أضف سؤال أو موضوع جديد          

قصتي قبل شوي و تراها شوي طويله

up 16 down 9
abo tawfiq 372
قبل 7 سنه و 5 شهر



 بسم الله الرحمن الرحيم ....


اخبار الشباب عساكم بخير انشاءالله ...

والله ي حبايبي قلت بما اني فاضي قلت خلني اقولكم قصتي اليوم > مصدق عمره انه رجل الاعمال 

امزح امزح المهم اليوم العصر جاتني الوالده ( الله يحفظها ويحفظ امهاتكم ) قالتلي ابيك توديني مشوار 

صغير وقتها عرفت انه مشوار جدا طويل ( دايم يضحكون علي فيها ) المهم وقمت شغلت السياره 

وركبنا وانا ماشي بالطريق دخلت من وسط حديقه اختصار للوقت الا واشوفهم حاطين مطب 

مرررره كبير عرفتوه المطب الي يجيك ارتفاعه متر وطوله 3 امتار ويجيك ببلاط ومدلعينه 

^ عاده يحطوه في الاماكن الفخمه والشوارع الي تكون فيها اسواق والحدائق والكورنيش 

المهم قلت حركات مسوين مطب كويس والله عشين الورعان لا تدعسهم السيارات المهم وصلت 

امي وقالتلي اذا خلصت ادق عليك ومشيت للبيت وجلست الين دقت علي وقالتلي تعال 

والله واروح اخذها وجالسين نسولف وكذا واجيك واشوف كوريلا قدامي ماغط قلت هذا وش فيه 

مسرع كذا ووسط حديقه وبيني وبينكم كنت مسرع حبتين قلت الحديقه فاضيه والطريق مشاءالله كويس

خلنا ندز شوي المهم ويوم قربت من المطب نسيت ان فيه مطب بوصفلكم وش صار الحين وتحملوني شوي

جيتك ماشي يمكن 70 او 50 مني متذكر كم السرعه و فجاءه الا السياره اخذت وضعيه الاقلاع 

اقلاع اقلاع بما تعنيه الكلمه ولما هبطنا الا اسمع صوت السياره من قدام زي كذا تبججججججججججج

وحسيت بالم براسي وامي قامت تهاوشني الله يخليها والله ما تنلام بعد الخبطه وحمدالله انها جات سليمه 

وتقولي امي انت ما تشوف وانا والله ما شفته ولا دريت عنه الا بعد الاقلاع المهم وقفت على جنب وارجع للمطب 

الا واشوف الازفلت قدامه متقشر قلت اكيد صار اقلاعات كثيره هنا وحمدالله ان ما صارلنا شيء

ولا السياره حمدالله المهم مشيت وانا ادعي عليهم < غلطان وله عين .

المهم وديت امي البيت واروحلك على البنشري وانزل في حفره و معي الكشاف اشوف صار شيء ولا لا 

والحمدالله ما لقيت شيء والصبح انشالله بشوفها مره ثانيه لاني لقيت قطعه بلاستيك عند المطب 

فبتاكد هي من سيارتي ولا من السيارات الي قبلي وانشاءالله انه ما تكون من سيارتي .

نصيحتي ي اخواني انتبهو بالليل ولا تسرعو زي ( بعض الناس ) وتاكدو من نوركم خاصه السيارات 

المرتفعه لان نورها بالغالب يكون مرتفع عن الارض وما تشوف كويس خاصه اذا كنت بشارع منور 

يعني نورك يختفي مع النور البرتقالي الجميل وانا اقولكم اني اخطيت لما سرعت شوي بس حمدالله عدت 

على خير بس الانوار حقتي والبلديه المحترمه يتحملون شوي لان البلديه لا هي مسويه لوحات 

ولا انوار ولا حتى كلفو نفسهم يلونون المطب عشين يبان وانواري الشكوى لله تعرفون اكسبلور والاكسبديشن 

انوارهم مرفوعه متر عن الازفلت ما تشوف الا في الظلمه لكن في شارع منور انسى انك نشوف النور يختفي.

هاذي قصتي اليوم حبيت اشاركم فيها وياليت الي عنده موقف زي كذا يقولنا اياه منها نغير جو ونستانس 

ومنها نضحك شوي ... امزح امزح ما اقول الا الله يوفقكم وسامحوني على الاطاله .....



