افضل بديل لجراند ماركيز و فكتوريا في السعر و الراحه

هلكس99هههههههه
امزح معك بس
يابوي مافيه اريح وارخص واضمن من الفورد سواء فكتوريا او ماركيز
ان بغيت خط وانبغت بلد

وعليكم السلام ورحمة الله و بركات
تلاحق السوق و دور لك فورد فكتوريا أو ماركيز نظيفة أخوو الجديد فرصة الآن
الفورد تعتبر آخر سيارة كلاسيكية في أسواقنا و ما أعتقد لها بديل

عندك الفيوجن بس للان ما انتشر 
عندك ماليبو جدا حلوه ومنتشره بكثره 

الافالون لكن قطع غالي

يا اخوان فورد 2012 فكتوريا ماشي 30 الف كيلو سعودي كم يسوى

آآآآآآآآآآآآآآه يالفورد ليس له بديل بس للحين فيه موديلات 11 كانك هاوي طق لك واحد نظيف يكد معك ع الاقل 15 سنه انا محدثك قبل سنه بعت فورد قديم 96 محركاته للحين نظيف لكن البودي اجرب بس بصراحه الفورد ماهو عشق ادمان 
اخذت ماليبو 13 جددددددا رائعه في العزل الروساوه عيبها الوحيد فقط قوة المطبات حتى الجكسار الين منها في المطبات ما ادري يمكن لاني تعودت على راحة الفورد

اهلين اخوي
-(لا تنسى تستخير)
-(الماركيز افخم وافضل لانها تختلف عم الفكتوريا مثل (الواجه والخلفيه والداخليه والاكسسوارت والعداد والجنوط) والافضل لو بتبدل بدل في الماركيز)
والله يعطيك العافيه وشكرااا لك

فيه بديل الي هو آخوهم الثالث اللنكون تاون كار فخمه وحلوه لأبعد حدود 

الله يجزاكم خير و شكراً لطرح ارائكم 

تم توزيع لايكات للكل بالتوفيق للجميع :)

انسى تحصل  

الفكتوريا والماركيز اساااااااااااااااااطييييييير ما فيه مثلها

تبي الحق ما في مثلهم ولا في شيء قريب حتى 

ما اتوقع لها بديل للاسف

انا معي فيكتوريا وناوي اشتري سياره لكن متعلق قلبي بالفيكتوريا 

الدوج تشارجر راح يمسك السوق بعد الفورد والماركيز  لكن للاسف ماراح تاصل مواصيل الفورد 


الفورد نهاية السيارة الكلاسيك مثل الكابرس 90 

افضل بديل وراحة وهدوء بدل الماركيز 

ارشح 1 لكزس 430 السعر 2005 او 2006 ومعروف قطعه وسط لانه شركات اصغر منها والقطع اغلى  
2 ارشح الافلون حلوه والانعم بين جميع مديلات الافلون 2012 
3 > خذلك فورد 2011 او 12 ماشي اقل من 50 الف قطع يبلاش راحه 

> ابيات قيلت بالفورد <

كله ولا الفورد لاتقطعونه 
                       يامنتجين الفورد خلو كحيلان 
لو زاد سعره مايعافه زبونه 
                      يشريه لو كان غالي الاثمان 
يقولون اللي قيمته مايعرفونه 
                        مركب عزيز النفس ماهو بكوبان 
وابمدحه دام انكم تعشقونه 
                       من يمدح الفورد ماهوب بغلطان 
فيه اجتمع فعل الخشن مع ليونه 
                       مثل الشجاع اذا ابتسم يوم الاكوان 
يافورد تكفون لاتقطعونه 
                     يفداه انتاج تويوتا ونيسان 





توكل على الله وخذلك ماركيز ولا فيكتوريا ولا تاون كار 
والله يستاهل كل ريال يندفع في وبعيوبه بعد 
بالتوفيق

لايوجد البديل


عندك خيارات اخرى مثل افالون   او تشارجر    وكل وحده لها مميزاتها وعيوبها

لأسف بديل ما فيه 

صراحه انا معي فورد كراون فكتوريا موديل 2001 و مع اخوي 2011
فيه فرق من ناحيه الراحه الموديلات القديمه اشوف انها افضل مدري ليش المهم محتار وش اخذ بعده ولا لقيته قريب منه ومحتار وش اخذ   
حقيقه مولمه