أضف سؤال أو موضوع جديد          

قصتي وتراها شوي طويله

up 19 down 1
abo tawfiq 372
قبل 7 سنه و 4 شهر



بسم الله الرحمن الرحيم ..

والصلاه والسلام على اشرف الانبياء والمرسلين ..


اخبار الشباب عساكم بخير وان شاء الله اجازه سعيده للكل .

حبايبي  اليوم بنزلكم موضوع عن مشكله صغيره بس اذا اهملتها ممكن تسويلك مشاكل بالسياره 

وصراحه كان ودي انزل الموضوع من زمان بس صارت ظروف وما قدرت انزله ومن باب كمان اني اتاكد 

ان المشكله انتهت ولله الحمد .

القصه ي حبايبي قبل كم شهر تقريبا كنت انا وواحد من الشباب جالسين نسولف وسيارتي كانت شغاله 

^ شغاله ولا سواق    امزح امزح لا تسكر الموضوع دعابه يا اخي ، المهم مشيت الا اسمع خويي يقولي سيارتك 

تحتها في بقعه مويه ماهي كبيره مره ولا صغيره يعني الي يمشي يشوفها قلتله مهي من عندي قلي قدم السياره شوي

والله وقدمتها وخليتها شوي وبعدت عن المكان الا في بقعه مويه والله واشغلك الكشاف وانزل تحت السياره ادور من 

وين تنزل المويه ما لقيت واطلع افك الكبوت واطالع في الرديتر وفي ليات المويه مافي شيء وحنا جالسين ندور

تذكرت يوم اني غيرت الزيت لقيت مويه الرديتر ناقصه مره على غير العاده واعبيها مويه مقطره ومشيت 

المهم قلت لخويي امش معي شكلها في صرفده والحمدالله اننا كنا بالليل لو بالصبح كان سحب علي وسحبت عليه 

واروحلك لاقرب ورشه واظنهم والله ما اذكر انهم كانو بيقفلون الورشه قلتله دقايق بس وانزل تحت السياره وبالكشاف ادور

ادور مافي شيء وخويي نزل يدور ما لقى شيء المهم طولنا تحت السياره الا اليماني يقولنا ياله بنسكر المحل 

قلناله طيب الحين الحين  ولو انه ما قلناله كنت افكر نلعب بلوت تحت السياره مع اني ما اعرفلها بس يا اخوان 

السياره فلسعت فينا المهم ونطلع ونرجع البيت وقلت لخويي من اصبح افلح بكره ان شاء الله نشوفها .

اليوم الثاني فكيت الكبوت ادور يمين يسار توقعو من وين لقيته يهرب ابن اللذينا ؟؟؟؟؟؟؟؟؟؟؟؟

لقيت لي صغير يمكن طوله طول اصباعي مشقوق هاذي صورته ..

اللي مكتوب عليه ( EPDM ).

هاذي صورته بعد التغيير القديم كان مشقوق .

المهم واقفل الكبوت واروح لورشه واحد اتعامل معاه وقالي وش اسم اللي ذا واظن والله اعلم انه حق المكيف الحار 

بس مني متاكد منه لان القصه صارلها كم شهر المهم واروح قطع الغيار واعطاني لي اثخن من اللي ذا المهم

شكيت في الوضع وطلعت من المحل وفكيت الكبوت واحط اللي الجديد جنب ذا الي في الصوره واعطيها نظره HD

والا الفرق جدا كبير بينهم وارجعله واقوله ويطلع معي ويشوفه ويقولي والله اللي الصغير ذا مو عندنا روح فرعنا الثاني 

وان شاء الله تلاقيه المهم واروحلهم قالو لازم طلبيه قلت من جدكم طلبيه تراه لي صغير جدا ما توصل لدرجه انه طلبيه 

المهم طالعني راعي المحل وقالي يمكن انت اول واحد تجي تطلبه لان صراحه ما قد جاء احد وطلبه لانه على كلامه 

نادرا ما ينشق هاللي قلتله ياخي ربي مقدر انه ينشق عندي حسسوني انه مكينه مو بلي المهم قالي ابشر اطلبلك اياه 

ومرنا بعد يوم مدري يومين المهم واروحلهم واخذه وارجع عند البيت وافك الكبوت طبعا بعد ما السياره صارت بارده

وبدينا بالكلبسات ونفكها شوي شوي عشين ما تنكسر وبدينا نطلع اللي شوي شوي الي طلع معنا واجيب اللي الجديد 

( الي بالصوره ) واحطله شوي زيت عشين ينشبك وما يقعد يعك والحمدالله شبك معنا المهم يوم ركبته خويكم الذكي 

