اصحاب الخبرة في الفورد الكراون فكتوريا

حلو سعره بس ممشاه يخووووف 
شفلك غيره وحاول ماينزل عن 2006 

المشكلة اني فحصته وما طلع فيه شي فحص من الصدام للصدام ، لا حوادث ولا مشاكل كهربائية ماشاءالله نظيف
بس متخووف صراحه

السيارة فعلا عملية و تتحمل كد بس ممشاها كثير مرة ما انصحك فيها صراحة 

ما انصحك فيه ممشاه كثيير

الفورد مايعيبه ممشاه ابد اذا محافظ  على زيوتها 

اذا على كلامك وفحته وماطلع شي توكل على الله  لان الفورد من واقع تجربه اقوى مكينه بالتحمل  انا معي فورد ومرتين تضرب الحراره على الاتش ولا خبطت وسفريات  وسرعه بعكس الكثير من السيارت اذ ارتفعت الحراره خبطت 

أخوي دامك فحصت السيارة و طلعت سليمة من جميع النواحي خذها و انت مغمض

و صدقني أسعار 2007 من 35 ألف و طالع للنظيف  اما بالنسبة للسعر 30000 ألف اللي طالب الرجال سعر مناسب جدا عشان ممشى السيارة ولا لو ممشاها أقل كان ارتفع سعرها

اهم شيء المكينة تكون نسبتها عالية بالفحص و المحركات نظيفة و لا فيها قربعة ديكورات توكل على الله لإني انا دورت بالمعارض يا رجل 2003 بالشارع يطلبون فيها فوق 20000 ألف فما بالك بـ 2007

توكل على الله و استخر و ألف مبروك و سعرها ممتاز جداً 

الممشى ما يعيب السياره ابدا مثل ماقال اخوي متعب

اذا السياره نظيفه و مهتم فيها ف استخير ربك و خذها
بس اساله عن الزيوت .. زيت المكينه زيت القير .. متى غيرهم
زيت القير متى اخر مره غيره..??

لا تبقي شي الا و تساله عنه

موفق خير ي اخوي

سعرها معقول

توكل على الله الممشى مب عيب

اغلب الفورد ماشي لانه حق خطوط يالبى قلبه

الممشى مايعيبه فيه فورد بأمريكا ماشي مليون وتصفر العداد من جديد أهم شئ نظافه المحركات

اهلين اخوي
-(لا تنسى صلاه الاستخاره)
-(واهنيكـ على اختيارك على المركب شيوخ والله يعطيك خيرو ويكفيك شرو)
-(لو المكينه و الجير والدفرنس والشاصي والكهرباء والارباقات والعضلات 100%100 توكل على الله والحمدلله انو رجال كويس واحسن ما تشتري واحد ويطلع العداد متبدل او منزل ارقام العداد ذي الي في المعارض والشريطيه)
-(الممشى ما يعيب مدام...(الزيوت تتغير اول في اول والاصلاحات اول في اول)
-(ولا تنسى تكلم صاحب السياره وتقولو...(كل كام يغير الزيت ومتى اخر مره غير زيت الجير والدفرنس وبعض القطع الاستهلاكيه)
والله يعطيك العافيه وشكرااا لك