أضف سؤال أو موضوع جديد          

هذا نظام المرور عن التظليل .. شيل التظليله لو سمحت

up 7 down 0
شكلين مابحكي 3160
قبل 7 سنه و شهر



 كشف حساب  خدمات المرور بموقع التواصل الاجتماعي "تويتر"، عن ضوابط تظليل السيارات؛

 حيث بيّن ضرورة ألا يكون التظليل من النوع الذي يحجب الرؤية أو عاكساً للصور على هيئة مرآة ولا يحمل أي زخارف أو نقوش، وأن يكون من الأنواع الخفيفة المسموح بها داخل المملكة التي لا تلحق الضرر بالإنسان والبيئة.
 


وأوضح الحساب: "غير مسموح بتظليل سيارة الأجرة العامة "الليموزين"، وسيارات التأجير اليومي "RENT CAR"، وسيارات السبور "باب واحد"، التي لا تتسع إلا للسائق والمرافق، وإذا كانت بها مقاعد خلفية ولها زجاج منفصل فيسمح بتظليل ذلك الجزء الخاص بالمقاعد الخلفية، ومركبات نقل البضائع، إضافة إلى الحافلات التي تعمل بأجر داخل المدن".




 
وأشار إلى أن  السيارات المسموح بتظليلها، هي: المركبات التي لها قمرة قيادة "غمارة" ومقاعد خلفية وأبواب جانبية أو خلفية ومخصّصة لنقل الأشخاص، ويسمح بتظليل شفاف يمكن من خلاله رؤية مَن بداخل المركبة بحيث تكون شفافية التظليل لا تزيد على المتعارف عليه محلياً بــ "زيروتو - 02"، ويقتصر وضع التظليل على الزجاج الجانبي للمقاعد الخلفية، ولا يسمح نهائياً بوضع أي تظليلٍ على الزجاج الأمامي والخلفي للمركبة في جميع الحالات.




 
وأضاف :"لا يسمح بوضع أيّ تظليلٍ على الزجاج الجانبي الأمامي للسائق والمرافق في غير الحالات المرضية.










يعني اللي مظلل عازل من احد الشركات الكبرى ياخذ ورقه انه مسموح  ويحتفض بالورقه

ايضاً ترجع الى تثقيف اغلب العسكر اللي  شايف نفسسه فوووق   يفكر نفسه انه ملك ويأمر وينهي  ولو ترجع لسيارته  تلقاه مخالف

اذا وقفت في نقطه تفتيش  وعطوك مخالفه عشان تظليله     التفت يمين وتلقا سياراتهم مظلله كتتتم    حلال عليهم 

ماغير  مستغلين هالكلمه (  انا من اخوياكم   ،، تعرف  فلان بن فلان اللي  رتبته كذا اللي  ماسك فرقه كذا ؟ )  ايه اعرفه اجل خلاص امش








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكرا على طرحك للموضوع

وعلى العموم الورقة الصفرا فيك فيك ☻ 


up 4 down 1
غريبه الصعيدي -48
قبل 7 سنه و شهر



على الشمس اللي عندنا المفروض يكون استثناء الشهرين الجايات بس 


up 2 down 0
pt 2011 1389
قبل 7 سنه و شهر



ياعالم خافو الله فينا ... الحرارة توصل 50 والمكيف في عز الظهر ماينفع الا اذا كنت مظلل الزجاج الجانبي .... 

اطالب من هالمنبر السماح للسائقين بتظليل الزجاج الأمامي الجانبي 01 ولا يزيد عن ذلك عشان يحمينا من حرارة الشمس ويحافظ على داخلية السيارة من التشقق والتلف ويزيد من كفائة التبريد داخل السيارة .... 

