مشكله حراره لينكون 2006 اتمنى تفيدوني

شيك على ليات الرديتر مع السرعه تنكمش ومايوصل الماء

بالتوفيق

جرب تسيخ الراديتر و حط ماء ميتسوبيشي الأصلي (لونه أحمر) اعتقد الدبه بـ 35 او 45.
واعطينا خبر..

جرب تسيخ الراديتر و حط ماء ميتسوبيشي الأصلي (لونه أحمر) اعتقد الدبه بـ 35 او 45.
واعطينا خبر..

هلا فيكم يا اخوان
بالنسبه لليات  سليمه
انا مشيت فيه وخليت الحراراه ترتفع ونزلت وشفت الليات
مو منكمشه ولاشي


بالنسبه لتسيخ الرديتر   سويته
وحطيت مويه خضرا
لكن بدون فايده

عــدة اسباب لارتفاع حرارة محرك السيارة



الفكرة العامة لعمل دورة التبريد بالمحرك:


تعتمد فكرة تبريد محرك السيارة على سحب الحرارة المتولدة على رأس الماكينة، نتيجة حدوث الاحتراق الداخلي ..
بواسطة الماء (( سائل التبريد )) الى الرديتر ، حيث يبرد الماء ثم يتجه مرة اخرى الى اجزاء المحرك المراد تبريدها .





الأجزاء التي يمر عليها الماء



1/ الرديتر.
2/ خراطيش الماء.
3/ الكوع.
4/ البلف.
5/ مجاري الماء داخل المكينة.
6/ طبات الموية على المكينة.
7/ طرمبة الماء.
8/ حساس الحرارة.



ملاحظة: -أي خلل في هذه الأجزاء يسبب الحرارة-




أسباب ارتفاع حرارة المحرك:


أسباب ارتفاع درجة حرارة المحرك كثيرة تصل لحوالي 25 سبب أو أكثر من أهمها:


1/ تلف او اتساخ او انسداد الرديتر.


2/ تلف غطاء الرديتر.


3/ وجود تشقق او ضعف في خراطيش الماء، فالتشقق يسبب التهريب، والضعف او التآكل يسبب سفط للخرطوش عند عملية سحب الماء بواسطة الطرمبة، وبالتالي قلة الماء الواصل للمحرك.


4/ اتساخ أو صدأ بلف الحرارة، وبالتالي لا يفتح عند درجة الحرارة المطلوبة، للتأكد من أن الثيروموستات يعمل بطريقة سليمة، أضغط بلطف على خرطوش الريديتر حينما تكون السيارة في طور الإحماء. إذا لم تتغير حرارة الخرطوش خلال دقائق من التشغيل، فإن هذا يعني إحتمال عطب الثيروموستات


5/ ضعف ضغط طرمبة الماء: ويمكن الكشف على ضغط الطرمبة بالطريقة التالية:
تعال للسيارة وهي باردة، وافتح غطاء الرديتر وشغل السيارة، اتركها لمدة دقيقتين او لين تحتر شوي، عشان يفتح البلف، ثم ادعس بنزين اذا شفت الموية تتحرك في الرديتر الى اسفل واعلى او تدور، فهذا يعني انها تشتغل زين، وإلا فلا..


6/ تلف أو ضعف وجه راس المكينة: وهذا يعرف بتفتفة المكينة والارتفاع الملحوظ في درجة الحرارة خاصة على السرعات العالية، وايضا وجود انتفاخ ملحوظ في خراطيش الماء، تجي تن بها صعرور .


7/ تلف رأس المكينة، وتدل عليه التفتفة القوية في المكينة، وفوران الرديتر عند تشغيل السيارة، يعني تجي للسيارة وهي باردة وتفتح غطاء الرديتر وتشغل السيارة، ما تقعد لك شوي الا والرديتر يفوح والحرارة H


8/ وزن البلوف: ويعرف بأن السيارة ما تشتغل من اول مرة،
وصدور اصوات طقطقة في الراس أو صوت فرقعة داخل المكينة.


9/ صنفرة البلوف.


10/ انسداد البخاخات او الكلبليتر.


11/ تلف البواجي.


12/ احتراق زيت المكينة والمشي عليه لمسافات طويلة، مما يؤدي لانعدام لزوجته.


13/ عدم ضبط وزنية الديلكو.


14/ تلف كلتش المروحة: ويمكن التشييك عليه بالطريقة التالية: تعال لسيارة وهي طافية، وقم بتدوير المروحة بيدك، إذا كانت خفيفة فهذا يدل على تلف الكلتش، والعكس بالعكس.


15/ تلف المروحة، وذلك بوجود عفط او كسر في احد ريشها.


16/ المراوح الكهرب: لابد ان تكون جميع توصيلاتها سليمة: (كتاوت، اسلاك كهربائية، فيوزات.... إلخ) وإلا قد تفصل في أي لحظة، او يتسبب خلل ما الى عدم اشتغال السرعة الثانية للمروحة، وبالتالي ارتفاع حرارة المكينة.


