريته الي في البناشر اللي تكون بكفرات وتكون من حديد
خويي معه زيها بس صغيره على قده المهم ونزل العفريته ذي ونحطها تحت الشاص من قدام ونرفع نرفع
الين السياره ارتفعت شوي عن الرصيف ونرجع للجمس ونربط السيارتين بحبل خويي يمشي على قدام وانا بالريوس
المهم وقف شايب الله يجزاه خير وقعد وحنا نحاول نطلعها بعد ما سوينا الحبال الي طلعت طبعا ولله الحمد
المهم نزلت اتشكر الشايب على وقفته الا وخويي يصرخ السياره السياره واطالع سيارتي لقيتها تتدردب
بشويش جهة الرصيف المهم خويكم عطاه سبرنت للسياره وامسكها بفرامل على حافه الرصيف وارجع ريوس واوخرها
بعيد شوي واطالع في الجلنط وطلع انه مرتخي حتى وانت شاده للاخير والحمدالله عدت على خير .
المهم روحت اليوم الثاني للورشه وانزل تحت السياره اشيك صارلها شيء ومن فضل ربي علي ان ما صارلها
شيء مشاءالله عليها مع اني كنت متوقع انها تعدمت بس الحمدالله .
القصه الثانيه :
قبل امس واقف بمحطه بنزين على اذان العشاء وقدامي يمكن حول ال3 سيارات المهم واستنيت الي خلصو وجا دوري
الا راعي المحطه يناظر فيني ويقولي ( سديق بنزين مو هنا جهة ثاني ) قصده مكان التانكي في الجهة الثانيه
الا اناظر في خويي ويناظرني وانفجر ضحك ويقولي ايش النوع الي متعاطيه .
طبعا ما ضحك خويي الا اننا واقفين سرا من اول والجهه الي فيها التانكي حقي فاضيه ولا فيها احد .
طبعا ي اخوان نصيحتي انكم ما تسوون زي خوينا الغبي ( بس هو نرجع ونقول هو سوا غباء بس هو
ذكي هاذي مافيها نقاش ) وتنقزون ارصفه ولو رجعت دربي ومشيت من وسط المخطط ما كان صار الي صار
بس الحمدالله اولا واخيرا .
وحاب اذكركم ي احبابي ان اليوم جمعه وباقي شوي على الفجر صلو بعدين ارقدو.
ملاحظه : اعتذر عن الاخطاء الاملائيه الناتجه عن السهر ولا تسهرو ترا السهر مو زين .
بس يمكن يطلع موبايلي امزح امزح .
في امان الله يا حبايبي .
اخوكم : ابو توفيق
إبلاغ
الردود
الله يستر عليك
2
0
1
0
0
0
بالنسبة القصة الأولى...مافي مشكلة تجرب الطرق المتاحة علشان تتورط وتاخذ عبرة لك وحنا شعب الإيطالي نحب التجارب
والمجازفات والتحديات ونسوي دراسات وابتكارات من هالمجازفات -أما هذه قوية جدا جدا-...وأكيد السحور خلتك عبيطُ
والقصة الثانية...مشكلة مكان التنكي تضيع فيها..في طريقتين:
إما تطالع امبير البنزين بأي سهم -اللي هو مكان فتحة التانكي-
أو الله لا يهينك قبل ماتروح تعبي بنزين تحفظ مكان التانكي بتاعك
قبل 9 سنه و 10 شهر