أضف سؤال أو موضوع جديد          

قصيدة لمحبي الفورد

up 13 down 4
خالد الزهراني 07 137
قبل 9 سنه و 3 شهر



الفورد حبيتـه رفيـق المداهيـل
من شانه اللي فايقن فـي جمالـه



ابذكر الميزات واعطيـك تفصيـل
وعندي على قولي شهود ودلالـه



الاوله من مصنعه بالبحـر شيـل
مجلوبن من الغرب موتـر وكالـه


طبلونه اصفارن ولا دار به ميـل
ولا ثبر بيـن الوحـل والطمالـه

من مصنعه للمشتري حفظ وتدليل
مستور وظله بين صالـه وصالـه

بدرن تعلا بالفضـا لظلـم الليـل
كنه سنـا برقـن يلاسـب خيالـه

فيه المتانه والعزم ينهض الحيـل
ما يرتخي في كايد الـدرب حالـه

متماسكن ما فيه حـذف وتراقيـل
لمـد بالبيـدا يسـابـق جمـالـه

متوازن الترصيص ما فيه تسحيل
ثابت مع الاريـاح عدلـن مجالـه

يصبر على الكده اليا جاه تحميـل
لو تكثر الاحمـال وتزيـد شالـه

الفورد موتر طلعتك لقبـل السيـل
وان طالت القيله وصكـت جبالـه

ما يرتخي بالطين يصهل كما الخيل
شرسن مع الطعس الحمر في رماله

صوته اليا ديور كما صيحة الفيـل
اللي مـع الغابـه ينـادي عيالـه

والا مع القفرا اليا سار ما يميـل
مثل الجمل لمـن تدرهـم لحالـه

يصبر على درب العنا والغرابيـل
يستاهله قرمن صرف لـه ريالـه

موتر خلا يكفيك عسـر وبهاذيـل
وترا المعالي للـي جـود حبالـه

من يستخير الرب شرب الشهاليل
ومن صد عن ربه يعيش برذالـه



الابيات للشاعر
( يوسف الخليفة )

منقوووووووووووووول







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكراً لردودكم


up 0 down 0
خالد الزهراني 07 137
قبل 9 سنه و 3 شهر



غير صحيح يخوي خل الشفر يمشي على هونه


up 0 down 0
classic_506
قبل 2 شهر و 3 أسبوع