مشكلة عند التشغيل؟

وعليكم السلام..

انا صارت عند المشكله قبل اسبوعين تقريبا 

وصارت المشكله بااسلاك البواجي غيرتها ولله الحمد سلك الموتر 


فشيك اولا مبدىي على الاسلاك والبواجي وشيك على السلف 

وعلمنا وش يصير معك وجرب تدق سلف بالوقت الحالي تنتظرتقريبا 10 ثواني قبل لاتدق سلف يمكن الزيت مابعد وصل للمكينه وعلمنا يالغالي وش يصير معك 

تصير عادة إذا البطارية تعبانة

انتبه تعدم عليك السلف

الحل تسوي اشتراك وتشغل إذا راحت المشكلة فالبطارية تعبانة

إذا بقيت المشكلة ممكن من السلف وديها كهربائي فاهم

أمير

الفورد الجديد سمعت إن مافيه أسلاك بواجي وعيت تخش مخي هالمعلومه

عندك ياطويل العمر ممكن فيوز

ممكن سلف وأعتقد أنه اكبر إحتمال

وعندك البطاريه

شيك عليها عند كهربائي وبإذن الله يطلع لك المشكله

الله يجزاكم يا اخوان على ردودكم , وان شاء الله اني اوديها اليوم وأوافيكم بالاخبار ..

هاذي كتاوت الطرمبة وغيرها حتى لو قالو لك سليمة وقيمتها ماتتعدى 30 ريال انا خسرت حول 1400 ومن اول اقولهم غيرو الكتاوت ويقولون سليمة ويوم غيرتها اضبطت السيارة 

حتى لو تلاحظ السيارة ماتشتغل الين تسمع صوت الطرمبة

مشكلتك ما تتعدى البطارية او أصابع البطارية 

أصبع البطارية قيمته 2 ريالين 

بس أذا تبي تتأكد أنه الاصبع أفتح الكبوت ودق سلف أذا طلع شرار عند الاصبع غيره بسرعه

لا يعدم عليك الدينمو 

طيب يا الغالي ياليت تكمل التفاصيل تكتب لنا نوع الموتر وموديله عشان نقدر نفيدك اكثر ... عموما المشكلة هاذي دايم تصير يا من اصبع البطارية يمكن فيه فضاوة او انه مملح يحتاج تنظيف ... وبرضوه كم لك مغير البطارية ؟؟؟ ياليت تجاوبني على اسألتي لأن انا متاكد نسبة 90 % ان الخراب من اللي ذكرت بس جاوب على السؤالين وش نوع الموتر وموديله وبرضوه كم لك ماغيرت البطارية وان حصل تفحصها عند حقين البطارية يشوف لك ظغطها ويفحص لك بعد الدينمو عشان تتطمن وتستبعد الشي هاذا من بالك بعدها ابد فكر في الخرابات الثانية وان شاء الله انها منها ... تقبل مروري

اخوي المكلة هذي تصير اذا البطارية ضعيفة كل اللي تسويه غير البطارية بس اول شي اتأكد منها
شوف عند الكهربائي يفحص البطارية 

ويفحص السلف وقوة الكهرباء اللي تروح للسلف

شف وزنية السلف لانه اذا مو موزون ما يمسك بالحذاف الا بعد كم محاولة    انت بنفسك الان شيك على مسامير السلف وحركه جميع الجهات و

والله يا اخوان انا رحت الصناعية وقابلت اخ يماني قلي عندك اصابع البطاريية يبغالها تنظيف . المهم نظفها وصارت السيارة تشتغل 
التشغيلة الثانية يعني مازبطت 100% المهم اني انشغلت فترة من الزمن وزبطت السيارة لوحدها وصارت طبيعية 100% وانا 
ماسويت اي شي نهائيا . 
ورد على الاخ a.ibrahim السيارة موديلها 2006 ماركيز والبطارية من يوم شريت السيارة لحد الان ماغيرتها . شريتها 
قبل سنة تقريبا .