17/ بكرة كمبروسر المكيف، وكلتش الكمبروسر، لو كان مجيم يمسك المكينة ما يخليها تاخذ راحتها في الدوران، وبالتالي ترتفع حرارتها.


18/ انسداد او عفط الشكمان او الدبة.


19/ القير التماتيك اذا كان ما يبدل مضبوط، أو وزنيته فيها خلل يسبب حرارة.


20/ حساس الحرارة، كثير من الأحيان يعطي قراءة خاطئة، من المهم التشييك عليه قبل الدخول في الحلول الأخرى ..


21/ سير المروحة إذا كان مرتخياً.



22/ الفرامل !! طبعاً قد يستغرب البعض، كيف تكون الفرامل سبب في ارتفاع الحرارة؟!

الجواب ببساطة: الفرامل إذا كانت ماسكة ولو شي بسيط تسبب ارتفاع الحرارة مع المشي، خاصة السيارات القديمة والسيارات اللي وجه الراس حقها فيه ضعف،،،





هذي تقريباً أغلب الأسباب اللي تسبب الحرارة، وتختلف من سيارة لأخرى، لكن كل واحد يشوف سيارته ويطبق هالكلام اللي قلنا وانشاء الله تمشي الأمور..








أعطال وحلول:


نأتي في هذه النقطة لبعض النوعيات من مشاكل الحرارة والتي غالباً ما يكون تشخيصها فيه شئ من الصعوبة:



الحرارة ترتفع عند توقف السيارة وتنخفض عند المشي .:.:.


هذا يكون بسبب نقص الهواء، يلزم التشييك على المروحة والكلتش حقها، وسير المروحة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
الحرارة ترتفع مع المشي ، خاصة عند السرعات العالية .:.:.


المشكلة من الرديتر مسدود، أو الطرمبة ضغطها ضعيف، أو وجه الراس ضعيف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
الشكمان يصب ماء في الأجواء الحارة ، والمكينة حرارتها مرتفعة .:.:.


تلف وجه الراس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
الحرارة ترتفع مع الدعس الزائد على المكينة ، وتنخفض مع الدعس البسيط .:.:.


يوجد مشكلة في القير التماتيك، إما وزنية، او الكلتشات محترقة.
واحتمال ايضا وجود ضعف في
وجه الراس، او تلف او انسداد الرديتر

كفيت ووفيت يا ولد ابوك 
وتكفى غير اسمك

شف مو شرط اي واحد يضبط التسييخ انا سيخت عند يماني وكانت مشكلتي زيك ورحت سيخته عند باكستاني اعرفه وغيرت بلف اصلي وحطيت موية مستوبيشي الاصلية مو اللي عند الرديترات اللي لونها اخضر مهي اصلية  وكان عندي مشكلة في الشكمان يوم سويت ذي الامور كلها ضبط الموتر 

المشكلة عندك من الراديتر 

ماقصرتو يا اخوان
شكلي بجرب اسيخ الرديتر مره ثانيه



مع العلم ان الشغالات حقت الشكمان مفكوكه؟؟
هل ممكن تكون هي السبب

هذه أعراض الراديتر

تسييخ أو تغيير

اهلين اخوي
نصيحه من اخوك -(روح محل لديترات وافحص احسن واضمن بس روح محل ثقه وفي الامانه وافحص الي اقولك عليه بزبط)
-(سوي تسيخ للديتر كامل)
(وجيب سيخ نحاس حق اللحام وتحصلو في محل اللديتر ودخلو في الليات الصغيره راح يطلع تراب واوساخ)
-(اشتري جكين ماء رديتر ميتسوبيشي اصلي من محل ثقه وامين وسعر الجك بي 35 ريال واشتري للاحطيات ماء مقطره 3 علب تكون اصليه من محل موثوق منو ولو نقص ماء في اللديتر)
-(قربه الماء فكها واغسلها في محللول غسيل ونشف كويس)
-(وانت في المحل خلي يفحص)
1- ليات اللديتر كامله - ممكن في قطع بسيط ومو بأين
2- الرديتر كامله ممكن في شعور بسيط في الرديتر ومو بأين
3- الغطا اللديتر - ممكن الجلده مهريه من تبخير الماء
4- اللي الصغير حق القربه - ممكن في قطع بسيط ومو بأين
5- قربه المويه - ممكن في شعور بسيط في القربه ومو بأين
6- الكوع - ممكن في شعور بسيط في الكوع ومو بأين
7- القفايز كامله - ومن النادر ما تخب وانصحك في النوع الامريكي وسعر من 4 الي 8 ريال
8- ضبه اللديتر (فوق ولي تحت)- ممكن في شعور بسيط في الضبه ومو بأين
-(لو انت من جده كلمني خاص ادلك على محل ثقه)
والله يعطيك العافيه وشكرااا لك

السلام عليكم
يعطيك العافيه اخوي صديق المنتدى
ان شاء الله بسوووي الاشياء اللي قلتلي عنها
ون شاء الله تنحل المشكله