سيارتي تطفى وهي واقفه وش الحل..

بالغالب مشكلة الفورد بالطريقة هذه تكون من بوابة الهواء تحتاج تنظيف فقط

المشكلة بسيطة ما منها خوف وقد حصلت معي كان تطفى يوم اشغل المكيف عند اشارة او اذا هديت
عند مطب 
في البداية نظفت ثروتل وما نفع لسه تطفي 

بعدين غيرت حساس هواء والسيارة الحمد لله ما صارت ترجف وﻻ تطفي

حساس الهواء في المكينه ذا 

مثل ماقالك الميكانيكي سوه 

1 ، افحـــص كمبيوتر 
2 ، شف البواجي وشف زيوت السياره 

ثروتيل عندك وصخان. يختاج تنظيف وبرمجه 

اخوي سوي هذي الحاجات اللي رح اقولك عليها

1 غير فلتر البنزين لانو السيارة قديمة موديلها وممشها يكون زايد فا غير فلتر البنزين وسعره على حدود 220 ريال او اقل 
سعر التركيب 60 الى 80 ريال انت وشطارتك 

2 غير فلتر هواء المكينة عشان يكون تدفق الهواء افضل واذا انت مغيرها من قبل يعني مثلا قبل شهر او شهرين مو مشكلة يمشي 
اذا كان تاجري الفلتر غيره وحط اصلي

3 نظف بوابة الهواء بمنظف اسمه منظف الكارتير تلقاه في محلات الزينة وقطع الغيار بس طريقة النتظيف هي كتالي
فك البلاستيك اللي يكون مغطي على البوابة وجيب منديل وبخ عليه منظف الكارتير شوية شوية وسح البوابة بل منديل

4غير البواجي 

5 نظف البخاخات 

وتكون السيارة كأنها طالعة من الوكالة مافيها اي عطل 


سعر جميع القطع وتريكبها مارح يتجاوز 500 ريال

وهذي اسعارها 

فلتر بنزين اصلي اتوقع انه اغلى قطع رح تكون سعرها 300 ريال مع التركيب

فلتر الهواء حق المكينة مارح يجي سعرها اكثر من 100 ريال

تنظيف البخاخات يكون سعره 150 الى 200 ريال 

بس حاول تكاسر ورح يخفضون لك السعر 

والبواجي اتوقع سعرها مارح يجي 100 ريال والتركيب سعره 30 او 40 ريال بل كثيييير يعني اعلى سعر حق التركيب 40 ريال

وخلاص 

☺

حصلت معى نفس المشكلة وكان الحل تنظيف البوابة

طيب يا الغالي الموتر موديله 2004 يعني قام له عشر سنوات ... كم لك عن القطع الاستهلاكية وش الاشياء اللي من زمان ماغيرتها طالما ان فيه رعشة فالاسباب كثيرة لكن انت شف الاشياء من زمان ماغيرتها او مانظفتها الصفاية حقت البنزين وهاذي اغلب الناس يجهلها ولا يعرف دورها في الموتر وانا اعرف واحد يمتلك اكسبلور 2008 وخسر طرمبة بنزين كاملة بسبت الصفاية ايضا بوابة البنزين نظفها شيك على البواجي والاسلاك كلها اذا كانت تحتاج تغيير غيرها ونظف فلتر الهواء حق المكينة وان كان قديم غيره عموما سو تصفية كاملة للسيارة طبعا الاشياء اللي من زمان ماغيرتها مهب تغير شي جديد وبأذن الله بيفرق معك العزم وبتروح الطفية وايضا ممكن تكون والاحتمال ضعيف ان عندك ضعف في طرمبة البنزين اذا احترت ماعاد تدفع الوقود ... تقبل مروري وانت اكيد ابخص بسيارتك انا ماشفتها ولا شي مجرد راي وخبرة سابقة في السيارات ف شف اللي يحتاجه موترك بناء على نظرتك لسيارتك وغيره وتأكد انها بتروح ان شاء الله دعواها بسيطة

السلام عليكم ورحمة الله وبركاته
اخوتي انا عندي هونداي النترا 2008 وكانت تطفي على الاشارة او وسط الزحمة لما ترفع رجلك عن دعسة البنزين ووتدعس فرامل تطفي ولما اشغلها تشتغل ولكن عداد الهواد ما يشتغل وتصير المكاينة تتفتف ولا لما اصبر عليها لما تبرد اشغلها وامشي نظامي رحت علىمكانيكيين وكهرباءيين كتير وكل واحد يقلي شي مختلف عن الاخر وبالاخر وفرت الجهد على نفسي ورحت كشفت كمبيوتر وطلع المشكلة في حساس بوابة الهوا وحساس الكرنك وهذا اعطاله مثل اعطال طرمبة البنزين بالظبط يعني قلة من الكهربائيين الي يعرفو المشكلة من دون فحص كمبيوتر طبعا كنت مغير بواجي وبطارية جديد