أضف سؤال أو موضوع جديد          

افضل طريقه لغسيل المكينه واسفل السياره

up 3 down 3
osama.amg 376
قبل 6 سنه و 9 شهر



السلام عليكم

حبايبي انا عندي ونيت فورد F150 2006
وصراحه تعبت عليه لين خليته اخو الجديد
صرفت دم قلبي عليه من تغير ونفض مو صاحي يعني السياره في حاله جدا جدا ممتازه
لكن في مره من المرات وداخل البر اضطريت اني اكسر الدرسكون كامل يمين وامشي طبعا والدبل شغال
سمعت صوت طقه قوية جدا , فصلت الدبل وكملت .. ممكن تساعدوني اعرف الصوت ناتج عن ايش وايش الضرر ؟؟


والموضوع الاهم جدا هو السوال
عن افضل طريقه لغسل السياره من تحت # بستم # وكذلك غسل المكينه من فوق وتحت
هل اي بستم يفي بالغرض ولا لازم واحد يرفع مع الشاصي ؟
لاني لاحظت مغاسل تحط خشب وترفع مع الاذرعه والعكوس وو واحس انها بتعدم السياره لي
والمكينه كيف احسن حل لغسلها ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غسل المكينه من فوق وحده من الاثنين
1-ديزل وصراحه جربته وممتاز يزيل الشحوم والزيوت والاتربه لكن بعد فتره يرجع التراب لان الديزل فيه ماده تخلي التراب يصلق في بطن الموتر

2- فيه طريقه للاخ شاقح شارحها بدورها لك واجيب لك الرابط
عباره عن بخاخ تبخه على الكبوت وبعد دقائق تغسل بالماء و9من 10 من وجهه نظري يعطيك لمعان بالموتر وتنظيف


up 2 down 1
وحش الرياض 2022
قبل 6 سنه و 9 شهر



لا تقرب عن البستم وغسيل المكينه لان الفوردفيها حساسات كثيرة انا عندي فورد اكسبديشن 2005 غسلته بستم القير تصلب علي لو تبي تنظف المكينه نظفها بالهوا فقط


up 5 down 0
sultan9891 593
قبل 6 سنه و 9 شهر



تنظيف المكينه بالهواء المضغوط.


up 0 down 0
latest news cars2012 218
قبل 6 سنه و 9 شهر



جزاكم الله الف خير
وبالنسبه لموضوع شاقح قريته ومقنع جدا


up 0 down 1
osama.amg 376
قبل 6 سنه و 9 شهر



تنظيف المكينه وداخل الكبوت بالهواء المضغوط . فقط لا غير

اذا مكينتك عليها غطاء ديكور بلاستك ممكن تمسحه بقطعه قماش مبلوله بالماء ( بعد عصرها جيدا )

نصيحه لا تغسل المكينه وبستم والخ.. ما راح تستفيد بتغبر بعد فتره قصيره .. وبيسبب لك مشاكل اكثر من نفعه

السيارات الجديده كلها حساسات وأجهزه كهربائيه




up 0 down 0
speed for ever 3682
قبل 6 سنه و 5 شهر



اضف إلى ذلك إنك اذا غسلت المكينه وهي حاره .. تنشعر وتتأثر

والشكمان والهدرز والخ... من الأجزاء الحاره جدا .. اذا غسلتها وهي حاره تنشعر وتتأثر

لأنها تكون حاره جدا جدا وفجأه يجيها ماء بارد مقارنه بحرارة المكينه والهدرز والشكمان

ما أنصحك بغسيل المكينه

واذا جيت تغسل بستم .. خل السياره تبرد .. و خلهم يغسلونها بصابون وماء مضغوط

بدون ديزل


up 0 down 0
speed for ever 3682
قبل 6 سنه و 5 شهر



لا تغسل بستم إلا اذا قالولك الورشه او الميكانيكي .. اغسل بستم عشان يشوف من وين تهريب الزيت مثلاً

أو عشان يشوف اذا راح التهريب

لكن طبعا لسبب مقنع .. مو عشان خايف يتوسخ من السياره

يعني اذا قالولك اغسل بستم أسألهم عن السبب


up 0 down 0
speed for ever 3682
قبل 6 سنه و 5 شهر



في بخاخ ينباع في ساكو..انصحك فيه تنفخ المكينه بالهواء وبعدها تبخ البخاخ ع المكينة وتخليه خمس الى عشر دقايق وبعدها تغسل المكينة بالماء....وتشوف كيف كنها طالعه من الوكاله
....جربتها في بليزر 78 طلعت كنها جديدة




....



up 1 down 0
محمدسراج 53
قبل 5 سنه و 5 شهر



افضل طريقه لتنظيف المكينة رح اي بو ريالين قل ابي ملمع أستيل اسمه موبي يجي لونه فضي او حديدي ب 8ريال بخه وخله 4 إلى 5 دقائق وتمسحه بخرقه


up 1 down 0
azooz.fs -3
قبل 5 سنه و 4 شهر