اين اجد محل خرط عمود دبل الفورد و اي محل يبيع الصليب القطعة

صليب والعياذ بالله OهO

شوف أخوي أنا ماأعرف عن المنطقه الشرقيه عامه لكن شوف أي مخرطه تلقاها بين الورش أكيد بيعرفون

كيف يخرطون العمود أو يلحمونه ويوزنونه ويكشفون عن الميلان 

وبخصوص الصليب لكل سياره نوع روح لأي محل يبيع قطع فورد سواء وكاله أو محل معتمد

وقوله عن نوع سيارتك وموديلها وإذا كان معك الصليب القديم تكون وفرت عليهم عناء البحث 

ووفرت على نفسك التأكد من القطعه حتى ماتضطر ترجعها إذا كانت غير مطابقه .. وبالتوفيق

بيض الله وجهككككككككك شورك وهداية الله


انا بطلع لصناعية بروح احوس بحواريهم واشوف المخارط


شكرا لك حبيبي ولك لااااايك

عندك مخرطة المحيش على الشارع العام بعد الصقر والراجح والصليب فك القديم ورح لقطع الغيار تلقى نفس المقاس @اوبالخضرية الدمام يوجد اكثر من مخرطة بعد ترايستار للجيربكس اسال اقرب ورشة ويدلونك @

انشاء الله بنتضر صلاة العصر اصلي واطلع لهم

تتوقع يكون عندهم مخرطة لعمووود ويعرفون اذا فية مشكلة او لا .

هل اجيب السيارة بكبرها ولا لازم اوديها ورشة ويفكون العمود بورشة واجيب العمود لمخرطة
وكم تكلف فكة العمود تقريبا بالورش العادية عشان لا احد يستغلني وهل فكة عادي ولا لا لاني خايف ان الي يفكة يخرب علي القير او المكينة



انتضرك اخوي

معلومة: شيك على ربلة عمود الدبل الأمامية و الخلفية ... اذا كانت منتهية تسوي رجة
الله يوفقك +1

نصيحة اغلب ورش الجبيل سباكين لاتعتمد على كلامهم @شيك على الصليب شوف فيه فضاوة او طقة مع الريوس تاكد من الترصيص عندك ميزان السلام كويس وشد الصواميل مضبوط @والعامود يترصص بالمخرطة اذا كان فية مشكلة ضربة او طعجة @وشوف الاذرعة فيها شحم ولا ناقص  @ وافضل مخارط ترصيص الاعمدة بالدمام في حال تاكدت ان الرجة من العامود @

بالنسبة للفك والتركيب 50 ريال لكن انت وشطارتك يعني لبسك يدل على وضعك المادي @بعض المخارط عندهم رافعة اوحفرة ولكن احيان تكون زحمة@

الرد اللي فوق كلامك ممتاز انا جربته اكثر من مره البس لبس عادي رياضي وجوالي الغالي اخفيه ولله تكاسر بالسعر اللي تبيه اما تجي ثوب كبكات متعطر وتبي يراعيك
! يدبلها ادبال الادبال

توي راجع من الصناعية 


بعد ما فحص الفلبيني و المصري و السوداني كلهم ماشاء الله بنفس المحل 

قالو الزبدة ان العمود فية المشكلة 

قالي الاحد تجيني الساعة 2 نفك العمود ونطلع لمخرطة نشوف العلة ونضبطها يقول تكلف 120 ريال 
على حسب الرجة 

ويقول الصلبان راح نغحصها ونشيكها الخربان راح نشتري منه جديد ان كان صليب او شيال 

يقول لازم تكون معي عشان تسوف بعينك المشكلة ونصلحها قدامك 

يقول شعل يدة بدون المخرطة 400 ريال 

قالي حاجة بس ماني فاهمها وهي يقول تبيني نكبسها ولا بالشاكوك نثبته انا مدري وش يقصد بس المصري رد يقول الكبس احسن 



السبت بوديها عندهم شكلهم ما يلفون ولا يدورون 

شغل اليد 400 كثير فك وتركيب المفروض مايتعدى 200 لان المخرطة بتركب الصليب الواحد ب40 وشوف كم صليب في العمود يعني عندك 4 صلبان وترصيص العامود لنفرض 150 @المهم خذ ضمان  بفاتورة مختمة اذا صلحت جميع القطع ولم تذهب الرجة يرد لك الفني قيمة المبلغ كامل @واذا الرجة تظهر عندك على سرعات عالية  فممكن العامود او من سرعة 80 الى 120 فهذا ترصيص  @

المهم مر المخرطة واسال بكم  ترصيص الاعمدة وتركيب الصلبان @وتقبل تحياتي