أضف سؤال أو موضوع جديد          

سعي المعرض يكون على مين ؟

up 1 down 0
شكلين مابحكي 3160
قبل 7 سنه و 2 شهر



السلام عليكم ورحمة الله وبركاته

كيف حالكم  ياحلووين

حصل لي موقف اليوم غريب في معرض السيارات وحبيت استشيركم

دخلت معرض ولقيت فيه جراند ماركيز 2011   وسألت المصري اللي بالمعرض يقول مسيوم ب 58 
قلت له طيب هذا اخر كلام ؟  قالي عطني سومتك  وانا ابتصل على راعيه   قلت له ب 65   قالي  يعني بيطلع عليك ب 58 لأن السعي ب 2000 ريال يكون عليك

يعني يبي ياخذ مني 2000 سعي  وبرضو بياخذ قيمة وقفة السياره من صاحبها 

طلبت رقم صاحبها  وعيا يعطيني اياه يقولي هات سومتك ورقمك واذا وافق راعيها كلمناك 

قهرني ومشيت وخليته يولي وواحد من اخواني اعجبه الموتر ومذيني الا تاخذه الا تاخذه

ف وش رايكم ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله وبركاته

المفترض تتواصل مع صاحب السياره لا تقوله عشان اتفق معاه على السعر
قوله ابي اعرف السياره ماضيها من مشي واستخدام وقطع غيار ابي استفسر منه

انا شخصيا لو بعرض سياره بمعرض راح احط رقمي على السياره واكتب للتواصل المباشر صاحب السياره

ورقم جوالي عشان الاتفاق يكون معي على السعر اما اوقف السياره بمعرض ويجلسون شهر يحددون السعر اللي يبونه

بالنهاية انت حتى لو تبي بسيارتك 30 الف هم يحدونها على 33 وممكن اكثر عشان ياخذون المبلغ الزائد


up 0 down 0
أبو عبدالله ...... 163
قبل 7 سنه و 2 شهر



الملعون مايبيك تتصل على راعيه وتسأل لان المعرض يزود من عنده عشان الباقي له


up 1 down 0
السيدالمحترم 547
قبل 7 سنه و 2 شهر



انت تقول مسيومه ب 58 وانت قلت هذا اخر كلام وقال عطني سومتك وانت فرقت وقلت ب 65 الف

وهو قال بتطلع عليك ب 58 لان السعي ب2000

كيف قالك ب 58 وانت فرقت ب 65 الف وكيف بتطلع عليك ب 58 مع السعي وهي مسيومه ب 58 والسعي 2000 يعني بتطلع عليك ب 56 الف

مافهمت الصراحه :) لبى قلبك واعذرني لان فهمي بطي احيانا

لكن يا انك غلطت ب 65 وكنت تقصد 56 او انا مافهمت شيء معين


up 5 down 0
ابو يزيد 000 8712
قبل 7 سنه و 2 شهر



وبالنسبه للسعي على المشتري اللي هو انت والسعي عادة من 500 الى 1000 ريال لا يزرفك

2000 ريال هذي يمكن ان انباعت سياره قيمتها 150 الف وفوق او 200 وفوق


up 2 down 0
ابو يزيد 000 8712
قبل 7 سنه و 2 شهر



اذا تعرف لك احد بالمرور تعطيه لوحة السياره

وهو يشيك لك عليها ويعطيك برنت عنها

ويطلع مالكها وكل شيء تبيه

حتى رقم صاحب السياره

فكر فيها يالذيب


up 3 down 1
amear 1347
قبل 7 سنه و 2 شهر



انا مع كلام ابو يزيد مافهمت /
اما سالفت السعي على المشتري أول مره اسمع بها صراحه شريت كم سياره من معارض ولا مره قال سعي واكلم صاحب السياره عادي


up 1 down 0
am.an.com 435
قبل 7 سنه و 2 شهر




اخوي ابو يزيد  ،،  انا لقيت الموتر بالمعرض وسأله   بكم   قالي مسيوم ب 58  من راعيه

