ما هو الافضل في الفكتوريا

اهلين اخوي
-(الاكيد الفل كامل ومن غير اي تفاهم ويجي الفل كامل اغلى من الاستاندر (لانو في تقنه اكثر من الاستاندر) وكلام صديقك للاسف غير صحيح نهائي)
والله يعطيك العافيه وشكرااا لك

الفورد نظامها سعودي او امريكي 

السعودي افضل واذا حصلت سعودي فل كامل اخذه وانت مغمض بس تأكد من القير والبدي والمكينه

يلغالي احترمك وحترم كلام الشباب 
انا لا شريطي ولاادافع عن خويك 
انا اخذ فكتوريا 2011فل كامل وبعتها ابغا استاندر مقاعد 
مخمل المخمل في الفكتوريا والماركيز مريحه جدا جدا 
بعدين المكيف المس فيه خرابات تخرب الوحه فيه 
اما الاستاندر عمل فرار 
بختصار الي يدور الراحه ياخذ استاندر 
ولي يدور المنضر ياخذ فل 

الفل الكامل اكيد افضل ويختلف في الكماليات والاكسسوارت عن الاستاندر




اما المكينه والجير فهما نفس الشئ

مايبي لها كلام ان الفل افضل لان الفرد يعني مافيه حساسات كثيرة او شي الفل يفرق عن الاستاندر اشياء عادية يعني جلد وميزته يعطي منظر افضل للسيارة مركب انعم بالنسبة للماركيز الفل يكون فيه كشافات وهاذي تجمل وجهيته جدا وتنفعك في الخط ايضا طبلونه اكتروني وعادي وهاذي ميزة حلوة انك تشوف عداد الارقام او العداد العادي وبرضوه تقدر تقدم وترجع دواسات البنزين وهاذي ميزة حلوة اذا ساق الموتر شخص طويل او قصير او كذا يعني كلها اشياء عادية وين تخرب معه وبعدين تراها سيارة مهيب سيكل تخرب بهالسهوله ... وايضا المرتبة في الاستاندر تكون وحدة متحركة حقت السواق يعني فرقت لو صارت ثنتين ... مجمل الكلام الفل افضل ولا يلعب عليك يقول الاستاندر مرغوب الاستاندر يشترونه الناس عشانه رخيص لكن مايبي لها كلام لو يجي فل كامل نظيف يجيب قيمته وزود خصوصا انها توقفت صناعته ... بالتوفيق

مشاء الله ماقصرو الشباب بالايضاح واتفق معهم
الي بقوله ان الفرش المخمل بالفورد اريح وابرد ولحد يقولي مراتب جلد اجمل لاني اتفق معه من ناحية الجمال ولكن الراحه لها ضريبه
عموما موتر مراتبه الجلد لايوجد بها تبريد مقاعد لا تحرص تاخذه
والاستاندر هو الشائع بالسوق ويتفق معي الجميع بذلك بالنسبة لسعودي وقلما تجد فل او نص فل حتى
انا عن نفسي فضلت ان اشتريه ستاندر وكاله ولا ان اشتري امريكي مستعمل نفس الموديل واقل سعر
ختاماً هناك من يتبع مقولة (( كل ما يعجبك والبس ما يعجب الناس )) فكلام صاحبك صحيح مقياساً للمتابع لسوق وماهو شائع ان الستاندر مستهدف وذلك لقله السعودي الفل كامل من جانب ومن جانب اخر كثير من يفضلون الستاندر وانا اولهم ودمتم جميعاً سالمين

معي ماركيز صار له سبع سنوات عندي
فل كامل جلد ومكيف لمس وشاشة الكترونية
ماشاء الله تبارك الله لامشاكل بالمكيف ولا بالشاشة
المهم حاول تنصح خويك انه مايعطي نصايح ولاعاد تاخذ منه استشارات

جزاكم الله خير جميعا ما قصرتو بيض الله وجيهكم ، كم يسوئ الفكتوريا سعودي ستاندر ماشي 30 الف