طلع اني مركبه بالمقلوب طبعا بتقولون وش عرفك انه مقلوب لانه كان واضح جدا من جهة انه مره قصير عليها 

ومن جهة ثانيه طويل وزايد عن الماصوره الصغيره الي مشبوكه فيه وارجع افكه واركبه صحيح والحمدالله زبط معنا 

بس لاحظت انه مو نفس اللي القديم القديم كان واصل الي الخط الاخضر الصغير الي على الماصوره الي من جهة الكلبس 

العلوي بس هاذا لسا باقي مسافه شوي بس الحمدالله زبطناه لا يهرب ولا شيء المهم بعد ما سويناه اللديتر ما كان 

ينقص ماء ولا شيء .

طبعا يا شباب انا بنزل صورتين الصوره الاولى ( اللي ) مكتوب عليه EPDM

والصوره الثانيه اللي التخين الي عطاني اياه محل القطع وما طلع هو والحمدالله اني انتبهت وشوفته بنفسي .


طبعا يا شباب يمكن في بعضكم يقول اللي ذا جدا صغير ومو معقول يهرب ماء كثير بقولكم صح انه ما يهرب ماء

كثير في اليوم لكن لو خليته اسبوع يمكن اللديتر ما تلاقي فيه قطره ماء فعشين كذا لا سمح الله وصارلكم هالشيء 

حاولو تصلحوه بسرعه وبيني وبيني الشغله ما اذكر انها اخذت مني ولا حتى 70ريال اللهم قيمه اللي والزيت 

زيت قديم حاطه في الحوش والمفكات واغلبكم عندهم مفكات.

المهم تجربه وان شاء الله تستفيدون منها طبعا معليش نسيت اقولكم السياره اكسبلور 2006 امريكي

6 سلندر لان  ممكن ال8 سلندر تختلف الليات فيه . 

سامحوني على الاخطاء الاملائيه .

ونشوفكم على خير ان شاء الله .

اخوكم : ابو توفيق ...










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله اخر الخرابات ان شاء الله 


up 1 down 1
sehly11 648
قبل 7 سنه و 4 شهر



أفضل شي أنك أشتغلته بنفسك


up 1 down 1
aabody12122 161
قبل 7 سنه و 4 شهر



تجربه موفقه والاحسن من ذا كله انك سويتها بنفسك

وبالنسبة ان موضوعك طويل فإنت شكلك  ما شفت مواضيع
حبيبنا ابو يزيد الله يحفظه ويبارك له ما شاء الله مواضيعه طويله ولكن 
مسليه ويعيشك الجو 


up 1 down 1
hamodyaz 179
قبل 7 سنه و 4 شهر



شكرا الله يجزاك خير على هالتوضيح


up 1 down 0
تويوتا.الشمال 1
قبل 7 سنه و 4 شهر



والله مو معقولة سبحان الله لسى دوبها سيارتي كامري 2004 ارتفعت حرارته فجأة للأتش وادور واحوس طلع اللي مقطوع واللي نفس 
الي يهرب من عندك كل لما احط موية باقل من 5 ثواني تنزل على الارض الين وقفتها وروحت بتاكسي والحين راح اخوي هوا وقريبي يشوفوها


up 1 down 0
صهيب أحمد 31
قبل 7 سنه و 4 شهر



اي طويلة اله يجزاك خير
ما شفت  قصص ابو يزيد 
ما شاء الله تبارك الرحمن كانك تقرا جريدة الرياض


up 1 down 0
صوت العزاوي 523
قبل 7 سنه و 4 شهر



الاحسن في موضوعك انك اعتمدت على نفسك

وخصوصا في الامور البسيطة مثل مشكلتك هاذي

لانك لو رحت لمكانيكي
بيسوي ابو العريف وياخذ منك مبلغ وقدرة على شي بسيط جدا .


up 1 down 0
كيف الحااااال 103
قبل 7 سنه و 4 شهر



اهلين اخوي
-(جزاك الله خير على الموضوع والتقرير و (التنبيه) للاخوه واستمر يبطل لا توقف)
والله يعطيك العافيه وشكرااا لك


up 1 down 0
صديق المنتدى 367
قبل 7 سنه و 4 شهر



احسنت تشوف الكوع الاسود اللي يتصل فيه اللي ويحتوي على بلف الحرارة هذا دايم يتعطل اغيرة كل سنه مع البلف لانه تعطل علي مرة في طريق خلاء وعرفت ان الله حق انتبهله بالله 


up 0 down 0
samy5689
قبل 7 سنه و 4 شهر