الله يرحمنا برحمته ويباعد بيننا وبين جهنم كما باعد بين المشرق والمغرب ....


up 6 down 0
الـقـنـاص 1210
قبل 7 سنه و شهر



يارجال انا وقفني واحد مرة بطريق الرياض الدمام
المهم ومشبه بين اسم عايلتي وعايلة ثانية
ويقولي انت من الديرة الفلانية ؟
واسلك له ، الله الله
قال تعرف فلان ؟
قلت عز المعرفة
طبعا جبت العيد لاني اكلمه نجدي والرجال يقصد رجال جيزاني
ومشت عليه ولاخالفني رغم اني فاك اللوحة




up 2 down 1
سلطـانـ 214
قبل 7 سنه و شهر



الحمد لله انا مضلل زيرو 2 كامل ماعدا القزازه الاماميه الكبيره ولا احد وقفني

ترا السيارات احيانا النظيفه والبعيده عن الشبهه ما يكون عليها مخالفه وايضا الشخص نفسه ان كان محترم ونظيف في لبسه يمشونه

لكن يجيب واحد مضلل السياره كتم والسياره مغبره ومشغل السكن واذا فتح الشباك لقيته بكعشته كانها مكنسه وريحة الدخان الله لا يبلانا ويمكن يكون مشغل المسجل على طربق طربق

بالله هذا وش رايك فيه

الزخه بمخالفه ونص بعد حتى ولو التضليل زيرو 1

فيه ناس يمشيها وهي مضلله زيرو 2 لانهم محترمين نفوسهم

وفيه ناس زيرو 1 ما يمشيهم

______________


وأيضا ان كان عندك سياره شبهه لا تضلل الا بالتضليل المسموح مثل كابرس او كامري

اما لو عندك سياره بعيده عن الشبهه عادي ضللها زيرو 2 مثل الجيوب او الجموس

وهذا لمصلحتك لان العسكر يحكمون بالسياره اول شيء

ان كانت ما هي شبهه يحكمون على الوجهه

فأنت اول شيء خلهم يحكمون على السياره انها بعيده عن الشبهه وان شاء الله يمشوك


up 7 down 5
ابو يزيد 000 8712
قبل 7 سنه و شهر



كلها في الأخير ترجع لمزاجية رجل المرور ...


up 4 down 0
أبو العنود 564
قبل 7 سنه و شهر



^^^^ كلام سليم المزاجيه لها دور


up 1 down 0
Abu-Nawaf 338
قبل 7 سنه و شهر



تكلموا عن التضليل 

أجل نحول على الستائر هههههه


up 0 down 0
وعلى نياتكم ترزقون 311
قبل 7 سنه و شهر



مافرحت بالتظليلة ماصار لها الا يومين  وتقابلني نقطة تفتيش ويصكني بمخالفة تظليل يقول لي لو انك مظللها زيرو2 يمكن يمشيك 


بس مظللها كتم صعبه , ققلت له كنت مظلل زيرو 1 وعطيتوني مخالفة يعني كذا ولا كذا هي فيني لذلك خلها كتم ابرك دام المخالفة وحدة 


up 1 down 0
ابو سعود629 4708
قبل 7 سنه و شهر



اهلين اخوي
-(جزاك الله خير على الموضوع والتقرير الرائع استمر يبطل لا توقف)
والله يعطيك العافيه وشكرااا لك


up 1 down 1
صديق المنتدى 367
قبل 7 سنه و شهر



المخفي او التظليل لابد منه ع السياره .. اول شي الخصوصية وثانيا عن حرارة الصيف .. ولكن في شي غريب عدنا .. مسموح المخفي عدنا بنسبة 30% وعادي تركب لحد 60% محد يخالفك ع كل السياره معدا القزاز الأمامي مسموح من اعلى فقط .. لكن اذا ركبت زيرو الي هو الشفاف ع الجامه الاماميه او كل السياره تتخالف ! 


up 2 down 0
بوسلطان 91297 342
قبل 7 سنه و شهر



انا سيارتي كوريلا بوكس عندي قزاز اكثر من السيارات العادية فا متطر اظللهن
لنو ما ينفتح )القزاز الي بين الغمارة الثانية والقزاز الخلفي(

افكر اظلل السيارة 00 من ناحي قزاز السواق والمرافق والقزاز الامامي والخلفي
والجوانب 03الي خلف السايق وورا 

