عطل كهرباء فورد
3
0
إضغط هنا للإخفاء
السلام عليكم ورحمة لله وبركاته: صارعندي مشكله في السياره وهي فورد ميركري م2007طفت فجئه واشغل الى البطاريه ضعيفه مره واسوي اشتراك وشتغلت قلت مايبيلها كلام هاذي بطاريه خربة لئنها لها سنتين من يوم ركبتها ماطول عليكم شريت بطاريه اي سي ديلكو نفس الي في السياره وهي 65 امبير واشتغلت السياره تمام المهم اليوم الثاني ولعت لمبة التشيك وطفى المكيف من نفسه والدركسون ثقل وطفت السياره حاولت اشغل مافيه بطاريه قضت وانا امس شاريها جلست 10 دقايق واشغل واشتغلت تمام وديتها لورشه اعرفها قالي دينمو خربان المهم فكينا الدينمو وطلع فيه سلكين حرقانه صورتها لكم هي الي مسببه المشكله عندي فحص الفني يعطي10 وهوالمفروض يعطي 14 المهم شريت دينمو اصلي من التقوى وركبته والحمدلله انتهة المشكله الخلاصه الواحد لايستعجل على البطاريه ويغيرها قبل يفحص لئنها غاليه بذكر سعرها وسعر الدينمو طبعن سعر البطاريه اي سي ديلكو 65 امبير 290 وبعته بطاريتي القديمه 40 ريال يعني طلعت علي 250 الدينمو يجي 3 انواع اصلي وكاله سعره 1300 والمجدد اصلي وكاله سعره800 والتجاري سعره400 انا ركبت المجدد نصحني فيه الكهربائى شغل يد الكهربائى50 ريال وسلامتكم واسف طولت عليكم اخواني وحبايبي اعضاء ومشرفين المنتدى المحترمين الي استفدنا منه الكثير من الخبره والمعرفه الله يجعلها في موازين حسناتكم
إبلاغ
سيارات للبيع
الردود
1
0
فعلا انا اعاني من الاستعجال ..
على سبيل المثلا كنت اشتكي من صوت المساعدات لما الف بالدركسون يمين و يسار
كانه صوت احتكاك حديد بحديد ببعض
تقريبا دفعت الى 1200ريال مساعدات اماميه غيرت طقم اكثر من ثلاث مرات
الين مليت و قلت خلها على ماهي عليه
تذكرت بعدين ان الصوت هذا مرات يكون من العكوس .. فحصتها ما طلع
فيها مشكله .. بعد ما ارتفع ضغطي عرفت ان المشكله من كرسي المساعد
كان معدوم مره
كلفني 150ريال .. لكني للامانه ماني فاهم بالسيارات كثير .. بالمختصر
جهل بس الحمد لله حبه حبه و نقول ي رب
في تجربه للاخ شاقح موجود معاما بالمنتدى هنا
http://ford.montada.haraj.com.sa/4473/
هذا رابط موضوعه .. تجربته للديمنو البوليسي
تجربه موفقه الله يعطيه العافيه
1
0
0
0
قبل 9 سنه و 11 شهر