هل يوجد طريقة لبيع الموتر من غير الفحص ؟؟

بدون فحص فية شخص يسويها بالخفجي ب 1800 ريال <<<< تراه حراااامي وصلخ

يا رجال موتري دخلته ومتفقعه المساعادت ونجحوها

انت روح مغسلة غسلها ديزل وخلهم يغسلون المساعد << جيب معك اسفنج وخلهم يغسلونه عشان الزيت يروح

وشيك المبات و الكفرات وحاول ما تخلي فية زيوت

وشيك المساحات ركب نوع جديد تكلكفك 30 ريال

وفك التضليل وانشاء الله تنجح

والحين ما هي زحمة انا عديت وخلصت في اقل من ربع ساعه


وكلها ما تكلفك 250 ريال عشان تضبطها خفايف


____________________

شغل سيارتك وروح لغطا المكينة وروح لمعيار الزيت وخل واحد يضغط بنزين شوف لو فية دخان ابيض
راح يكون بلووف وراح الفحص يكشفها اما لو ما فية فخلاااص عادي موترك يصصرف زيت طبيعي بحكم العمر

_________________________________


كان معي كامري 2004 تصرف زيت كل شهر علبة ونص وبعتها عااااادي بسعر العادي لان العمر يلعب دووور

____________________________

انصحك تفحص موترك بنفسك لا تخلي احد يروح يفحص موترك

بتحصل مشتري يفحص الموتر بس راح ينقص من السعر حسب الاتفاق
وللعلم ترا الفحص موبذيك الصعوبه
الانوار والقزاز والبوري وشد الجلنط وشيك عالكفرات وغسل بستم وتوكل 

تقدر تروح لبعض المدن والقرى النائية يكون ماعندهم فحص دوري 
في جدة بعض الشباب يسافرون رابغ ولا الليث ولا عسفان و ثول
اقسام المرور هناك يجددوا بدون فحص 

بالمحافظات النائية ينقلون الملكية بدون فحص 

الله يعآفيكم .. مآ قصرتم
لكن البيع بجدة .. وقلت أفحصهآ حتى يعطيني سعر طيب
( كل وآحد له لآ يك ) :)

اخوي ان شاء الله تبيعها بالسعر اللي يرضيك  حتى لو مؤ مفحوصة 
اهم شي ان الاستمارة مجدده  وتقدر تبيعها 
الفحص  الدوري والتأمين الناس مجبورين عليها عشان يجددوا الاستمارة 
موفق اخوي 

ايه الاستمارة مجددة ياخوك .. !!
غريبة في بعض المعآرض مآ يسمحون ببيعتهآ إلآ بعد الفحص ..

اسمع العلمم ياغالي

توني بايع موتري فكتوريا 2003  وفيه بلاوي الدنيا كلها

خذ موترك الى اقرب  مخسلة بستم وخله يغسها لك وتأكد بعدها انه مافيه تهرريب قوي قوي مره  واذا لقيت ان فيه تهريب  جب شويه تراب ورشه عليه فقططط   بعدها  شيك على النور انه يشتغل العالي والواطي واللمات الخلفيه  وانها تعمل  والمساحات   فقط

وبعدها توكل على الله وروح افحصها  وشي طبيعيى بيسقونطك على شان الهاند بريك    وابد تشده وترجع وتمشي امورك بالسللليييم وفي النهايه  ماخسرت الا 200 ريال تقريبا   افضل من انك تدفع  1800 للي يمشيها لك بدون فحص

مآ قصرت .. جمل الله حآلك .. إن شآء الله تتسهل

نعم يالغالي تقدر دفني بخمسميه ريال واخلصلك سريع سريع

ترا الفحص الدوري سهالات موب ذاك الصعوبه

كان معي فورد 98 فيه بلاوي الدنيا,, أبد غسلتها بستم وقلت بسم الله,, مشت كل الأختبارات تمام

تدري رسبوني على أيش؟ الدركسون متآكل! وكلها تلبسه ب 10 ريال وعديت الفحص

كلفني: 70 الفحص أول مره + 10 ريال التلبيسه + 25 الفحص مرة ثانية ,, وكل الشغله ما أخذت ساعة!

بس انت روح لهم وقت ما فيه زحمة بعد الظهر مثلاً

اعتقد في المعارض ينقلوها بس ما اعرف بكم بالضبط 
طبعا اذا تقدر تفحصها افضل ارخص لك في النقل و تجيب سعر افضل شوي