نظفت حساس ضغط البنزين و لكن السيارة تفتف على خفيف

اخواني اتمنى تدلوني على كتاوت طرمبة البنزين للفورد 2005 و ين مكانها بالضبط 

في انتظاركم

هلا بالأمير
١- حساس ضغط البنزين وهو علي شكل برج وهو المسئول عن ضغط البنزين في مسطرة البخاخات اذا مانفع التنظيف يتغير 
٢- ركز علي حساس الدعسة وعليك تنظيفه
٣- كتاوت طرنمبة البنزين ماله شغل لانه لو فيه خلل بتطفي السيارة ومكانه في علبه صغيرة خلف علبة الفيوزات بالكبوت فتح العلبة سهل فيها كتاوت طرنبة البنزين وكتاوت السلف حق طرنمبة البنزين اللي جهة الراكب
بالتوفيق

مشكورين يا شباب و تم حل مشكلة التفتفة و المشكلة كالتالي :

تفتفته اثناء الوقوف و لما اعشق دي ولا ريوس و لما تبدأ تنطلق السيارة تفتف و ضعف واضح بالعزم كأنها سيارة 4 سلندر

و كذلك المكيف فصل علي و ما يشتغل و طبعا تم تغيير الصفاية و كانت وسخة و انتوا بكرامة ولكن بدون فايدة

الحل : 

فيه كويلين من جهة الراكب أفياشهم مرتخية بمعنى انها مركبه ولكن ما تكبس و تتحرك طبعا حطيت عليهم كلبشة أمريكية و الحمد لله السيارة تمام 

و المكيف رجع اشتغل 

و في الاخير فحص الكمبيوتر طلع ما عندهم سالفه هو يقول منظم ضغط البنزين يعطي بنزين منخفض للبخاخات و لكن الحمد لله ان المشكلة بسيطة 

مشكور كل من حاول مساعدتي و الله يعطيكم العافية