ترهيم الفورد الاستاندر الى الفل كامل عند الشريطيه

26 27

لايمكنك التصويت حتى الحصول على 20 نقطة على الأقل
إضغط هنا للإخفاء

abo ali28 290
قبل 9 سنه و 11 شهر

السلام عليكم ورحمة الله وبركاته

مالي في المقدمات الله يطول اعماركم نخش في صلب الموضوع لانه جامد لكل شخص سعودي او غير سعودي في المملكه وحاب انه يشتري فورد من معارض السيارات

بعضنا يعرف ان الفورد الماركيز والفكتوريا هي السياره الثانيه بكثرتها في المملكه من بغد الكامري

والسياره مريحه ولا عليها كلام .. لكن بعض الاشخاص " الشريطيه الاجانب " والكل يعرف منهم الشريطيه الاجانب في غرب المملكه هم سبب ظاهرة الحركه ذي في الغش بالسيارات والسبب زياده في مبلغ السياره وهي لا تستهل الزياده


الفل كامل" الديجيتال" : مقعدتين متحركه + مقاعد جلد + مسجل لمس + مكيف لمس + طبلون اكتروني + فتحه بالسقف + هادرلويك





الاستندر : مقعده وحده متحركه او بعضها لا يوجد ولا مقعده متحركه +مقاعد مخمل + مسجل غير لمس + مكيف غير لمس + طبلون انبيرات ( عايدي ) + لا يوجد فتحه + لا يوجد هادرلويك

مثال ( فل كامل ) : فورد ماركيز موديل 2000 فل كامل " ديجيتال "
يوصل سعره من 20 الى 28 الف ريال

مثال ( استندر ) : ماركيز موديل 2000 استندر " عايدي "
يوصل سعره من 14 الى 16


المهم المشكله في الموضوع ( المقاعد المتحركه + تلبيس المقاعد + المسجل الخربان )

بعض الشريطيه هداهم الله ورزقهم الله باللقمه الحلال سوى هالطريقه لزياده الدراهم

يجي هالشخص ياخذ ( فورد استندر ) ويروح لمحلات الزينه يلبس المقاعد جلد بـ200 ريال + يركب مسجل خربان حق الفل كامل ( سعر المسجل الاصلي بـ1400حق الفل كامل ) يشتري وجه مكيف اللمس من التشليح بـ50 ريال + ويشتري من التشليح زر المقعده المتحركه بـ50 ريال .. إلخ

الشغل كله ما كلفه 600 ريال

طبعاً الفورد استندر مو فل كامل .. لكن رهمه للفل كامل .. ينزل المعارض " هو مشتريه ما تعدى 15 الف ريال " ويجيه الزبون المسكين ويقول بكم انسام يقول بـ25 الف ريال .. بالمكاسره شرى الزبون المسكين بـ24 الف ريال .. المسكين يحسب ان الفورد فل كامل ما درى انه ترهيم × ترهيم
المكسب للشريطي 9 الاف ريال

زبدة الموضوع وخلاصته : الي يبي يشتري فورد يخش هالموضوع وبأذن الله يذكرني بالخير .. والاهم لاجله عشان ما ينغش بين الفل كامل والاستندر

والفل كامل مقاعد جلد طبلون اكتروني مقعدتين متحركه .. إلخ
تنبيه لكل شخص يريد شراء ( فورد ) من معارض

و الاستندر لا مقعده متحركه + مخمل + طبلون عايدي .. إلخ
تنبيه لكل شخص يريد شراء ( فورد ) من معارض

ويركب زر المقعده المتحركه .. بعضهم ياخذها من التشليح بـ50 ريال ويركبها في حقت الاستندر واذا جا يشتري الزبون يضغط عليها ويلقاها ما تتحرك يقوم يسأل الشريطي ليه ما تتحرك .. ويقول الشريطي بسيطه كلها فيوز بـ5 ريال .. وهو كذاب المقعده تتحرك من تحت المقعده بالضغط على حديده وتقوم تحركها
للامام او للخلف ..
تنبيه لكل شخص يريد شراء ( فورد ) من معارض
^
^
الفرق بين المواصفات بين الفل كامل والاستندر يوصل لـ 10 الاف ريال واكثر .. انتبه تنغش وانا حبيت افيدكم يالغالين عشان ما تروح فلوسكم على شي ما يستاهل

وفي الاخير الموضوع تعبت عليه ومفيد جداً لكل شخص .. واتمنى من كل شخص الدعاء لي ولوالدي تكفيني بدل الشكر

ووفقكم الله جميعاً









ملاحظه الموضوع منقول من موقع عربي كوم اعجبني وحبيت انقله

إبلاغ

الردود