قلت له طيب وآخر  كلام للصامل ؟   قالي هات سومتك  قلت له 56    قالي  اوكي ب اتصل ع صاحبها وابلغه  بس حط في بالك بتطلع عليك ب 58 لان 2000 ريال هي قيمة السعي عليك

يعني بياخذ قيمة السعي معي 2000 ريال وبرضو 3000 ريال من صاحب السياره لانه عرضها بالمعرض هذا اذا ما برضو خذا قيمة سعي منه
فهمت علي ؟.


up 1 down 0
شكلين مابحكي 3160
قبل 7 سنه و 2 شهر



المتعارف عليه
المعرض له سعي 500 ريال حق وقفت السيارة بالمعرض وتكون علي البايع 
والشراي عليه المكاتبه والنقل
بالتوفيق


up 1 down 0
متميز جدا 227
قبل 7 سنه و 2 شهر



^^^

أجل خل السياره تخيس عنده   ومالت عليه وعلى راعيها 


up 0 down 0
شكلين مابحكي 3160
قبل 7 سنه و 2 شهر



اللي اعرف ياخذ منك فقط 500 ريال سعي فقط

وصاحب الموتر ياخذ قيمتها صافي يعني النقل والتجديد اذا كانت مطوفه وسعي المعرض 500 ريال عليك اما 2000 وياخذ من صاحبها فلووووس هذذا اول مره اسمع فيه انتبه ترى حركات الشريطيه واصحاب المعارض بالنصب كثير و وفيره وحراميه مايرحمون مثل التماسيح الاستراليه اللي رابص بالمستنقع وان مر حمار وحشي هقشه واكله وان مره غزال هقشه انتبه وخلك حذر ولاتثق فيهم ابدا ولا بحلفهم واحتيالاتهم موفق


up 1 down 0
امير الاصيل 1714
قبل 7 سنه و 2 شهر



اكملك نسيت حاجه

طبعا هو على الاتفاق بينك وبين البائع ممكن يكون سعي المعرض عليه وانت عليك النقبل وغيره مثل مافاد الاخوان شكرا للجميع وانتبه واحذر من النصابه اللي مايخافوووون الله


up 0 down 0
امير الاصيل 1714
قبل 7 سنه و 2 شهر



اكملك نسيت حاجه

طبعا هو على الاتفاق بينك وبين البائع ممكن يكون سعي المعرض عليه وانت عليك النقبل وغيره مثل مافاد الاخوان شكرا للجميع وانتبه واحذر من النصابه اللي مايخافوووون الله


up 0 down 0
امير الاصيل 1714
قبل 7 سنه و 2 شهر



80 % من كلام المصري ان السياره للمعرض او ل احد من اصحاب المعرض 

لان كلامه مستحيل يكون لشخص عارضها عندهم

وبعدين السعي وما السعي الي بالحراج تحت المكرفون مو بالمعرض واقفه


up 0 down 0
جيزان 34
قبل 7 سنه و 2 شهر



خلاص يابوي دام كذا وشوله تشاور وتسال ميابيلها اتركها يارجال والله لوشكمانها يقطرذهب خلها تخيس والمصري شكله له دلاله منها


up 0 down 0
حفيدالسلاطيين -42
قبل 7 سنه و 2 شهر



صاحب سياره يبي فيها مثلن 52 المعرض يبي زياده من غير السعي فهمت كيف  بنسبه  لرقم صاحب سياره قله ابي رقم علشان اساله عن سياره وكذا 

 انا يوم شريت لخوي كابرس اخذت رقم جوال راعيها وعطاني اياه مصري لني سياره باقي جديده ماشيه 40 الف وانا قلت  ابي اعرف متى اخر صيانه لسياره وعطاني اياه وكلمته وخليته ينزلي السعر 



up 0 down 0
سكودر 14928
قبل 7 سنه و 2 شهر



جميع البيوع يكون السعي على المشتري
والمعارض 
السياره اقل من ٥٠ الف السعي ٥٠٠ ريال وأكثر من ٥٠ الف السعي ١٠٠٠ ريال
والسعي مشروط


up 0 down 0
اف جي١ 13
قبل 7 سنه و 2 شهر