ما هو الزيت المناسب للتوروس 2011

تلقاه مكتوب في غطاء الزيت حق المكينة ... 5w20

 واسمه  ... موتوركرافت

اخوي انصحك بزيت سوبر جتي لزوجته قوي حتى بعد 5000 كيلو 

وسعره كويس 16 العلبة 

موتر كرافت ممتاز ورخيص

نصف تخليقي 

أنا كنت أستخدمه لاكورد وكورلا وإكسنت

طبعاً في الشتاء خذلك 5w20 هذا خفيف وسعره أغلى 18 الى 20 ريال

والصيف خذلك 10w30 هذا متوسط وسعره 15 الى 18

بالنسبة لي أغير 10w30  في الصيف والشتاء ولكن فيه نظريه عند كثير إن الزيت يفضل تغيير لزوجته بين الشتاء والصيف

وأنا أشوف برضه إنها نظريه صحيحة خصوصاً للمناطق اللي تصل درجة حرارتها وقت الشتاء الى 5 درجات مؤويه فما تحت

٥w٢٠
موتركرافت ارخص

وعليكم السلام ورحمة الله وبركاته
أنصحك بزيت بترومين A-1 صناعي بالكامل ، وهو أفضل زيت موجود بالسوق بلزوجة 5w30 .
أو موتور كرافت 5w20 أو 5w30 نصف صناعي .
وبالتوفيق ..

جزاكم الله خير 
يعني استخدم زيت موتركرافت حسب الموصى 5w20
افضل لها باذن الله
ومشكورين وما قصرتوا 

انا معي تورس 2011
.. حاليا استخدم 5w20 وناوي اغيره الى 10w30 لانه يمدحونه في الصيف

5W20 ههههههه ماء حرام عليكم
معروفه حرارة الجو بالصيف في السعوديه .. أعلى بكثير من الدول الأخرى

يا شباب انا كنت أبحث كثير في المواقع الإنجليزيه والأنترنت والخ...
عن لزوجة الزيت وفوائدها وأضرارها والخ...
 
الخلاصه والزبده :

كل ما زادت حرارة الجو والأحمال (الضغط على المكينه) .. تحتاج لزوجة أعلى
وكلما قلّت حرارة الجو تحتاج لزوجة أقل 

لأن الزيت مع الحراره يسيح ويصير أخف ؛ ومع البروده يثقل وممكن يتجمد في المناطق البارده جدا جدا ( ثلوج مثل روسيا وبعض الدول والمدن الأجنبيه و الخ... ) 

طبقة الزيت تكون أسمك وأقوى في اللزوجه العاليه ؛ وأرق وأضعف في الزيوت الخفيفه

لكن فائدة اللزوجه الخفيفه أنها تقلل صرفية البنزين وتقلل فقدان العزم ولا يثقل أو يتجمد بالشتاء ويتوزع الزيت بسرعه عند تحمية السياره بالشتاء  ؛ لكنها ما تعطي حماية عاليه بالصيف لأن طبقة الزيت تكون رقيقه وخفيفه بسبب الحراره العاليه 

بعض المكاين الجديده ( الخلوص أو الفضاوه فيها .. قليله ) بين القطع المتحركه .. قليله يعني ضيقه ومصممه على الزيت الخفيف

لكن مع الوقت إذا سيارتك قديمه ؛ تتوسع ( يزيد الخلوص أو الفضاوه ) وتحتاج لزوجه أعلى تملئ هذا الفراغ - الخلوص - الفضاوه

خير الأمور أوسطها

وأنا عن نفسي أستخدم بترومين 10W30 في الشتاء و بترومين 20W50 بالصيف .. سيارتي هوندا أكورد 2006

وشوفوا هذي صورة من كتالوج هونداي ؛ يحذر من إستخدام لزوجة 5W20 .. في الشرق الأوسط
http://i909.photobucket.com/albums/ac291/abusalman98/20.jpg

مجرد نصيحه  ؛ والقرار راجع لكم وأنتم أحرار لو تستخدمون لزوجة 0W20

ترى أنا ما أقول إستخدموا 20W50 لأنه ثقيل على السيارات الأمريكيه ..
لكن اللي أقصده خلكم وسط يعني 10W30 أو 10W40 أشوفها ممتازه ؛ و 5W30 أرحم وأهون وأفضل من 5W20

وخير الأمور أوسطها تصير تجمع بين فوائد الزيت الخفيف وفوائد الزيت الثقيل ؛ مع أقل سلبيات ممكنه

لأن الزيت الثقيل له إيجابيات وسلبيات ؛ والزيت الخفيف له إيجابيات وسلبيات

والسيارات القدييييمه حتى لو كانت أمريكيه أتوقع تحتاج لزوجه عاليه لأنها تكون متوسعه شوي بسبب الإحتكاك والتآكل ؛ والزيت الثقيل يملئ هذي الفراغات

أعرف واحد يستخدم 20W50 بفورد قديمه ولا عنده مشاكل

5w30 موتوكرافت من الوكالة مع الفلتر 
وهذا اللي مكتوب بالكتالوج للتورس واللي على الغطى .. كنت احط 10w30 وخبطت المكينة 
اللي صنع التورس يقولك حط 5w30 موتوكرافت وهو ادرى مننا باللي يصلح لمكينتها 
لحد يفتي عليك ويحط من راسه .. كل سيارة لها نوع محدد من الزيوت بحسب حجم المكينة ونوعيتها 
فلذلك حط 5w30 موتوكرافت اشتر 6 علب من الوكالة بسيفونها وغيرها عند اقرب بنشري 
وهالزيت يمشيك حتى 10 آلاف ومريح لمكينة التورس ..

الاخ speed for ever ماعنده سالفة مع احترامي له و لاتسمعون كلامه
اذا مكتوب على غطاء المكينة 5w20 حطه بتشوف هدوء عزم صرفية ممتازة
زيادة على ذلك الزيت خفيف ف واح ينظف لك جميع اجزاء المحرك
خرافة الاجواء الحارة و لازم زيت ثقيل لازم تستأصل من عقولكم