كمبريسر مكيف فورد اكسبلورر وين احصل سعر مناسب

طيب يا الغالي وش نوع الموتر ؟؟؟ عشان نقدر نفيدك اكثر

ماعليش ماشفت الموضوع دخلت على طول وقريت اسف

فورد اكسبلورر 2004

وايش الي لازم اسوية بعد اشتري كمبريسر و فلتر الكمبريسر
وهل فية ي لازم اعدله تنضيف قبل لا يركب
وهل التكلفة كم تكلف العاده

طيب مامريت التشاليح ؟؟؟ تشوف يمكن سعره انزل بكثير من الجديد واذا كانوا متقاربين نصيحة طق جديد والله يعوض عليك ولا تركب شي ويخرب عليك بعدين ترى المكيف علته عله في جميع السيارات اذا خرب

طالما انه موديل 2004 اكيد يحتاج انك تنظف الثلاجة واذا كان فيه فلتر هواء خارجي يبيلك تغيره وبالنسبة للتكلفة ف يا الغالي تركيب وفك الكمبريسر ترى غثيث وصعب وماكلن من يظبطه بس انت اشرط عليه اذا كان التنظيف وكل شي مع تعبئة الفريون ب 800 اشوفها حليوة حاول تكاسره شوي ومايمنع انك تمر اكثر من ورشة تشوف او كهربائي لأن تعبئة الفريون لحاله تأكل 180 الى 200 هاذا غير فك الكمبريسر وتنظيف الثلاجة بس ان شاء الله بيرجع مكيفك مايحتاج

انصحك نصيحة اخوية ابعد عن التشاليح بقدر المستطاع اذا ركبت قطعة من التشاليح ترا كانك مركب قطعه صينيه فترة بسيطة وتخرب القطعة ركب قطعة اصلية وريخ دماغك

فديتكم ما قصرتو

والله يا شباب لي اسبوعين شغال صيانة وما غير اركب جديد و اصلي بختصار دافع فيه صيانة 9 الاف الان خلال اسبوعين
والله طفشني كل ما اصلح شي يخرب شي عناااااااااااااااااااااد


________________

انشاء الله انا بركب جديد جديد . بس الي مستغرب منه الوكالة تبيعة 1800 ريال على كلامة اصلي
والمحل الي برا يبيع قطع فورد وعلى كلامة اصلي ب 1300 ريال
مدري الان محتار وكيف اعرف الاصلي و التقليد درجة اولى

______________________

اخوان انا قبل فترة وانا ماسك خط الدمام كنت المح محل على الخط السريه حق تكيف وتبريد صيانة محل كبيرررر جدا جدا في الخضرية شكلة من ابو اصلي وش رايكم ادفها له هناك

شف اذا مهو مجدد خذه وليه ماتمر شركة دنسو يمكن عندهم شيء يركب على موترك وﻻزم تنظف المواصير والثلاجة والفلاتر ويضيف لك الزيت وتعبي فريون اصلي  

أنا صلحت مكيف موتري مرتين وكلف الكثير وشهر ويخرب

رحت لهندي قال غيرت الاديتر قلت لا قال مافيه فايدة

الاديتر وسخان ولايمكن تنظيفه والوسخ اللي بداخله يروح للكمبرسيور ويخربه

يعني غير كمبرسيور+اديتر تكييف وبلف+ تنظيف وينضبط ان شاء الله

الله يعوضك ويرزقك من واسع فضله

حاول تاكد ماخذيت شي بالغلط من واحد او متاخر على دين و محلل راتبك بما يرضي الله وتصدق والزم الاستغفار
صدقني عن تجربة فلوسك ربك ببارك فيها عن تجربة 
ماقصد شي بس تذكير 

شف يالغالي انا الكورلا الكمبروسر حقها انخرب ؛ كنت مسرع وشغلته ؛ والاصلي بمحل قطع الغيار ب ٣٤٠٠ بعد التخفيض ؛ والتجاري ياباني دنسو ب ١٨٠٠ ؛ ف حلو انت الاصلي سعره ١٨٠٠ عرفت ؛ وعلى فكرة هي شركات معدودة اللي في العالم تصنع كمبروسرات ؛ يعني الاصلي والتجاري قريب من بعض ويمكن يصير نفسه ؛ 

ثاني شي انا جديد بالدمام ماعرف بها واجد ؛ بس سويته بورشة ع توصية واحد من الشباب اسمها خير المملكة ؛ بالخضرية ؛ وانت ماشي ع طريق الجبيل ؛ عدي كبري الملك سعود لا تطلعه ؛ وبعده خذ المخرج لخط الخدمات 

بتحصل محل كبير ترايستار ؛ ادخل من الشارع اللي جنبه ؛ تحصل الورشة خير المملكة ؛ سوالي هي ب ٥٥٠ تقريبا ؛ وقالي اشتري مع الكبمروسر فلتر وزيت اصلي ،، وهو عليه الفريون اصلي والنتروجين للتنظيف ؛ 

شغله ١٠٠٪ وماشالله تبارك الله المكيف اللحين مثل ماكان :) 

سآآآل 66
قبل 3 ساعه و 54 دقيقه

بارك الله فيك

شورك وهداية الله
انا توي رحت اجرة سيارة لاني مضطر امسك خط اليومين الجاية

وراح اشتري الكمبريسر و الزيت و قطعة مدري وش اسمها يقول هذا فلتر وسعرها 200 ريال وبطلع لمحل الي تقول عنه
بس الشغل يكون بوقتها لاني ابي اجلس على روسهم وهل تنصحني اشتري رديتر جديد ولا القديم يتنضف مضبوووط وخلاص

والعمالة هل هم فلبينين او باكستانين ؟؟

سعر الكمبروسر غالي اذا كان مجدد و اللي أعرفه ما عاد فيه جديد 
أذكر اشتريت كمبروسر فورد فان ب 600 ريال مجدد لكنه تعبان  ما كأني ركبت أصلي   

بخصوص التركيب فيه ورشة مايز شغلهم وكالة و ضمان 3 شهور

اجور اليد 400 + 170 فريون
الكلام ذا من فترة 9-12 شهر تقريبا

اجور اليد 800 اشوفها كثير الا اذا السيارة فيها شي خاص و معقد

مايز وين موقعهم طال عمرك . انا هالاسم اعرف انه حق تعديل سيارات رياضية اذا ما خاب ضني . ممكن وصف واضح

وهل تمدحها لي عن تجربة

_______________

بخصوص الكمبريسر المشكلة انا ما اتوقع ان الوكالة فورد تبيع شي مجدد اكيد انه جديددددد جديدددد مستحيل يكون مجدد

وهل هناك طريقة لمعرفة المجدد

اش تنصحوني اعني اكسبلور ٢٠٠٤ مكيف تعطل قال لي المهندس أغير مكيف أو ممكن أخذ قطعه وركبها اش اسوي

عندي اكسبلورر ٢٠١٠ خرب الكمبروسر وغيرته ب٨٠٠ ريال تقريبامن قطع الغيار وغيرت رديتر ب٦٠٠ وعلبة ب١٥٠ وزيت ب٦٠ وشغل يد مع تنظيف الدورة والثلاجة بدون فك طبلون يعني تنظيف نص نص ب٤٥٠ ريال