محتار بين سيارتين

انا اقولك من اللحين

كلهم بيشتمون في الكامري

وعلى فكره كلها قوية التورس والكامري

لكن التورس احسها اثقل وأرسى وماني مجرب مجرد أحساس

للامانة مامتلكت السيارتين. لكن شفت مقاطع كثيرة من سيارات
تويوتا ستاندر ويلفق القطع على اساس فل وبيشتكو من الكامري نقص
الزيت ومشاكل ماتحضرني.وبصراحة ماتشجع. التورس ماقد شفت شخص
ذمها بالعكس يعني من زمان ونا بالمنتدى كنت اشوفها
عادية. لكن اصحابها مرا يمدحوها. وقد ركبتها شكل داخلي
وخارجي ورساوة واكسسوارات رهيبة وجودة حلوة ورساوة وعزل وانظمة الكترونية
لو اتخير اختار التورس ونا مغمض

التوروس وخلك مميز ي بطل ♡ 

في البيع بعد الاستخذام الكامري افضل

الكامري أفضل ولو كنت مكانك أزود المبلغ شوي وآخذ أوريون أو أفالون 

التورس النص فل لاتنسى انها دفع رباعي وخمس نجوم بالسلامه بعكس الكامري اللي اخذ اسواء تقييم في 2012 لدرجة ان السيارات الصينيه اخذت تقييم احسن 

امطروني بالدس لايك اصلا عادي قلت كلمة حق 

والله مافيه مقارنة .. اصلا ذي بفئة وذي بفئة .. 
الكامري بفئة الأكورد والسوناتا والأوبتيما ومازدا 6 .. 
التورس بفئة الأزيرا والأوريون والتشارجر والكابرس والكرايزلر .. 
على العموم لو اني مكانك اخذ تورس وانا مغمض 

لا أنصحك بإقتناء التوروس ، للأسباب التالية :

- الضيق داخل المقصورة.
- مكيف الكامري أفضل.
- قطع الغيار أغلى من الكامري.
- الدفع الرباعي منها فيه عيب (الدبل) وقيمة تصليحه بـ 5000 ريال تقريبا مع الشغل.

طبعا التوروس أفخم من الكامري ، لكــن أنصحك بالكامري للأسباب الموضحة أعلاه.

التورس فعلا افخم لكن سياره جديده ع السوق 

الكامري ما يحتاج مجربه من سنوات

مشكورين ياأخوان علا النصائح 
وبالنسبه السيارة لاخوى مو لى وستقر الامر بعد الاستخارة والبعض النصائح علا كامرى 2014 فل كامل طبعن اقصاد طلع القصد 1431 ودفعه اولى 15 ودفعه اخيرة 19 عن طريق بنك الرياض 

اذا يهمك الامان والرساوة بالذات ارشح لك التورس
وسياره اخرى خارج الموضوع لكن رساوة وعزل مايحتاج الماليبو 6 سرندل سواء فل او استاندر
لان ال 6 سرندل جنوط اكبر وكل ماكبر الجنط  وقل سمك الكفر يعطيك الموتر رساوه افضل 

المقارنة تعتبر ظالمة لان التوروس فئة والكامرى فئة اخى التوروس تقارنها بافولن كمثال

فى مقارنتك بين الكامرى والتوروس - التوروس تتفوق فى كل شىء الا موضوع الصيانة وتوافر قطع الغيار تكسب الكامرى

لو كنت بتشترى جديد فلا فرق فى الصيانة لان ان شاء الله ماتحتاجها اول 5 سنيين

إذا كنت فترة بسيطه وبتبيع خذلك كامري واذا منت من النوع اللي يغير سيارته بسرعه ويحافظ وداخله براسه التوريوس خذها والله 
يوفقك انشاء الله ويعطيك خيرها ويكفيك شرها بس اهم شي تكون دفع رباعي ارسى ونص فل أو فل
 لا تاخذ الاستاندر راح تطفش من
شكلها ومبروك مقدما

اخوي انت جبت سيارتين من فئتين مختلفتين و هنا تكون المقارنة غير متكافئة كأن تقارن تفاحة ببرتقالة
الكامري من فئة ( فورد فيوجن , كيا اوبتيما , نيسان التيما , هيونداي سوناتا )

التورس من فئة ( تويوتا افالون , دودج تشارجر , شفرولية كابرس )

الافضل ان تقارن كل سيارة بما ينافسها من فئتها ... و نصيحتي لك اولا ( استخير الله ) ثانيا ابحث عن المواصفات الاعلى بالسعر الاقل .

التورس تقارن بالافالون
والتورس افضل من الافالون في العزم والرساوة والعزل الهوائي والارضي وبفارق كبير وماراح يلاحظ الا اللي جرب فكيف تقارن بالكامري
وانا معي كامري وسقت التورس اكثر من مرة ولافيه مقارنه اصلا 
التورس متفوقة بمراحل ولا احب التعصب لشركة معينه بس كلمة حق وحبيت اقولها

------
ابواحمد الاسباب اللي ذكرتها غير صحيحة ومشكور على اجتهادك ووجهة نظرك ولكن كشخص مجرب للسيارتين اقول:
- التورس اوسع من الكامري
- مكيف التورس ثلج والله في عز الصيف وفي النهار ماقدرت اتحمله وبالمقابل الكامري احط اعلى برودة وحران
- قطع غيار التورس رحت بنفسي وسعرتها في الوكالة ومعي برنت لمجموعه منها ولاحظت ان قطع الغيار الميكانيكية ارخص من الكامري وقطع البودي التورس اغلى ولكن الفرق بسيط والكامري قطعه مب رخيصه مثل اول واللي يشك بهالكلام يروح يسعر بنفسه وينفجع بالاسعار
- الدفع الرباعي صحيح فيه عيب ولكن صلحوا المشكلة في الموديلات الجديدة
ولو صاحب الموضوع خايف من هالعيب ففيه دفع امامي كذلك ولا فيه اي مشاكل وخصوصًا ان الكامري اساسًا دفع امامي :)

عمومًا ياصاحب الموضوع اذا تقدر ع التورس فلا تشاور وتوكل على الله ورح شف السيارة بنفسك وخذ قيادة تجريبية او استاجرها لمدة يوم وكذلك رح بنفسك شف اسعار القطع وراح تلاحظ كلامي

في النهاية لازم تشوف بنفسك وكلام الناس ماعليك منه حتى كلامي اللي فوق ارمه في البحر ورح شيك بنفسك 
والله يوفقك
 

احد الامثلة على اسعار القطع :
مساعد امامي كامري ٢٠٠٤ = ٥٠٠ ريال - متأكد منه
مساعد امامي كامري ٢٠١٢ = ٦٥٠ ريال - على مااذكر
مساعد امامي تورس ٢٠١٣ = ٤٥٠ ريال - متأكد منه 
والتسعيرة للحبة مب الطقم

لاحظوا الموديلات بس وتعرفون الفرق الكبير بين ٢٠٠٤ و ٢٠١٣ :)
واللي مب مصدق يروح يشيك بنفسه

التورس وانت مغمض--

الرجال استخار وقرر يشتري الكامري

والله يعطيه خيرها ويكفيه شرها

بس مو كأنها كثير طلعت قيمة السياره بـ 120 الف ريال !! اذا القسط خمس سنوات ؟