X كيف اشتري ماركيز 2011 ب 20 الف - تمت الاجابه X

35 15

لايمكنك التصويت حتى الحصول على 20 نقطة على الأقل
إضغط هنا للإخفاء

ابو يزيد 000 8714
قبل 9 سنه و 11 شهر

السلام عليكم ورحمة الله وبركاته

كيفكم عساكم طيبين

وجمعه مباركه على الجميع

من قبل الصلاه وانا ادور موضوع اتكلم عنه ولكن للأسف ما لقيت

كان ودي انزل موضوع يكون له علاقه بالسيارات ولكن بعيد عن السيارات

فهمتوا كيف هههههه

ما ادري كيف اشرح 

يعني الحين الجو بالموقع كله عن خرابات او اصلاح خرابات او سيارات توها تنزل او استفسارات

وابغا اغير الجو واقول موقف او قصه مثل مواضيعي السابقه لتغير الجو ويكون الموضوع له علاقه بالسيارات لكن من بعيد فهمتوا كيف

اذا ما فهمت عاد وش اسوي لك ههههه

على العموم اذا احد عنده اي موضوع يبغاني اتكلم فيه , يكتب له بالتعليقات لعلي اتذكر قصه او موقف حصل لي او حصل لاحد اعرفه واكتبه لكم

موضوعنا اليوم خفيف 

كيف تشتري فورد قراند ماركيز 2011 ب 20 ألف ريال !!

^ كيف ؟؟

أنا اقولك كيف يا بعد قلبي

سعر الفورد قراند ماركيز 1998 - 2002 حالته جيده حدود 15 ألف ريال والنظيف يكون اعلى بقليل

خلونا على متوسط الاسعار اللي هو 15 الف ريال

^ طيب الى الآن ما ادري وش تقصد يابو يزيد ؟؟

طيب اصبر شوي خلني اكمل الله يسعدك  :)

^ اوكيه ومعليش على المقاطعه

تسلم حبيبي , و مثل ما قلت لك سعر الفورد قراند ماركيز 98 الى 2002 حدود 15 الف ريال

الحين بأشرح لك كيف يكون عندك ماركيز 2011 ب 20 الف

^ تفضل وقولي كيف

الطريقه يا الغالي كالتالي :

روح محلات قطع الغيار حقت فورد

^ اوك

واطلب القطع التاليه صناعه تايوانيه

1 _ صدام امامي 2006 - 2011 سعره تقريبا 200 ريال
2 _ صدام خلفي 2006 - 2011 سعره تقريبا 200 ريال
3 _ شمعات اماميه كامله مع الاركان سعرها تقريبا 350 ريال
4 _ اسطبات خلفيه مع قطع البلاستك اللي بالشنطه ( العواكس ) 2006 - 2011 سعرها تقريبا 300 ريال
5 _ رفرفين أماميه 2006 - 2011 سعرها تقريبا للجميع 350 ريال 
6 _ شبك امامي 2006 - 2011 سعره تقريبا 150 ريال

المجموع كامل تقريبا 1550 ريال

^ تمام وويش بعد ؟؟

يبقالك الجنوط يا الذيب , وسعرها جديده تجاري 1200 ريال مقاس 17 حقت 2011 بدون كفرات , الكفرات كوري تقريبا ب 1200 ريال جديده , وهذا الامر راجع لك , يمكن تشتري لك كفرات مستعمله ب 500 ريال او تشتري جنوط مستعمله مع كفرات مستعمله ب 1500 ريال فالامر راجع لك 

لكن ان كان تبي كلش جديد , كفرات جديده و جنوط جديده , فالسعر تقريبا من 2000 الى 2200 ريال والكفرات صيني او كوري

وبكذا تكون سيارتك من الخارج 2011 بالكامل , بسعر اجمالي ( 1550 + 2200 ) 3750 ريال ونقول شغل اليد ( رش القطع مع التركيب ) يكلف 500 ريال تقريبا في ورشه نظيفه 

فيطلع الاجمالي 4250 ريال + سعر السياره 15 الف ريال , يطلع عليك اقل من 20 الف ريال

 ^ مشكور يا الغالي وما قصرت , وفعلا طريقتك جدا ممتازه وغير مكلفه نهائيا , و اروح اكشخ عند العيال بماركيزي 2011 وهو موديله 2000 ههههه , والله ما قصرت والصراحه افدتني الله يجزاك خير

العفو حبيبي وهذا واجب ولو بسيط للاعضاء حبايب قلبي الله لا يحرمنا من وجيههم الطيبه

في الختام , تقبلوا تحياتي 

محبكم ابو يزيد

إبلاغ

الردود