وش رايكم ¿

والمخالفة كم قيمتها 


up 0 down 0
mfs1sfah 70
قبل 7 سنه و شهر



يركزون على السائق والمعاون
انا مظلل الجيب حق الوالد كاتم الشنطة والركاب والمعاون والسائق 01

واشوفها حظوظ والله اعرف واحد مظلل كاتم كل السيارة حتى القزاز اللي بالواجهة ويقول للآن ماحد وقفني ,يوم يمشي شبهة ورب البيت 


up 0 down 0
m11013 923
قبل 7 سنه و شهر



اتوقع الي اصدر هذا القانون الضعيف يتكي الصيف بسويسرا وفرنسا ويرجع بعد ما ينتهي الصيف

مفروض يتم فرض مخالفة على اللي ما يظلل

الحرارة تقفل الأخلاق وتسبب حوادث بعدين يقولوا ليش الحوادث تزيد بس فالحين بساهر


لا دحين يطلعوا لك خفض فاتورة البيت يعزل النوافذ عشان توفير بترول
طيب السيارة نفس الحال فيه 8 مليون سيارة لو كلها تعزلت يقلل جهد المكيف

بس الهدف يصكوا الناس مخالفات

بالنسبة لحجة الامن ترا الي يبي يسوى مشاكل بظلل سيارته كاملة وبسقط اللوحات ماهمه أحد بس الشخص العادي هدفه تقليل الحرارة
مفروض النظام يكون الامامية شفاف زي باقي الدول بما فيها الخليج وأمريكا والجوانب أي شي

الله يصبرنا 


up 7 down 1
almuhands 241
قبل 7 سنه و شهر



الله ينكبهم ع هذي الأنظمه التعبانه طيب والي ساكن في مدينة توصل درجة الحرارة 50 مؤية وش يسوي وراعي الخطوط وش يسوي والشمس بوجهة
الله يخارجنا منهم


up 2 down 0
Abu Tariq 16 1086
قبل 7 سنه و شهر



انا مظلل 02 كل السيارة الى الامامي ولا مره وقفني مرور والحمد الله 


up 0 down 1
آبو تركي1 86
قبل 7 سنه و شهر



وش الفايدة من التظليل إذا بس للأبواب الخلفية وباقي السيارة لا؟!!!! أسوق من المراتب الخلفية مثلاً!!!! حتى منظر السيارة يطلع مشوه نصه مظللل ونصه لا


up 2 down 0
#عبدالعزيزالفارس 113
قبل 7 سنه و شهر



حسبي الله ونعم الوكيل
أولا: التظليل حريه شخصيه
يعني مره كنت واقف عند اشاره وموتري نازل بالأرض جاء جنبي جيب الراكب يتقهوى وفاله ويناظرني ولو احلف بالله انه لو يبي يسنع كعب رجلي من القهر ويناظر وانا ظره مدري وش يبي والاشاره 120 ثانيه اللين انا صديت عنه كني مسوي شي هذا وانا لحالي كيف لو معي اهلي بيجلس يناظر واذا قلتله خير قال اناظر خلق الله وش عليك مني
يعني بيني وبينكم بعض الناس فيها بجاحه ماقول الا الله يصيبهم
واخر شي يقول وشوله تظلل ماتبي الناس تشوفت اجلس ب بالبيت
الأخ يبينا نجلس بالبيت عشانه هو مشفوح ووجهه مغسول بمرق
وغير كذا عندك حراره الصيف اللي تلعب بالأوادم فما باللك بالسيارات
على العموم التظليل انشالله مظللين لو يحطون القسيمه ب1000 شرهتكم على اللي بيسددها

واعتذر عن الاطاله بس والله مغبون


up 1 down 0
راجح المسعري 141
قبل 7 سنه و شهر



كتم جميع القزاز و اﻷمامية تغييم تنفك وتركب لي 3 سنوات و لا عسكري كلمني كل ما خف لون التغييم غيرتها .





الله يستر لا يصيدوني اليوم هههههههههه


up 0 down 0
الكفو 147
قبل 7 سنه و شهر