توصون شيء ولاش ف امان الله . ^_^







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يحفظ لك الوالده والوالد ويطول بعمرهم على طاعته
تلاقي البلاستيك الي طاح بالشارع من البطانه السفليه وامرها بسيط


up 2 down 1
الكائن الصغير 199
قبل 7 سنه و 5 شهر



 انتبهو بالليل ولا تسرعو زي ( بعض الناس ) ههههههههههههه


up 2 down 1
عبدالرحمن إسماعيل 779
قبل 7 سنه و 5 شهر



الظاهر اول مره تاكل مطب زي كذا اشوفك منصدم منه بزياده
ترا بتاكل غيرها صدقني مهما كان انتباهك وغيرها واجد ومثلها واكبر منها ياما كلينا
كان ودي تجمعها وتسدحها بموضوع واحد هههههه. بالتوفيق


up 3 down 0
عـادل عبدالله 4751
قبل 7 سنه و 5 شهر



الكائن الصغير : امين وياك يا رب بالنسبه للقطعه البلاستيكيه ما اظنها من البطانه لان القطعه صغيره مره 

طارق : اليوم شكلها عدوى المطبات ههههههههه

ماجد :  تكفيني ضحكتك وعساها دوم انشاءالله 

شكلين ما بحكي : والله حبيبي ياما اكلت مطبات واقلعنا بس ما عمري اقلعت زي اليوم وانشاءالله اول واخر مره 

وانشاءالله م يصيرلكم مثلي بس ي خي خلك ايجابي يكفيك انه اقلاع مجاني وما اخذ الا ثواني وبيني وبينك 

لازم اوقات تسلك لنفسك وموفقين جميع ...


up 1 down 1
abo tawfiq 372
قبل 7 سنه و 5 شهر



الله يخلي لك الوالد ويطول بعمرها يارب 
وما يحتاج تشيك على السياره الصبح,,شيك على الوالده بكرى لا يكون جاها شي ههههههههههه 
الله يحفظها لك ولا اوصيك ببرها فقد وصنا نبينا محمد صلى الله عليه وسلم
تحياتي لك


up 2 down 1
ابونادر4647 285
قبل 7 سنه و 5 شهر



المطبات وساهر من اسمج ما رايت هههههه


up 1 down 0
00700 542
قبل 7 سنه و 5 شهر



تعيش وتأكل غيرها الرياض كلها مطبات من نوع فاخر حتى انك ماتدري هاذا مطب ولا أزفلت 


up 1 down 0
فهد4950 2543
قبل 7 سنه و 5 شهر



يارججال خالي اكل مطب في الليل وهو مسافر راح وسوى سحب للكفر مدري وشو


up 1 down 0
ahmad alhodali 400
قبل 7 سنه و 5 شهر



ياخوب هالمطب فدا للوالده ومشوارها الله يخليها لك ولا يحرمها برك


up 2 down 0
شليطيح 5018
قبل 7 سنه و 5 شهر



ياخوب =ياخوي         


up 2 down 0
شليطيح 5018
قبل 7 سنه و 5 شهر



الله يخليها لك ويطول باعمار امهاتنا وامهات المسلمين يارب ... بالنسبة للمطب ان شاء الله انه ماتأثر الموتر وبيبين معك الايام الجاية هاذي ان سمعت صوت قربعة من كرسي المساعد او الجلد انقز بها لحق الميزان ويااااما ويااااما كلينا مطاب وملينا وحنا ندعي ... قد سافرت مع مطب انا على سرعت 80 في اسكان الخرج على سوناتا 2006 والله اني شايف الشرار طالع من وجه الموتر ... توصون شي ولا اش فمان الله ههههههههههههههههههههههههههههههه


up 2 down 0
a.ibrahem 3167
قبل 7 سنه و 5 شهر



انا اكلت مطب وانا ماشي على رجلي 
وتعال شوف كيف الاقلاع 

هههههههههههههههههههههههههههههههههههههههههههههههههههههههههه


up 1 down 0
شبح 600 sel 6081
قبل 7 سنه و 5 شهر



هههههههههههههههههههههههههههههههههههههه

بس يالغالي ان تقصد ان معك الكوريلا ولا واحد ثاني هههههه اعذررني مافهمتك


up 0 down 0
وليد202 103
قبل 7 سنه و 5 شهر



 لا هاذا واحد ثاني الي معه الكوريلا


up 0 down 0
abo tawfiq 372
قبل 7 سنه و 5 شهر